X
theAsianparent Philippines Logo
theAsianparent Philippines Logo
EnglishFilipino
  • Building a BakuNation
  • Para Sa Magulang
    • Nagplaplanong Magbuntis
    • Pagbubuntis
    • Pangaganak
    • Nawalan ng baby
    • Project Sidekicks
  • Tungkol sa Anak
    • Sanggol
    • Preschooler
    • Preteen at Teenager
    • Toddler Years
    • Bata
  • Pagpapalaki ng anak
    • Gabay ng Mga Magulang
    • Balita
    • Relasyon
  • Kalusugan
    • Mga sakit
    • Allergies at mga kundisyon
    • Mga Bakuna
  • Edukasyon
    • Preschool
    • K-12
    • Edukasyon ng special children
  • Lifestyle
    • Mga kilalang tao
    • Contest at promotions
    • Bahay
    • Bakasyon
    • Fashion
    • Fitness
    • Wellness
    • Pinansyal
  • VIP Community
  • Pandemya ng COVID-19
  • Press Releases
  • TAP Picks
  • Shopping

Hirap sa pagdumi? Subukan ang 8 home remedies para sa constipation

7 min read
Hirap sa pagdumi? Subukan ang 8 home remedies para sa constipation

Nahihirapan makadumi dahil sa tibi o constipation? Narito ang mga home remedies para pampalambot ng dumi at lunas sa mga nahihirapan sa pagdumi.

Hirap ka bang ilabas ang iyong dumi? Narito ang mga home remedies na pwede mong subukan para pampalambot ng dumi.

Mababasa sa artikulong ito:

  • Ano ang constipation?
  • Sintomas ng constipation
  • Home remedies na pampalambot ng dumi

Natural para sa atin ang magbawas araw- araw. Senyales ito na malusog ang ating digestive system. Iba-iba rin naman ang mga tao pagdating sa pagdumi. Mayroong regular na nagagawa ito isang beses sa isang araw, at mayroon ring nakakapagdumi ng mahigit sa isang beses. 

Subalit kung nagiging madalang ang iyong pagdumi at nakakaranas ka ng hirap habang ginagawa ito, maaring mayroon kang constipation.

Talaan ng Nilalaman

  • Ano ang constipation?
title="Mga sintomas ng constipation ">Mga sintomas ng constipation
  • Mga posibleng sanhi ng constipation
  • title="8 pampalambot ng dumi na pwede mong subukan ">8 pampalambot ng dumi na pwede mong subukan
  • Kailan dapat pumunta sa doktor
  • Ano ang constipation?

    Ang constipation ay isa sa mga karaniwang sakit sa ating digestive system. Inilalarawan ito ng hirap sa pagdumi, sakit kapag tumatae o pagiging madalas ng pagdumi. Kung ang iyong pagdumi ay naging madalang (3 beses sa isang linggo), maaring mayroon kang constipation.

    Maraming posibleng dahilan ang pagkakaroon ng constipation. Kadalasan, nangyayari ito kapag mabagal ang pagdaloy ng dumi o stool sa ating colon. Kapag mabagal ang pagdaan ng pagkain sa ating digestive tract, mas maraming tubig ang nasisipsip nito ay mas tumitigas ang ating stool.

    Mga sintomas ng constipation

    Alam mong constipation ang nararanasan mo kung:

    • Masakit ang ibabang bahagi ng iyong tiyan
    • May pakiramdam na nadudumi pa rin, kahit kakadumi lang
    • Maliliit at matitigas na dumi
    • Hirap na hirap mailabas ang dumi (minsan umiiri)
    • May rectal bleeding o pagdurugo kapag dumudumi

    BASAHIN:

    5 gamot sa constipation para sa mga buntis

    11 Pagkain na makakatulong para sa constipation ni baby

    11 Bagay na dapat malaman tungkol sa constipation at diarrhea ni baby

    Mga posibleng sanhi ng constipation

    Ang constipation ay karaniwang sanhi ng mabagal na paggalaw ng tinutunaw na pagkain sa colon (malaking bituka).

