Sintomas ng buntis sa unang linggo hanggang pangatlong linggo

Anu-ano ba ang mga senyales ng pagbubuntis 1 week hanggang 3 weeks? Basahin dito ng importanteng mga kaalaman tungkol sa iyong pagbubuntis

Congratulations sa pagbubuntis, mommy! Nag-aalala o nalilito ka ba sa unang linggo ng iyong pagbubuntis? Heto ang guide sa sintomas ng ng isang buntis sa unang linggo hanggang 3 weeks!

Paano mo malalaman na buntis ka in 1 week ano nga ba ang mga sintomas ng isang buntis?

Mula sa week 1 hanggang week 2 ng iyong pagbubuntis, sobrang liit pa ng iyong baby. Kung tutuusin, sa panahong ito, hindi pa buo ang embryo ng iyong magiging anak, at hindi ka pa talaga nagbubuntis.

Ngunit pagdating ng ikatlong linggo, mayroon nang nabuong embryo, pero sobrang liit pa rin nito, kasinglaki halos ng ulo ng karayom! Ngunit paano mo nga ba malalaman na buntis ka in 1 week?

sintomas ng buntis sa unang linggo

Mga sintomas ng buntis sa unang linggo. |  Image from theAsianparent

Sintomas ng buntis 1 week o sa unang linggo matapos ang miss period

Ang 1 hanggang 3 linggo ay hindi ka pa talaga tunay na buntis. Sa panahong ito ay ikaw ay nag-o-ovulate pa lamang o nagsisimulang bumuo ng isang embryo hanggang sa maging ganap itong sanggol.

Kapag na-miss mo ang iyong period o regla, kung ikaw ay buntis may mga palantandaan o senyales kang mapapansin sa iyong katawan.

Sa paunang ulat ni Jan Alywn Batara, narito ang ilang mga sintomas ng buntis sa unang linggo ng kaniyang pagbubuntis matapos ang miss period.  Ang mga ito ay ang mga sumusunod:

1. Spotting o cramping

Isang karaniwang sintomas ng buntis sa unang linggo ay ang spotting o cramping kahit na matagal pa ang iyong regla. Ito ay tinatawag ring implantation bleeding.

Nangyayari ito kapag ang fetus ay kumabit na sa uterus. Madalas, hindi ito namamalayan ng mga babae dahil kaparehas nito ang mga menstrual cramps o pananakit ng puson kapag may regla. Minsan, akala rin nila na ang spotting ay dahil sa nagsisimula na nilang period.

2. Pagbabago sa iyong suso

Matapos ma-fertilize ang egg cell, madalas nakakaramdam ng tenderness at pananakit sa suso ang mga magiging ina. Dahil ito sa mga hormones na inihahanda ang katawan ng isang babae sa pagiging ina.

Madalas makakaramdam ka ng sakit sa iyong dibdib sa unang mga linggo ng pagbubuntis. Subalit kapag nagtagal ay masasanay na ang iyong katawan, at mawawala na ang sakit.

3. Matinding pagod

Isa rin ang fatigue o matinding pagod sa mga sintomas ng buntis sa unang linggo. Dahil ito sa maraming bagay, kasama na ang hormone na progesterone, pagbaba ng blood sugar sa katawan, pagbaba ng blood pressure, at pagdami ng dugo sa iyong katawan.

4. Pagsusuka sa umaga

Ito rin ay tinatawag na morning sickness. Madalas itong makikitang sintomas ng mga nagbubuntis sa TV o kaya sa mga sine, pero sa totoo, hindi naman lahat ng babae ay nagkakaron o nakakaranas nito.

5. Paiba-iba ang temperatura ng iyong katawan

Sapagkat nagbabago na ang hormones sa iyong katawan ganun din ang iyong body temperature o basal body temperature. Dala pa rin iyong pregnancy hormones.

