Isang nakakabagbag-damdaming conversation ang ibinahagi ng celebrity dad na si Doug Kramer tungkol sa kanyang anak na si Scarlett Kramer.
Mababasa sa artikulong ito:
- Scarlett Kramer may tanong sa daddy: “Am I Pretty Like Ate?”
- Paano Palakasin ang Self-Esteem ng Bata sa Harap ng Paghahambing?
Scarlett Kramer may tanong sa daddy: “Am I Pretty Like Ate?”
Sa isang Instagram post, binalikan ni Doug ang usapan nila noon ng kaniyang anak na si Scarlett.
Tanong ni Doug, “Dad, I find my Ate Kendra so beautiful! Am I pretty like her?”
Larawan mula sa Instagram ni Scarlett Kramer
Sa post na iyon, ipinakita niya kung gaano kahalaga ang maiparamdam sa mga bata ang kanilang natatanging ganda.
Samantala, sa kaniyang sagot sa tanong ng anak, sinabi niyang si Scarlett ay “beautiful beyond words” at ang kanyang ganda ay hindi lang panlabas kundi tumatagos sa kanyang pagkatao. Dagdag pa rito, pinuri niya ang pagiging masipag, mapagmahal, at ang malasakit ni Scarlett sa ibang tao. Isang mahalagang paalala rin ang iniwan ni Doug: “God made you unique! 1 of 1!”
Larawan mula sa Instagram ni Scarlett Kramer
Bakit mahalaga ang positibong pagtugon sa paghahambing?
Ang paghahambing sa pagitan ng magkakapatid ay isang karaniwang bahagi ng paglaki. Ngunit bilang mga magulang, mahalagang bigyang-pansin kung paano natin sinasagot ang mga tanong na tulad ng kay Scarlett. Ang bawat bata ay may natatanging katangian, at kailangang maramdaman nila na sila ay espesyal sa sariling paraan.
Larawan mula sa Shutterstock
Tips para palakasin ang self-esteem ng bata
- Ipahayag ang papuri – Tulad ng ginawa ni Doug, magbigay ng papuri na hindi lang nakatuon sa panlabas na anyo kundi pati na rin sa mga mabubuting ugali ng bata.
- Huwag ikumpara – Iwasan ang direktang paghahambing sa pagitan ng mga anak. I-highlight ang kanilang pagkakaiba at kung paano ito nagiging kalakasan.
- Maglaan ng oras – Magbigay ng mga pagkakataon tulad ng bonding moments. Ito ay nagbibigay ng kumpiyansa sa bata na mahalaga sila sa kanilang pamilya.
- Ipaalala ang kanilang halaga – Tulungan silang maunawaan na ang kanilang halaga ay hindi nasusukat sa opinyon ng iba.
Ang kwento ni Scarlett ay isang paalala na ang tamang salita mula sa magulang ay kayang magbigay ng lakas ng loob na magdadala sa kanilang mga anak habang sila ay lumalaki.
Kami. (2023, August 11). Doug Kramer recalls a conversation with Scarlett: “Am I pretty?” Kami.com.ph. Retrieved from https://bit.ly/3U2TxJN
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
Shopping
Community
Rewards