    Narito pa ang ilang posibleng sanhi ng hirap sa pagdumi:

    • mga gamot na iniinom
    • kakulangan sa pag-eehersisyo
    • pagbabago sa iyong routine
    • kulang sa fiber sa iyong diet
    • kakulangan ng tubig sa katawan
    • maling paggamit ng laxatives
    • hormonal disorders o mataas na lebel ng estrogen at progesterone kapag nagbubuntis

    Kailangang kumonsulta kaagad sa doktor para malaman kung bakit nga ba nangyayari ito, lalo na kung nagbubuntis at para malaman na din kung ano ang mga pagkaing pampalambot ng dumi na pwede mong subukan

     

    pampalambot-ng-dumi

    Pampalambot ng dumi | Image from Freepik

    8 pampalambot ng dumi na pwede mong subukan

    Bagamat pwedeng magreseta ang iyong doktor ng gamot na makakatulong sa iyong constipation, mayroon rin namang mga home remedies na pwede mo munang subukan:

    1. Uminom ng maraming tubig.

    Isa sa pinakamabisang pampalambot ng dumi ay ang pag-inom ng madaming tubig.

    Kailangan ng katawan ang tubig para maging madali ang pagdaloy ng pagkain at stool sa ating katawan. Kapag dehydrated ka, mas malaki ang posibilidad ng constipation.

    Kung hirap na sa pagdumi, uminom din ng carbonated (sparkling) water para ma-rehydrate at umayos ang sistema. May mga pag-aaral na nagsasabing mas epektibo umano ang sparkling water kaysa sa karaniwang tubig na iniinom natin.

    Iwasan lang ang carbonated drinks na mataas ang sugar content tulad ng mga softdrinks dahil mas makakapagpalala ito ng kondisyon.

    pampalambot-ng-dumi

    Pampalambot ng dumi sa buntis | Image from Freepik

    2. Mga pagkaing mayaman sa fiber

    Malaki ang natutulong ng fiber sa panunaw ng pagkain natin. Fiber ang nakakatulong na makadumi ng regular at tamang consistency (hindi masyadong malambot at hindi rin matigas).

    Narito ang ilang sa mga pagkaing mayaman sa fiber:

    • kamote (sweet potato)
    • popcorn (basta’t walang matamis na flavor tulad ng caramel, at hindi rin nakababad sa butter, dahil ang mga ito ay mataas ang calorie content)
    • nuts gaya ng almonds, pecans, at walnuts
    • beans
    • seeds tulad ng sesame seeds at pumpkin seeds, pati na rin flaxseed
    • prutas tulad ng peras, plums, at mansanas, at kiwi (2 piraso ng kiwi kada araw, para sa mga adults na constipated).
    • berries: raspberries, blackberries, blueberries, at strawberries
    • broccoli (ang kalahating tasa lang ng lutong broccoli ay sagana na sa fiber at vitamin C).

    Makakatulong ang insoluble fibers sa pampalambot ng dumi. Ito ay makikita sa wheat bran, gulay at whole grains dahil ito ang nakakatulong na mapadali ang paglabas ang dumi.

    Partner Stories
    MILO invites kids to build an active world at home with the new Champions League Poster Adventure
    MILO invites kids to build an active world at home with the new Champions League Poster Adventure
    Say Hello to Your Baby’s New Bestfriend!
    Say Hello to Your Baby’s New Bestfriend!
    Save and Stay Safe at 7-Eleven
    Save and Stay Safe at 7-Eleven
    The ABCs to Healthy Skin for You and Your Child
    The ABCs to Healthy Skin for You and Your Child

    Kapag soluble fibers naman, piliin ang oat bran, barley, nuts, seeds, beans, lentils, peas, at ilang gulay at prutas. Mas mabillis ang pag-absorb ng tubig kapag kumain ng mga ito, kaya’t napapalambot ang dumi.