6. Iba pang sintomas ng buntis 1 week hanggang 3 weeks ng pagdadalang-tao

Bukod dito, mayroon pang ibang mga sintomas ng buntis sa unang linggo ang nararanasan ng mga babae kung siya’y buntis:

  • Madalas na pag-ihi
  • Constipation o pananakit ng tiyan
  • Mood swings
  • Pananakit ng ulo
  • Pagkahilo at pagkahimatay
  • Pagdagdag o pagbawas sa timbang
  • Heartburn
  • Pananakit ng binti o leg cramps
  • Pananakit ng lower back at pelvic
  • Cravings sa pagkain
  • Pag-aayaw sa ilang pagkain

Basahin ang kabuang artikulo ni Jan Alwyn Batara. I-click ito! 

Ang pinaka karaniwan at magandang paraan para malaman kung ikaw ay buntis ay ang pagsasagawa ng pregnancy test. Maaari itong gawin makalipas ang isang linggo ng expected date ng iyong regla. Tandaan na mas mabuting palipasin muna ang isang linggo bago magsagawa ng pregnancy test.

Samantala, maaaring payuhan ka ng doktor na sumailalim sa transvaginal ultrasound sa unang linggo na hindi ka dinatnan ng inaasahang regla.

Puwedeng ito ay bilang general checkup sa iyong reproductive health. Sa pamamagitan nito, matitiyak ng iyong doktor na walang magiging problema sa iyong pagbubuntis, matitingnan niya ang kalagayan ng iyong matris at fallopian tube. Dito rin malalaman kung handa na sa fertilization at implantation ang iyong sistema.

Subalit, hindi pa makikita sa ultrasound kung may nabubuo na bang baby dahil masyado pang maaga para makita ito.

Development ng iyong sanggol mula 1 hanggang 3 linggo

Bukod sa mga senyales ng pagbubuntis 1 week o sa unang linggo, narito rin ang development ng iyong sanggol na kailangan mong malaman.

  • Sa una at pangalawang linggo ay hindi ka pa tunay na nagbubuntis. Sa panahong ito, naghahanda pa lamang ang iyong katawan para sa paparating na embryo.
  • Pagpasok ng ikatlong linggo, nagsisimula nang umakyat ang fertilized na egg cell sa fallopian tube patungo sa iyong sinapupunan.
  • Kapag nakaabot na ito sa iyong sinapupunan, ito ay magiging isang tunay na embryo. Ito ay binubuo ng mahigit 100 na mga cells.
  • Matapos nito, kakabit na ang embryo sa iyong sinapupunan sa prosesong tinatawag na “implantation.” Sa susunod na linggo ay lalo pang lalaki ang embryo at dahan-dahan itong mabubuo para maging iyong baby.

Samantala, ang unang trimester ng iyong pagbubuntis ang pinakamahalagang stage sa development ng iyong baby. Sa first trimester, unti-unti nang nabubuo ang internal system at katawan ng iyong anak.

Kabilang sa mga organ at bodily developments ni baby na nabubuo sa first trimester ng pagbubuntis ay ang mga sumusunod:

  • Utak at spine
  • Inner ear
  • Cardiac tissue
  • Genitals o ari ng bata
  • Mga kuko
  • Atay
  • Talukap ng mata
  • Pancreas
  • Kidneys
  • Cartilage para sa mga kamay, paa at mga binti
  • Muscles sa bibig, mata, at ilong
  • Mga daliri sa paa at kamay
  • Baga

Ayon sa artikulo ng Unicef, sa unang trimester ng pagbubuntis, lalaki ng iyong baby mula sa 0.64cm sa katapusan ng unang buwan patungo sa 10cm sa katapusan ng ika-12 linggo, at bibigat ito ng 268 g.

sintomas ng buntis sa unang linggo

Sintomas ng buntis sa unang linggo. | Image from Food photo created by freepik – www.freepik.com

