Kamakailan lamang ay nagkaroon ng hard lockdown sa ilang piling lugar sa Mandaluyong at nagdaos din ng rapid testing. Kaya naman napag-alamang 255 na tricycle drivers sa Mandaluyong ang positibo sa COVID-19.
Tricycle drivers sa Mandaluyong, positibo sa COVID-19
Umaabot sa 8,000 ang bilang ng mga tricycle drivers sa Mandaluyong City. At nag-abiso rin si Mayor Menchie Abalos na nagkaroon sila ng rapid testing kung saan 4,000 ang sumailalim dito.
“Ganyan kadami kasi naman close to 4,000 ang aming pina-rapid test kasi 8,000 ‘yung aming tricycle drivers, medyo nangangalahati na kami ngayon kaya out of 4,000, 255 ‘yung nagpositive sa rapid,” Abalos added.
Image from Freepik
Hindi rin umano nanggaling sa iisang lugar ang mga nag-positibo kaya hindi pa rin nila matukoy kung paano at saan nahawa ang mga ito. Kasalukuyan namang naka-isolate na ang mga nagpositibo at sinisiguro ni Mayor Abalos na hindi muna sila mapapayagang pumasada.
“Hindi mo ma-trace kung sasabihin mo na nahawa kung kanino kasi nga random ‘yung aming ano eh. Iba-ibang barangays itong mga drivers na ‘to eh kaya di namin masabi kung nahawa kung kanino…” dagdag pa niya.
Binanggit din ni Mayor Abalos na lahat ng mga ito ay asymptomatic at kung hindi pa sumailalim sa rapid testing ay hindi malalaman na carrier pala sila ng COVID.
Metro Manila, GCQ na nga ba simula June 1?
Image from Freepik
Sakali namang sumailalim na sa GCQ o General Community Quarantine ang Metro Manila simula June 1, kalahati lamang muna sa mga tricycle drivers ng Mandaluyong ang mapapayagang pumasada.
“Kalahati lang muna ang tatakbo na tricycle pagdating ng June 1. Ang gagawin namin parang color coding sila, iba ang MFW, iba ang TTH para at least di naman sila sabay sabay na 8,000 lalabas diyan sa kalye.”
Dahil 17 na Metro Manila mayors ang sumang-ayon na mag-GCQ na sa NCR pagkatapos ng dalawang buwan, maaari na ngang magsimula ito sa June 1.
Ano nga ba ang mangyayari kapag inilipat na sa GCQ mula MECQ ang Metro Manila?
Bukod sa papayagan na ang 50-50 workforce scheme, sinabi ni Roque na lahat ng modes of transportation ay maari na ulit na mag-operate. Ang pinagkaiba lamang ay 50 percent ng kapasidad lang nito ang puwedeng magamit.
Mayroon pa ring ilang checkpoint pero ito ay mababawasan na upang hindi na rin maging sanhi ng traffic jams. Bukod pa rito, kailangan pa ring i-observe ang physical distancing at pagsusuot ng face masks.
Ano ang pwedeng gawin upang maging safe
Image from Freepik
Kung posible para sa iyo na hindi na muna lumabas kahit na GCQ na, mas maigi ito. Pero kung kinakailangan talaga na pumasok na ulit sa trabaho o di naman kaya ay lumabas para sa iba pang essential na bagay — narito ang ilang hakbangin na puwede mong gawin upang manatiling safe.
Ayon sa CDC o Center for Disease and Prevention Center, ang pangunahing paraan kung paano nahahawa sa virus na nagdudulot ng COVID-19 ay ang pagkakaroon ng close contact sa taong infected ng sakit. Dahil hindi naman natin malalaman kaagad kung sino sa mga nakakasalamuha natin ang infected, mas kailangang mag-doble ingat.
Ugaliing maghugas ng kamay at maligo kung nanggaling sa labas. Tanggalin din kaagad ang damit at ibabad ito upang hindi na mabuhay ang virus na maaring nakakakapit dito.
Kung magtatagal naman sa labas ay palaging magbaon ng alcohol at magsuot ng face mask. Kung posible na huwag dumikit sa mga tao ay mas mainam dahil physical distancing talaga ang pinaka kailangan sa panahong ito.
Source:
Manila Bulletin, Manila Times
Basahin:
Mas madali nga bang mahawaan ng COVID-19 ang mga may asthma?
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
