Sleep guide: Ganito dapat katagal ang tulog ng bata mula baby hanggang 5 years old

lead image

Alamin ang mga tamang tulog ng bata ayon sa kanilang edad upang malaman kung tama ba ang oras na pagpapahinga ng inyong mga anak.

Ang United Nations’ public health agency ay naglabas ng mga patnubay tungkol sa mga pisikal na aktibidad at tamang tulog ng bata na wala pang 5 taong gulang. Ang mga patnubay na ito ay base sa masuring pagaaral ng mga ebidensya tungkol sa mga benepisyo sa katawan ng mga pisikal na aktibidad, pagtulog at ang pagkontrol ng screen time sa mga bata.

Ang mga sumusunod ay ang inirerekomendang oras ng pagpapahinga ng bata ayon sa kanilang edad.

Para sa mga batang wala pang isang taong gulang

Ayon sa WHO, ang mga sanggol na may edad 3 buwan pababa ay dapat nakakakuha ng 14 hanggang 17 na oras nang tulog sa isang araw. Ang mga may edad 4 hanggang 11 na buwan naman ay dapat nakakakuha ng 12 hanggang 16 na oras nang tulog.

Inirerekomenda rin ng WHO na iwasan lumagpas ng mahigit isang oras sa stroller, high chair o mga carrier ang mga batang wala pang 1 taong gulang.

Para sa mga 1 hanggang 2 taong gulang na mga bata

Ayon sa pag-aaral, kailangan ng mga bata na may edad 1 hanggang 2 taong gulang ang 11 hanggang 14 na oras ng tulog. Kasama na sa bilang na ito ang kanilang mga siyesta at pag-idlip. Sa kabila ng pagpapahinga na ito, kailangan din nila ng hindi bababa sa 3 oras na iba’t ibang pisikal na aktibidad sa isang araw.

Tulad nang sa mga wala pang isang taong gulang na sanggol, iwasan din ang lumagpas ng mahigit isang oras sa stroller, high chair o mga carrier ang mga batang wala pang 1 taong gulang.

Para sa mga 3 hanggang 4 na taong gulang na bata

Inirerekomenda ng WHO na ang mga bata na may 3 hanggang 4 na taong gulang ay makakuha nang 10 hanggang 13 na oras ng tulog, kasama na ang siyesta at mga pag-idlip. Tulad ng sa 1 hanggang 2 taong gulang na mga bata, kailangan din nila ng hindi bababa sa 3 oras na iba’t ibang pisikal na aktibidad sa isang araw kung saan ang isang oras dito ay sa nakakapagod na aktibidad.

Pagsakakatuparan ng mga rekomendasyon na ito

Ang mga patnubay na ibinigay ng WHO ay direktang nagsasabi ng mga kailangan ng isang bata ayon sa edad. Tandaan ang mga ito sa pagpla-plano nang mga gawain ng bata sa araw-araw. Gawing prayoridad ang tamang tulog ng bata at syempre ang pagiging aktibo sa kabilang banda. Ang mga patnubay na ito ay magandang paalala kung paano aalagaan ang kalusugan nang pang matagalan.

Source: CNN

Basahin: The best tips to get your baby started on sleep training

 

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!