Sintomas ng buntis sa unang linggo hanggang 3 weeks

  1. Sa unang dalawang linggo ay naghahanda pa lamang ang iyong katawan sa magaganap na pagbubuntis.
  2. Mapapansin mo rin na ang iyong cervical mucus ay magiging mas malabnaw at mas marami habang paparating na ang iyong pagdadalang-tao.
  3. Makakarananas ka rin ng spotting, o mga patak ng dugo. Hindi ka dapat dito mabahala, dahil normal lang ito sa mga nagbubuntis. Ang tawag dito ay implantation bleeding.
  4. Mararamdaman mo na mas lumalaki ang iyong mga suso na parang namamaga, parang kapag ikaw ay dinadatnan ng iyong buwanang dalaw.
  5. Mas magiging matalas rin at mas sensitibo ang iyong pang-amoy. Posibleng hindi mo magustuhan ang amoy ng sarili mong pabango!
  6. Isa sa mga sintomas ng pagbubuntis sa unang linggo hanggang 3 weeks ay makakaramdam ka ng mas matinding pagod.
  7. May ilang home pregnancy test na magpapakita ng positibong resulta kung magtest ka.

 Pag-aalaga mula 1 hanggang 3 linggo

Kung nais na magbuntis o nalamang buntis na, mahalagang mas paigtingin ang pag-aalaga sa iyong sarili dahil hindi na lamang kaligtasan mo ang dapat mong isaalang-alang, kundi maging ang kaligtasan ng iyong anak sa sinapupunan. Narito ang ilang tips na maaari mong gawin:

  • Maganda kung magsimula ka nang uminom ng prenatal vitamins sa panahong ito .Upang kumpleto ka sa nutrisyon na kailangan mo sa pagbubuntis para na rin sa iyong dinadalang sanggol sa loob ng iyong sinapupunan. Makatutulong ang prenatal vitamins upang maprotektahan ang iyong anak mula sa pagkakaroon ng birth defects.
  • Bago magbuntis, sumailalim sa preconception check-up. I-discuss ang iyong plano sa iyong doktor. Itanong kung ano ang mga maaaring gawin para maging handa sa malusog na pagbubuntis at pagkakaroon ng baby.
  • Mag-ehersisyo. Makatutulong ang regular, moderate-intensity exercise sa pagtaas ng posibilidad na ikaw ay mabuntis. Pwedeng subukang maglakad-lakad, magbisikleta, o mag-gardening.
  • Kung ikaw ay umiinom o naninigarilyo, mabuting tigilan mo na ito dahil makakasama ito sa sanggol sa loob ng iyong sinapupunan. Iwasan din ang mga naninigarilyo dahil maaaring makaapekto sa iyong baby sa loob ng iyong sinapupunan ang usok mula sa second hand smoking.
  • Itigil rin ang pag-inom ng alak sapagkat makakasama ito sa iyong baby.
  • Mahalaga ring uminom ng 400 grams ng folic acid, dahil makakatulong ito sa brain and spinal cord development ng iyong baby.

Iba pang dapat tandaan:

