Nakakalungkot makarinig ng mga kwento ng mga lalakeng binugbog ang asawa nila. At kamakailan lamang ay nag nag-viral ang isang video ng lalakeng binubugbog ang kaniyang asawa. Sa video, kitang-kita kung paan sinasaktan ng lalake ang walang kalaban laban na babae.
At ang mas masakit pa dito, ay ginagawa niya ito mismo sa harap ng kanilang anak. Bakit niya ito nagawa?
Isang ama, binugbog ang asawa sa harap ng kanilang anak
Unang kumalat ang video sa isang Facebook group.
Sa simula ay pinagsusuntok ng lalake ang kaniyang asawa. Matapos nito, napahandusay sa sahig ang babae, ngunit hindi pa rin siya tinigilan ng lalake. Tinapak-tapakan pa siya nito, at pinagsisipa ng ilang beses.
Kitang-kitang namimilipit sa sakit ang nakakaawang babae.
Matapos mangyari ang pangbubugbog, lumapit ang lalake sa may pinutan, at binuhat ang isang bata. Di umano, ang bata ay kanilang anak, at siguradong nakita nito ang ginawang pambubugbog ng kaniyang ama.
Mapapanood dito ang buong video. Ngunit mag-ingat, dahil matindi ang karahasang nangyari sa video.
Halo-halo ang reaksyon ng mga netizens
Karamihan ng mga nakapanood sa video ay nagsabing napakasama ng ginawa ng lalaki. Dagdag pa nila, walang kahit sinong may karapatang gawin yun sa kaniyang asawa.
Ngunit may ibang nagsasabi na alamin muna ang tunay na nangyari sa mag-asawa.
Sabi nila na baka posible daw na may ginawang malaking kasalanan ang babae. At dahil dito, nagalit ang kaniyang asawa at siya ay binugbog.
Wala pa ring ibang detalye ngayon tungkol sa video.
Ngunit isang bagay lang ang malinaw. Hindi tama ang ginawa ng lalake, at walang kahit sino ang may karapatang manakit ng iba, lalo na ng kanilang asawa.
Isipin niyo na lang ang trauma na dulot nito sa bata. Ano kaya ang kaniyang nararamdaman nang nakikitang binubugbog ang kaniyang ina?
Umaasa kami na humingi ng tulong ang babae, at lumayo na sa kaniyang mapang-abusong asawa. Makabubuti rin kung isama na niya ang kaniyang anak, dahil baka pag nagtagal pati ang mismong anak nila ay saktan na rin ng kaniyang asawa.
Mahalagang payo mula sa survivor ng abuse
Nakakalungkot na hindi na bago ang ganitong mga kwento. At mula sa isang inang inabuso at sinaktan ng kaniyang asawa, heto ang kaniyang mahalagang payo para sa ibang mga babae:
- Huwag kang manatiling tahimik.
- Huwag tanggapin ang mg nangyayaring mali.
- Magtiwala sa iyong hinala.
- Magtiwala sa iyong pamilya o kaibigan kasi sila rin ang nakakakita kung paano ka inaabuso.
- Mas mabuting lumayo na lang sa isang toxic na relationship.
- Huwag matakot na humingi ng tulong. Puwedeng humingi ng tulong mula sa Kaya at sa PCW.
mage source: Pexels.com
Ano ang gagawin kapag ikaw ay biktima?
Heto ang isang guide na inihanda ng Association of Women, Action and Research (AWARE) kung ano ang gagawin kapag ikaw ay naging biktima ng domestic abuse.
1. Humingi ng tulong
Tawagan ang mga sumusunod na hotline kung ikaw ay biktima ng domestic abuse:
- Philippine National Police (PNP)
Camp Crame, Quezon City
Tel. No.: 723-0401 to 20 - PNP-Women and Children Protection Center (WCPC)
Camp Crame, Quezon City
Tel. No.: 410-3213 - Department of Social Welfare and Development (DSWD)
Batasan Pambansa Complex, Quezon City
Tel. No.: (02)931-8101 to 07
2. Pumunta sa doktor
- Kung ikaw ay may mga injury, huwag mag-atubiling pumunta sa doktor.
- Wag kang magsinungaling sa iyong doktor, at sabihin mo sa kaniya kung saan mo nakuha ang injury mo.
- Puwede ka ring humingi ng report mula sa doktor, na puwedeng magsilbing ebidensya laban sa iyong asawa.
Image Source: Stock Photos
3. Magsampa ng police report
- Kahit wala kang planong magsampa ng kaso, makakatulong ang police report para sa iyong proteksyon.
- Gumawa ka ng kopya nito at ibigay sa mga kaibigan o kamag-anak para itago.
- Mabuti rin kung ito ay iyong i-scan at i-email o ipadala sa mga tao.
- Ito ay magsisilbing ebidensya rin laban sa iyong asawa.
4. Huwag matakot humingi ng suporta
- Nakaktulong ang counseling at therapy upang malagpasan mo ang iyong mabigat na pinagdaanan.
- Hindi madaling tanggapin na ikaw ay sinasaktan ng iyong asawa, kaya’t mabuting kumausap ng counselor upang mas maintindihan mo ang nangyaring pang-aabuso sa iyo.
- Huwag kang matakot humingi ng suporta, kahit sa mga kaibigan o kamag-anak mo.
6. Magsampa ng kaso
Kung talagang hindi mo na kaya, at gusto mo nang iwan ang iyong asawa, puwede kang magsampa ng kaso.
Huwag kang matakot, at tandaan na ito ay hindi lang para sa iyong kabutihan, ngunit para na rin sa anak mo. Minsan, mas mabuti pang lumayo ka na lang sa isang mapang-abusong asawa, kaysa magtiis sa kaniyang pananakit.
Mahirap, pero ito ang pinakamabuting gawin upang masigurado mo ang kaligtasan mo at ng iyong anak.
Isinalin sa Filipino ni Alwyn Batara
https://sg.theasianparent.com/husband-beating-wife-images