Sleep apnea sa mga bata: Sanhi, sintomas, at lunas

lead image

Alamin ang mga sintomas ng sleep apnea sa mga bata, upang maiwasan ang misdiagnosis at maagapan ang mga komplikasyon nito.

Magkaiba ang sleep apnea sa mga matatanda at sa bata, mula sa sintomas hanggang sa sanhi nito. Upang makasiguro, alamin ang mga sintomas ng sleep apnea na dapat bantayan sa iyong anak.

Ang pediatric obstructive sleep apnea ay isang uri ng sleep disorder kung saan nagkakaroon ng bahagya o permanenteng bara ang paghinga ng bata tuwing natutulog. Ito ay dulot ng pagsikip o pagkabara sa upper airway sa pagtulog.

Ang kadalasang sintomas ng sleep apnea sa matatanda ay pagkaantok sa araw, at ang madalas na sanhi naman ay obesity. Sa pediatric obstructive sleep apnea naman, ang sintomas ay problema sa pag-uugali, at ang kadalasang sanhi ay paglaki ng adenoids at tonsils ng bata.  

Mahalagang ma-diagnose agad ang batang may sintomas ng sleep apnea, upang mapigilan ang kumplikasyon na maaaring makaapekto sa kanyang paglaki, cognitive behavior, at development.

Sintomas ng sleep apnea

Kung napapansin mo ito sa iyong anak habang siya ay natutulog:

  • Paghilik
  • Pagtigil sa paghinga
  • Hindi maayos na pagtulog
  • Snorting, pag-ubo, o pagkasamid
  • Naiihi sa kama
  • Sleep terrors
  • Humihinga sa bibig imbis na sa ilong

Ang mga sanggol at bata ay hindi laging humihilik, ang iba sa kanila ay magkakaroon lamang ng hindi maayos na pagtulog.

Sa araw, obserbahan din ang mga sintomas na ito:

  • Kung mahina ang performance sa eksuwela
  • Nahihirapan mag-focus
  • May problema sa pagkatuto
  • May problema sa pag-uugali
  • Nahihirapan magdagdag ng timbang
  • Kung siya ay hyperactive

Bantayang mabuti ang mga sintomas na ito, upang maiwan ang misdiagnosis sa iyong anak. Isang ina ang nagbahagi ng kaniyang karanasan, nang makailang beses namisdiagnose ang kanyank anak, hanggang matunton nila na ang bata ay may sleep apnea pala.

Sanhi

Ang kadalasang condition na nagreresulta sa pagkakaroon ng sleep apnea ng mga bata ay enlarged tonsils at adenoids. Ngunit ang iba pang maging factors at obesity, craniofacial anomalies, at neuromuscular disorders.

Risk factors

Maaaring magkaroon ng sleep apnea ang iyong anak kung siya ay mayroong:

  • Down syndrome
  • Abnormalities sa bungo o mukha
  • Cerebral palsy
  • Sickle cell disease
  • Neuromuscular disease
  • History ng mababang timbang
  • Family history ng obstructive sleep apnea

Complications

Kung hindi agad maagapan ang sintomas ng sleep apnea, maaari itong mauwi sa stunted growth, heart problems, at pati pagkasawi ng bata.

Treatment

May iba’t ibang uri ng treatment para sa pediatric obstructive sleep apnea na maaaring irekomenda ng inyong doktor, kabilang na ang:

  • Medications
  • Pagtanggal ng tonsils at adenoids
  • Positive airway pressure therapy
  • Oral appliances

Mayroon ding puwedeng baguhin sa inyong bahay at lifestyle upang makatulong sa sleep apnea.

Iwasan ang airway irritants at allergens. Lahat ng bata, ngunit mas lalo na ang may sleep apnea, ay dapat iwasan ang usok mula sa tabako at sigarilyo, pati na ang ibang inddor pollutants at allergens, dahil maaaring mairita at mabarahan nito ang kanilang airway.

Weight loss. Maaaring irekomends ng doktor na magbawas ng timbang ang iyong anak kung siya ay obese.

 

Bago magtungo sa iyong doktor, makatutulong na ihanda at ilista ang mga sumusunod:

  • Ang sintomas ng sleep apnea ng iyong anak, pati na ang tingin mo ay walang kinalaman dito.
  • Lahat ng gamot, vitamins, at supplements na iniinom ng iyong anak, pati ang dosage nito.
  • Mga tanong sa iyong doktor.

 

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan, at napapanahon, ngunit, hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Nirerekomenda naming magpakonsulta sa doktor upang makakuha ng mas malinaw na impormasyon.

Source: Mayo Clinic 

Basahin: Paano maiiwasan ang paghilik?

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner