Ang kwento sa likod ng aking PCOS baby: "Your time will come, magiging mommy ka rin"
Hi I am Melody Ang, 28 years old and first time mom here. Its my very first article at sana masundan pa ng marami. Lumaki ako sa broken family at mahirap na wala masyadong nagga-guide sa 'yo. Lalo na noong nagbuntis ako, That's why I am very thankful sa TAP and in return I want to inspire and help other mommies na kagaya ko na medyo coping pa sa motherhood stage.
Gusto kong ibahagi ang personal na experience ko, lalo na sa mga babaeng katulad ko na mayroong PCOS o Polycystic Ovary Syndrome na nagnanais din magkaroon ng baby. PCOS ay isang kundisyon kung saan naapektuhan nito ang hormone levels ng isang babae na nakakaapekto sa pag-conceive.
Mababasa sa artikulong ito:
- Karanasan sa pagkakaroon ng PCOS
- Hindi inaasahang pagbubuntis
- Mensahe sa iba pang babaeng nais magbuntis
Nang matuklsan ko ang pagkakaroon ko ng PCOS
Noong unang beses na natuklasan ko na mayroon akong PCOS, hindi ko ito masyadong pinansin. Naisip ko na baka nagkamali lang ang resulta ng ultrasound.
Nagpa-second opinion ako at doon nga ipinaliwanag ng OB sa ‘kin na mayroon akong PCOS. Doon ko nalaman na maraming symptoms ang PCOS, in my case nakakaranas ako ng irregular periods, kung saan every 4 months lang ako nagkakaroon ng buwanang-dalaw.
Larawan mula sa iStock
Isa rin umano ito sa mga dahilan kung bakit hirap akong magbuntis ayon sa aking OB. Sinabi ng first OB ko na walang accurate na gamot para sa PCOS ang pwede ko lang gawin ay imanage ang iba’t ibang klase ng symptoms niya. Para sa iba pang kaalaman patungkol sa PCOS pwede niyo itong basahin, i-click lamang ito, Mga dapat malaman tungkol sa Polycystic Ovarian Syndrome (PCOS).
Sobrang nag-alala ako na baka sa kalagayan ko hindi na ako mabuntis. Dumating ako sa point na sinabi ko sa sarili ko na hindi na ako mag-aasawa kung hindi rin naman sigurado na magbubuntis ako. Natatakot ako na baka iwanan ako ng magiging asawa ko dahil sa ‘di kami magkaanak.
Ang pag-manage ko sa aking PCOS
Until last quarter ng year 2018 naisip ko na gagawa ako ng paraan upang imanage ‘yung symptoms ko. Naisip ko na magandang new year resolution na rin ito para sa akin. Nagsimula akong uminom ng pills para ma-normalize ang menstruation ko. Nag-umpisa na rin akong mag-work out sa gym. Nagbunga naman ng maganda ang pagwu-work out ko dahil napansin kong normal na ang period ko.
Hindi inaasahang pangyayari
Sa hindi inaasahang pagakakataon after few months, around first week ng August 2019 nakaramdam ako na may pagbabago sa aking katawan. Madalas na akong naduduwal at nahihilo sa umaga. Madalas akong makaramdam ng pagod at nagiging antukin. Noong umpisa akala ko inaatake lang ako ng vertigo hanggang sa napapadalas ang hindi magandang pakiramdam lalo tuwing umaga.
BASAHIN:
Mga dapat malaman tungkol sa Polycystic Ovarian Syndrome (PCOS)
Paano mabuntis kahit may Polycystic Ovarian Syndrome o PCOS?
Sinabi ko sa partner ko ang mga nararamdaman ko at naisip niya na baka raw buntis ako. Sa isip-isip ko parang malabong mangyari na buntis ako. Kasi noong una pa lang ilang beses na namin sinubukan, pero hindi ako nabubuntis. Saka madalas naman na hindi talaga ako dinadatnan kada buwan.
Until naisipan ko na magpacheck up sa hospital pero bago noon bumili muna kami ng Pregnancy Test kasi naisip ko na irerekomenda rin ng hospital na mag-PT ako dahil sa mga sintomas na nararamdaman ko. Nag-try akong mag-PT, nagulat ako na dalawang guhit ang nakita ko sa PT. Hindi ko lubos maisip na buntis ako. Sobrang nag-alala ako dahil nagawa ko pang magpa-Xray a month ago. Pagpunta namin sa hospital doon na sinabi ng OB na 2 buwan na akong buntis.
Ang aking PCOS baby
Honestly, noong unang beses na nalaman ko na buntis ako halo-halong emosyon ang naramdaman ko. Paglabas pa lamang ng resulta ng PT halos maiyak ako. Hindi ko alam kung ano ba dapat maramdaman ko. Pero niyakap ako ng partner ko at doon ko na-realize na dapat maging thankful ako. Noong una, wala muna kami pinagsabihan na buntis ako. Pinagisipan namin na hintayin muna ang result ng ultrasound para sure kami na talagang buntis ako.
First Ultrasound, sobrang kinakabahan ako. Hindi ko alam kung normal lang ba nakabahan kapag first ultrasound. Kabado ako na paano kung hindi naman pala talaga ako buntis at mali ang resulta ng PT. Isa rin sa mga dahilan kung bakit kabado ako ay paano nga kung buntis ako, paano kung nagkaroon ng masamang epekto ang x-ray sa pagbubuntis ko. Good thing kasi first ultrasound namin okay naman ang naging resulta. Nagpapasalamat din ako dahil healthy ang baby ko, ang aking PCOS baby na hindi ko talaga inasahan ang pagdating.
Mensahe ko sa iba pang sumusubok magka-baby
Mahirap talaga ang pagkakaroon ng PCOS dahil iisipin mo na baka hindi ka magkaanak. Naroon din ‘yung pag-aalala na baka iwan ka ng iyong partner o asawa dahil baka hindi kayo magkakaanak. Pero huwag kayong mawalan ng pag-asa. Basta gawin niyo lamang ang best niyo para ma-manage ang PCOS niyo. Your time will come, magiging mommy ka rin. Ma-inspire sana kayo sa aking kwento. It doesn’t mean na you have a PCOS ay hindi ka na talaga magkaanak, just keep on trying.
#TAPMom
#VIPParents
#TAPWriter