  • Mabuti ring umiwas sa pag-inom ng kape, dahil baka ito makasama sa iyong fertility.
  • Kumain ng mga masusustansiyang pagkain. Ito’y para malusog ka at malusog din si baby na nasa loob ng iyong sinapupunan.
  • Magpabakuna kontra flu – ligtas ito at nirerekomenda ng mga espesyalista. Kung ikaw ay buntis ay mas mataas ang risk na magkaroon ka ng serious flu complications kaya mahalaga ang flu shot para maprotektahan ang sarili at ang iyong baby.
  • Magpakonsulta na sa isang doktor upang malaman ang mga dapat mong gawin at malaman ang mga vitamins na iyong iinumin habang ikaw ay nagbubuntis.
  • Kung sa palagay mo ikaw ay buntis, magpa-schedule na agad ng appointment sa iyong doktor. Importante ang maagang prenatal care para maprotektahan ang kalusugan niyo ng iyong anak.
  • Iwasang kumain ng soft cheese na gawa sa raw o unpasteurized milk. Maaaring mayroon itong organisms na pwedeng makasama sa iyong baby.
  • Kung mayroong severe morning sickness, kumonsulta agad sa iyong doktor upang malaman ang ligtas na dapat gawin.
  • Kumonsulta muna sa iyong doktor bago uminom ng anomang over-the-counter medicines, herbs, o supplements. Hindi maaaring uminom nang basta-basta ng gamot dahil mayroong mga gamot na maaaring magdulot ng masama sa iyong anak.
  • Makasasama sa iyong anak ang mataas na body temperature lalo na sa mga unang linggo ng pagbubuntis. Limitahan ang pagsa-sauna at paggamit ng hot tub hanggang 10 minuto.
  • Magsuot ng maternity o nursing bra para sa extra support at comfort. Makararanas ka ng pagbabago sa katawan tulad ng paglaki ng suso kaya makatutulong ang pagsusuot ng angkop na bra. Piliin din ang mayroong soft cup para hindi masaktan ang mga utong.
sintomas ng buntis sa unang linggo

Mga senyales sa unang linggo ng pagbubuntis | Image from Freepik

Mga dapat gawin kung makaranas ng senyales ng pagbubuntis

Maaaring magdulot ng hindi komportableng pakiramdam ang mga senyales ng pagbubuntis. Ayon sa Unicef, para maibsan ang hindi magandang pakiramdam dulot ng mga sintomas na ito, maaaring subukan ang mga sumusunod, pero tandaan na mabuting magpakonsulta muna sa iyong doktor.

  • Sa mga nakararanas ng pagkahilo at pagsusuka subukang uminom ng luya, chamomile, vitamin B6 o subukan ang acupuncture.
  • Para sa mga nakararanas ng leg cramps o pananakit ng binti, mag-take ng magnesium o calcium.
  • Sa naman sa mga may constipation, kung hindi nakatutulong ang dietary modifications na nirekomenda ng inyong doktor, maaaring subukan ang wheat bran o iba pang fiber supplements bilang relief sa sintomas.

Mahalaga sa kabuuan ng iyong pregnancy journey ang pagkain ng masusustansyang pagkain at ang regular na pag-eehersisyo. Ipagpatuloy ang iyong daily physical activity hangga’t ikaw aay komportable.

Kung mas aktibo ka sa iyong pagbubuntis, makatutulong ito para madaling maka-adapt ang iyong katawan sa mga pagbabago. Siguraduhing mabibigyan sapat na sustansya ang iyong katawan at ang baby. 

Ito ay sa pamamagitan ng pagkain ng masusustansyang pagkain. Tiyakin din na may sapat kang energy, protein, vitamins, at minerals na nakukuha sa iyong mga kinakain.

Ilan sa mga pagkain na mayaman sa mga nabanggit na sustansyang kailangan ng iyong katawan sa pagbubuntis ay ang gulay, karne, beans, nuts, pasteurized dairy at mga prutas.

Checklist sa pagbubuntis

  • Siguraduhin na mayroon kang vaccination para sa rubella at chickenpox. Kadalasan, irerekomenda ito ng doktor mo kung hindi ka pa nabibigyan ng mga bakunang ito.
  • Mabuting maghanap ng doktor na makakatulong sa iyong pagbubuntis. Sila ang magbibigay ng tamang payo tungkol sa pag-aalaga sa iyong sarili at sa iyong baby.
  • Huwag mahiyang magtanong sa iyong doktor kapag nagpapatingin. Mabuting alamin lahat ng dapat mong malaman sa iyong pagbubuntis.
  • Kung ikaw ay umiinom ng gamot, ikonsulta muna ito sa doktor upang malaman kung safe ba ito para sa iyong baby.
  • Magkaroon din ng regular check-up sa buong pagbubuntis mo upang masiguro na ligtas at naalagaan kayo ni baby habang nasa journey kayo ng pregnancy.