    Para maging epektibo sa pagpapalambot ng dumi, kailangan ng balanseng soluble at insoluble fibers.

    3. Kumain ng probiotic foods

    Epektibo din ang anumang pagkain na mayaman sa probiotic, pati na probiotic supplements. Kapag hindi balanse ang bacteria sa tiyan, tumitigas ang dumi. Nakakatulong ang pagkaing may probiotic para mabalanse ito at malabanan ang constipation.

    Ilan sa mga pagkaing mayaman sa probiotics ay ang yogurt, sauerkraut at kimchi, na may taglay na live at good bacteria.

    4. Subukan rin ang prebiotics

    Ang prunes, prune juice pati pasas ay kilalang prebiotics na natural na remedyo laban sa constipation at sikat na pampalambot ng dumi.

    Kapag nahihirapan sa pagdumi ang isang tao, isa sa mga pinapayo ay ang uminom ng prune juice. May taglay itong sorbitol, isang natural laxative at sugar alcohol na may laxative effect.

    May mga pag-aaral na nagsasabing mas mabisa pa ito kaysa fiber, lalo kung kakainin ng hanggang 2 beses kada araw. Subukan din ang dried figs at apricots, na pareho din ang epekto sa panunaw.

    5.  Mag-kape muna

    Mabisa ang caffeine para sa constipation dahil nakakatulong ang kape na ma-stimulate ang muscles ng digestive system. May taglay ding kaunting soluble fibers ang kape na tumutulong na magbigay ng balanse sa bituka.

    Ngunit ayon naman sa iba, ang kape ay hindi advisable sa pampalambot ng dumi sa buntis dahil delikado ang caffeine sa kanila.

    pampalambot-ng-dumi

    Pampalambot ng dumi | Image from Freepik

    6. Umiwas sa dairy products

    May mga pagkakataon na mas nakakapagpalala ang pag-inom o pagkain ng produktong dairy tulad ng gatas at itlog.

    May mga batang hindi kayang tunawin ang cow’s milk protein, at may mga adults na may lactose intolerance, na nakakaranas ng constipation.

    Kung alam nang lactose intolerant, umiwas na sa pagkain o produktong dairy, kahit pansamantala lang. Palitan ito ng mga pagkaing mayaman sa calcium, para hindi pa rin manghina ang sistema.

    7. Sumubok ng laxatives

    Ang mga laxatives ay mga uri ng gamot na pampalambot ng dumi. Ngunit upang makasiguro, kumonsulta mula sa doktor bago uminom nito para malaman kung anong uri ng laxative ang dapat mong bilhin at kung paano ito iniinom.

    8. Pagbabago sa iyong lifestyle

    Ang pag-eehersisyo ay makakatulong rin sa maayos na digestion at regular na paglalabas ng dumi sa katawan.

    Gayundin, subukang magkaroon ng routine kung saan magiging regular ang iyong paglabas ng dumi, at iwasang pigilan ang sarili kapag kailangang pumunta sa banyo.

    Kailan dapat pumunta sa doktor

    Bagamat nagdadala ito ng hirap, hindi naman delikado ang constipation. Subalit maari rin itong magdulot ng mga komplikasyon kapag hindi ito naagapan.

    Kumonsulta na agad sa iyong doktor kapag naranasan ang mga sumusunod na sintomas:

    • hindi bumubuti ang pakiramdam at lalong lumalala ang constipation
    • hirap sa pagdumi na biglaan at hindi alam ang dahilan
    • may dugo sa iyong stool o sa iyong rectum
    • matinding pananakit ng tiyan at lower back
    • hindi makautot
    • lagnat
    • pagsusuka
    • hindi maipaliwanag na pagbaba ng timbang

    Kapag mayroong katanungan tungkol sa constipation o napapansing kakaiba sa iyong katawan, huwag mahiyang kumonsulta sa iyong doktor.

