Isang nakalulungkot na balita ang bumungad sa komedyanteng si Ai Ai delas Alas nitong Huwebes dahil pumanaw na ang kanyang adoptive mother na si Justa delas Alas sa edad na 93.
Mga mababasa sa artikulong ito:
- Ai Ai delas Alas sa pagpanaw ng kanyang adoptive mother: “I love you and thank you sa pagmamahal”
- Comedy queen may pagsisisi sa relasyon nila ng kanyang biological mother
Ai Ai delas Alas sa pagpanaw ng kanyang adoptive mother: “I love you and thank you sa pagmamahal”
Larawan mula sa Instagram account ni Ai Ai delas Alas
Nakabibiglang balita ang nakarating sa Comedy Queen na si Ai Ai delas Alas nitong Huwebes, January 23. Dalawang araw kasi matapos niyang makalipad patungong United States ay nabalitaan niyang sumakabilang buhay na ang kanyag adoptive mother na si Justa delas Alas.
Sa kanyang Instagram account ay ibinahagi niya ang mga video ng kanyang ina noong nabubuhay pa ito. Mapapanood sa video ang celebration ng mother ni Ai Ai noong 90th birthday nito. Naantig naman ang followers ni Ai Ai nang mag-iwan ito ng message para sa ina sa kanyang caption.
“Mami-miss kita MAMA, MOMMY, MOTHER GOOSE, MUDRAKELS , and originally INAY. 90th bday niya to. Hindi na niya inabot sa July 19. Dapat 94 na siya.”
Isa naman sa pinagpapasalamat ni ng komedyante ay ang hindi raw pagranas ng kanyang nanay ng kahirapan nang ito ay mamatay. Tinawag niyang “goodlife” ang naging buhay raw ng kanyang adoptive mother,
“Hindi bale mama good life ka naman, at saka hindi ka nahirapan sa pag alis mo (the best ka talaga LORD super pray ako kanina na huwag ka mahirapan and hindi nga)”
Pinasalamatan niya rin ang kanyang nanay sa lahat ng pagmamahal at pag-aalaga kasama na ang pagpapaaral sa kanya,
“I love you and thank you sa pagmamahal, pag-alaga, at pagpapaaral sa akin. Rest ka na mama. Kamusta mo ako kay LORD AND MAMA MARY.”
Nagpaabot naman ng pakikiramay ang ilang kaibigan sa showbiz ng Comedy Queen tulad nina Zsa Zsa Padilla, Iza Calzado, at Rita Daniela.
Larawan mula sa Instagram account ni Ai Ai delas Alas
Nagsimulang maging adoptive mother si Justa nang ampunin niya si Ai Ai sa kapatid niyang biological father naman ng komedyante. Si Justa noon ay isang dalagang engineer at hindi na nagkaroon ng tsansang makapag-asawa at bumuo ng sariling pamilya. Siya ang nag-alaga at nagpaaral kay Ai Ai.
Hanggang sa napasok ni Ai Ai ang mundo ng showbiz ay naririyan ang kanyang ina at matatag pa rin siyang inalagaan nito. Kaya nga labis ang sakit na iniwan ng pag-alis nito sa buhay ni Ai Ai.
Simula ngayong Biyernes, June 24 ay ibuburol ang mga labi ng adoptive mother ni Ai Ai sa St. Peter Chapel, Commonwealth, Quezon City.
BASAHIN:
KC Concepcion happy na sa relasyon kay Sharon Cuneta: “There is nothing like having your own mother’s LOVE.”
Matteo Guidicelli sa birthday ng kaniyang mother: “Thank you for the unconditional love and support!”
Angeline Quinto sinorpresa ng partner sa kaniyang first Mothers’ Day celebration: “Ang sarap sa pakiramdam.”
Comedy queen may pagsisisi sa relasyon nila ng kanyang biological mother
Larawan kuha mula sa Instagram account ni Ai Ai delas Alas
Nagbalik tanaw ang komedyanteng si Ai Ai delas Alas sa relasyon niya sa kanyang biological mother noong interviewhin ito dati. Nakilala niya ang kaniyang tunay na ina na si Gloria. Pagkukwento niya ay nagsisisi raw siya na hindi niya naka-bonding ang kaniyang nanay noong wala pa itong sakit na Alzheimers.
“Sobrang mabait itong nanay ko as in sobra. Nanghihinayang ako na sana nakasama ko siya noong wala pa siyang Alzheimer’s para at least naramdam niya na kahit pinamigay niya ako. Mahal na mahal ko siya kasi siya ‘yong nagbigay ng buhay niya sa akin.
Naalala niya raw noon na palaging nagso-sorry ang nanay sa kanya dahil sa pina-adopt ito sa kapatid ng kanyang biological father na si Justa.
Dagdag pa ng komedyante, naniniwala raw siya na hindi naman ito ginusto ng kanyang mga magulang at naipit lang din sa istwasyon nila noon,
“I think hindi naman niya gusto yun kaya lang parang desisyon din yun ng tatay ko na ipamigay ako. Kasi nahihiya sila sa auntie ko. Parang pinangako nila sa mother ko na adoptive na pagbabae ‘yan ate akin na lang. So noong umoo ‘yong nanay ko siguro nahiya siya na hindi niya tuparin ‘yong oo niya.”
Pagkukuwento niya, sana ay nagagawa niya rin daw na naalagaan ang kanyang bilogical mom gaya ng pag-aalaga niya sa kanyang adoptive mother. Sa kabila nito ay ipinangako naman ni Ai Ai na magiging mabuti rin siyang ina sa kanyang mga anak.
Taong 2013 nang sumakabilang buhay naman ang kanyang biological mother.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