Dahilan at palatandaan na maaaring maging maselan ang pagbubuntis ng isang babae

Kung nakakaranas ng mga nabanggit na senyales ng pagbubuntis 1 week hanggang 3 weeks ng pagdadalang-tao ay mabuting magpatingin na sa doktor. Lalo pa kung mataas ang tiyansa mong makaranas ng maselang pagbubuntis.

Ang maselang pagbubuntis, kasama ng mga sintomas nito, ay pagbubuntis ng mga moms na apektado ang kalusugan at kalagayan ng parehong ina at baby sa tiyan. Nagiging sanhi ng sintomas ng maselang pagbubuntis ang edad na mas mababa sa 17 taong gulang o mas mataas sa 35 taong gulang at ilang komplikasyon.

Dahil sa kasong ito, kinakailangan ang palagiang pagmo-monitor ng OB-gyne at doktor sa ganitong sitwasyon ng pagbubuntis.

Kalimitan, laging maselan o may risk ang pagbubuntis. Ngunit, hindi rin ibig sabihin na may sintomas ng maselang pagbubuntis ang isang ina ay delikado rin ang kanyang fetus.

May mga nagbubuntis na nakakaranas ng malusog na pagbubuntis at normal labor at delivery kahit na sila ay mga nararamdamang komplikasyon.

Ano ang mga sanhi ng maselang pagbubuntis na nagdudulot ng sintomas nito?

Ang mga salik na maaaring nagiging sanhi ng maselang pagbubuntis ng mga moms ay ang mga sumusunod:

  • matagal at record ng iba’t ibang kondisyong pangkalusugan
  • mga sakit at komplikasyong may kaugnayan sa pagbubuntis
  • paraan ng pamumuhay o lifestyle (kasama na rito ang paninigarilyo, paggamit ng bawal na gamot, alcohol abuse at exposure sa iba’t ibang toxins)
  • ang edad ng nagbubuntis (mas mababa kaysa 17 taon gulang at mas mataas kaysa 35 taong gulang)

Hangga’t maaari, iwasan o alamin kung paano maititigil ang mga sanhi at salik na nagdudulot ng sintomas ng maselang pagbubuntis mga mommies. Mainam na naitigil ang mga ito bago pa man masimulang planuhin ang pagbubuntis para maging safe ka at si baby.

Sintomas ng maselang pagbubuntis

Pumunta at kumonsulta agad sa doktor at OB-Gyne kung mararanasan mo ang mga sumusunod na sintomas ng maselang pagbubuntis:

  1. Pananakit ng abdomen na hindi agad nawawala
  2. Sumasakit ang dibdib
  3. Pagkahilo at panghihina
  4. Matinding pagod o extreme fatigue
  5. Nagiging mas madalas o mas mabagal ang paggalaw ng fetus sa sinapupunan kaysa sa normal
  6. Lagnat na umaabot ng higit sa 38° C
  7. Heart palpitations o mabilis na pagtibok ng puso
  8. Nausea at pagsusuka na mas malala pa kaysa sa normal na morning sickness
  9. Matindang pagsakit ng ulo na hindi na pangkaraniwan
  10. Pamamaga, pamamanas, pamumula o pananakit ng mukha at mga binti at paa
  11. Biglaang naiisip na saktan ang sarili o ang fetus
  12. Nahihirapan lagi sa paghinga
  13. Pagdurugo ng ari o pagkakaroon ng maraming discharge

Para naman mabawasan ang tiyansa na magkaroon ng maselang pagbubuntis ang isang babae ay narito ang mga dapat niyang gawin. Ito ay para masiguro ang kaligtasan niya at ni baby.

 

Translated with permission from theAsianparent Singapore

Karagdagang ulat mula kay Jobelle Macayan at Irish Manlapaz

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!