     

    MedicalNewsToday.com, MayoClinic, Healthline

    Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.

    May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

    img
    Sinulat ni

    Anna Santos Villar

    Maging Contributor

    Inedit ni:

    Mach Marciano

    • Home
    • /
    • Kalusugan
    • /
    • Hirap sa pagdumi? Subukan ang 8 home remedies para sa constipation
    Share:
    • Dahil sa sobrang pag ire, babae nagka-amnesia

      Dahil sa sobrang pag ire, babae nagka-amnesia

    • 5 gamot sa constipation para sa mga buntis

      5 gamot sa constipation para sa mga buntis

    • Maricel Laxa noong ipakilalang pamangkin ng amang si Tony Ferrer sa mga kapatid niya: “It was a major pain that I'd experienced.”

      Maricel Laxa noong ipakilalang pamangkin ng amang si Tony Ferrer sa mga kapatid niya: “It was a major pain that I'd experienced.”

    • Sylvia Sanchez nangangamba sa paglipat ni Ria Atayde: "Pag bahay mo, hindi dapat maging tambayan."

      Sylvia Sanchez nangangamba sa paglipat ni Ria Atayde: "Pag bahay mo, hindi dapat maging tambayan."

    app info
    get app banner
    • Dahil sa sobrang pag ire, babae nagka-amnesia

      Dahil sa sobrang pag ire, babae nagka-amnesia

    • 5 gamot sa constipation para sa mga buntis

      5 gamot sa constipation para sa mga buntis

    • Maricel Laxa noong ipakilalang pamangkin ng amang si Tony Ferrer sa mga kapatid niya: “It was a major pain that I'd experienced.”

      Maricel Laxa noong ipakilalang pamangkin ng amang si Tony Ferrer sa mga kapatid niya: “It was a major pain that I'd experienced.”

    • Sylvia Sanchez nangangamba sa paglipat ni Ria Atayde: "Pag bahay mo, hindi dapat maging tambayan."

      Sylvia Sanchez nangangamba sa paglipat ni Ria Atayde: "Pag bahay mo, hindi dapat maging tambayan."

    Makakuha ng regular ng payo tungkol sa pagbubuntis at paglaki ni baby!
    • Pagbubuntis
      • Unang trimester
      • Pangalawang trimester
      • Pangatlong trimester
    • Gabay ng Mga Magulang
      • Safety ng bata
      • Payo sa pagpapalaki ng anak
      • Payo para sa mga magulang
      • Gamit ng sanggol
    • Relasyon
      • Mag-asawa
      • Biyenan
      • Kasambahay
    • Pagpapasuso at formula
      • Tamang pagpapasuso
      • Pag-pump at pag-imbak ng gatas
      • Formula
    • More
      • TAP Community
      • Advertise With Us
      • Contact Us
      • Maging Contributor


    • Singapore flag Singapore
    • Thailand flag Thailand
    • Indonesia flag Indonesia
    • Philippines flag Philippines
    • Malaysia flag Malaysia
    • Sri-Lanka flag Sri Lanka
    • India flag India
    • Vietnam flag Vietnam
    • Australia flag Australia
    • Japan flag Japan
    • Nigeria flag Nigeria
    • Kenya flag Kenya
    © Copyright theAsianparent 2022. All rights reserved
    About Us|Team|Privacy Policy|Terms of Use |Sitemap HTML
    • Tools
    • Articles
    • Feed
    • Poll

    Gumagamit kami ng cookies upang matiyak ang iyong magandang karanasan. Matuto paOk, nakuha ko

    Gumagamit kami ng cookies upang matiyak ang iyong magandang karanasan. Matuto paOk, nakuha ko

    theAsianparent heart icon
    Nais naming magpadala ng notification sa'yo tungkol sa latest news at lifestyle update.