14 na magandang party venues sa Metro Manila

Share this article with other moms

Anong mga lugar nga ba ang magandang pagdausan ng birthday party ng iyong anak?

Hindi na kailangang ma-stress sa paghahanda sa kaarawan nig inyong munting anghel. Ang listahang ito ng mga rekumendadong party venues sa Kalakhang Maynila ay siguradong makakabawas sa isang alalahanin ng mga excited, nguni’t nag-aalalang magulang.

Marami kasi sa atin ang walang malaking lugar sa bahay para sa isang party. Kundi naman ay ayaw nang gawin sa bahay ang handaan kasi mas marami pang aayusin at lilinisin, at minsan pa, tila’y walang katapusan ang party dahil nga naman nasa bahay lang. Mas nakakapagod, hindi ba?

Marami na ngayon ang mas gustong sa isang lugar na pang-bulwagan talaga gagawin ang party, lalo kung maraming bisita. Pasok sa budget ang mga ito. Ang iba naman ay para sa mga may inilaan na mas malaking budget para sa mas maraming katao. Ang mga nasa listahan ay ang mga siguradong maganda at malinis, at hindi mahirap i-book.

Tingnan ang listahan at kayo na ang bahalang pumili ng babagay sa pinaplano niyong handaan.

1. Alexa’s Secret Garden Resort

Kung kayo ay nasa bandang Marikina o Antipolo, ito ang lugar para sa inyo. Ang Alexa’s ay isang Filipino-inspired Home na may napakaganda at malawak na hardin, air-conditioned na party hall, at swimming pool sa bungad ng Antipolo, malapit sa Marikina. Maliit man o malalaking handaan, magiging di malilimutan ang pagdiriwang dito.

facebook: Alexa's Secret Garden Resort
e-mail: [email protected]
telepono: +63 917 584 2706

2. Portico

Ang Portico ay nasa Verandas De San Vicente, sa likod ng Sanctuario de San Vicente, Tandang Sora, Quezon City. Ito ay isang air-conditioned na Function Hall para sa 100 hanggang 300 katao.

Website: Jardindemiramar.com
e-mail: [email protected]

Telepono: 788 0216; 0917 834 8921

3. Light of Love Events Place

Kung gusto naman ninyo ng outdoor venue, ang hardin ng Light of Love Events Place ang rekumendado. May 7 na function halls o bulwagan ang Light of Love. Ang The Garden at Cherish ay pawang mga bukas na lugar at nasa gitna ng hardin.

Mayroon silang 4 pang lugar na fully air-conditioned, at isa pa, ang Loyalty, na nasa gitna din ng hardin ngunit ang napapaligiran ng bintanang salamin kaya’t para ka pa ring nasa hardin lamang. Napapaligiran ang buong lugar ng mga puno, halaman, bulaklak, lagoon, water fountain at waterfalls. Isang paraiso, sabi nga ng mga nagparty na dito. Malapit ito sa Mandaluyong, Pasig, San Juan, Manila at Quezon City.

website: Lightoflove.com.ph
address: 1163 Santol St, Quezon City, Metro Manila, Philippines

photo: Light of Love facebook page

4. Northeast Greenhills Clubhouse

Ito ay nasa La Salle Street Northeast Greenhills San Juan City. Malaki at may mataas na kisame, na bagay sa mga magarbong dekorasyon. At dahil ito ay clubhouse, mas mura ito kaysa sa mga ibang lugar.

telepono: 726 0550

5. Acropolis Clubhouse

Sa bandang Eastwood o Libis naman, ang Acropolis ang matagal nang paboritong lugar para sa mga pagdiriwang. Ito ay nasa Atlas St,. Acropolis Subd., E. Rodrigues Jr. Ave., Quezon City. Isa rin itong Clubhouse na hanggang 200 katao ang kayang lamanin.

contact Number/s: 633-1937, 634-5057

6. 38 Valencia Events Place

Ito ay dating eskwelahan na itinayo ni Mother Lilly Monteverde, at dati ring bahay ni Ms Nora Aunor. Binago ang interyor at ginawang talaga namang elegante.

Ang 38 Valencia Events Place ay nasa Valencia St, New Manila, Quezon City. May hardin at napakagandang disenyo na tama lang ang laki para sa mas intimate man o magarbong handaan. Hanggang 200 katao ang kayang ma-accomodate.

website: Brideworthy.com/venues/38-valencia

photo: 38 Valencia events place facebook page

7. Discovery Suites

Sa bandang Ortigas, ang Discovery Suites ang sinasadya at paboritong pagdausan ng mga kaarawang ng maraming magulang dahil may Party Package na ang hotel. Nagsisimula sa 50 katao ang bisita. Masarap ang pagkain dahil chef ang nag-aasikaso, may magic show na, balloon arrangements, entertainment booth at ang pianakagusto ng pamilya ay ang libre nang overnight stay sa isang One-bedroom Suite na may kasama pang libreng almusal sa buffet ng Restaurant 5.

website: Discoverysuites.com
address: 25 ADB Avenue, Ortigas Avenue Ortigas Center, Pasig City
contact Person: Rachel Ramos683-8211

8. Greenmeadows Clubhouse

Napakaraming may gusto ng lugar na ito dahil madaling kausap ang management at maasikaso din sila. Hanggang 150 katao ang maaaring ma-accomodate. Sanay na sanay na rin sila sa mga malalaki man o maliliit na handaan. May open wi-fi pa ang lugar.

address: Warbler Street, Green Meadows, Quezon City

Telepono: 637-3311, 637-3399
facebook page: Greenmeadows Clubhouse

Pumunta sa next page para sa iba pang party venues!

Celebrations Family Fun