Anak ni Jennylyn Mercado na si Jazz isa ng ganap na teenager! Jazz nag-celebrate ng kaniyang 13th birthday kasama ang inang si Jennylyn Mercado at boyfriend nitong si Dennis Trillo. Kasama rin nila sa selebrasyon ng kaarawan ni Jazz ang anak ni Dennis at Carlene Aguilar na si Calix.
Mababasa sa artikulong ito:
- 13th birthday celebration ng anak ni Jennylyn Mercado at Patrick Garcia.
- Jennylyn Mercado at Patrick Garcia break-up story.
Anak ni Jennylyn Mercado at Patrick Garcia binata na!
Image from Jennylyn Mercado’s Official Facebook account
Binatang-binata na ang anak nila Jennylyn Mercado at Patrick Garcia na si Alex Jazz. Kahapon, August 16 ay nagdiwang ito ng kaniyang 13th birthday na inanunsyo ng kaniyang inang si Jennylyn sa Instagram account nito. Ayon sa aktres, kahit ganap ng teenager si Jazz, para sa kaniya ito parin ay mananatiling forever baby niya.
“My Jazz is now officially a teenager! Pero he will remain my baby boy forever!😄 Happy 13th, my Jazzy!❤️ I love you so much!😘”
Ito ang caption ng Instagram post ni Jennylyn na kalakip ang mga larawan sa ginawang birthday celebration ng anak.
View this post on Instagram
Sa kabila ng pandemya ay naging fun parin ang birthday celebration ni Jazz na may We Bare Bears theme.
Sa mga larawang inupload ni Jennylyn sa kaniyang Instagram account ay makikitang masaya nilang ipinagdiwang ang birthday ni Jazz kasama ang boyfriend niyang si Dennis Trillo at ang anak nitong si Calix.
Image from Jennylyn Mercado’s Official Facebook account
Jennylyn Mercado and Patrick Garcia’s breakup story
Napaka-bilis nga ng panahon matatandaang ipinanganak ni Jennylyn si Jazz noong August 16, 2008. Ito ay ang parehong taon kung saan naghiwalay si Jennylyn at Patrick noon.
Ang paghihiwalay nilang ito ay naging usap-usapan. Dahil maliban sa buntis si Jennylyn nang ito ay mangyari ay napabalita ring hindi sigurado si Patrick na siya ang ama ng ipinagbubuntis ng aktres.
Ayon kay Jennylyn, noong siya ay nagbubuntis ay hindi man lang naibigay ni Patrick ang mga pangangailangan niya.
“Magbuhat nang magbuntis ako, wala naman siyang ginagawang effort para sa akin at sa magiging anak niya.”
Ito ang nasabi ni Jennylyn noon sa isang panayam ukol sa hiwalayan nila ni Patrick Garcia. Dagdag pa niya, ilang beses siya noong nakiusap kay Patrick para sa ikabubuti ng kanilang anak pero hindi ito nakinig.
“Ilang beses kong sinabi na huwag niya akong iwan. Sobrang na-disappoint ako. Wala na akong makita sa kanya. Umiiwas siya.
Kung kailan ko siya kailangan, saka siya nawala. Hindi ko kailangan ang financial support. Ang kailangan ko ay love, care, at emotional support.”
Ito pa ang nasabi noon ng aktres.
BASAHIN:
Jennylyn Mercado pinagtanggol ang mga single mom: “Having a kid early doesn’t make you less of a woman”
The unlikely friendship of Jennylyn Mercado and Nikka Garcia
The unlikely friendship of Jennylyn Mercado and Nikka Garcia
Image from Jennylyn Mercado’s Official Facebook account
Co-parenting nina set-up ni Jennylyn Mercado at Patrick Garcia
Hindi man nagkabalikan ang dalawa ay naging maaayos ang kanilang relasyon para na rin sa kanilang anak na si Jazz.
Mula noon ay naging maayos na ang relasyon ni Jennylyn at Patrick. Si Patrick ay nakakabisita sa anak at minsan ay naisasama ito sa mga family gatherings nila. Sa katunayan sa kasal ni Patrick sa misis niya ngayong si Nikka Martinez ay naroon ang anak na si Jazz.
Makikita rin namang very close si Jazz sa mga anak ngayon ni Patrick sa asawang si Nikka. Patunay nito ang mga larawang magkakasama sila na kung saan nandoon rin si Jennylyn at boyfriend nitong si Dennis Trillo.
Maraming netizens din ang natutuwa at namamangha sa co-parenting relationship ni Jennylyn Mercado at Patrick Garcia para sa kanilang anak na si Jazz.
Maayos din ang relasyon ni Jennylyn at ang asawa ni Patrick na si Nikka Garcia. Sa katunayan, naging makaibigan ang dalawa makikita ito sa mga instagram posts ng dalawa.
May mga pagkakataon din na nakikita ang pamilya ni Patrick Garcia at si Jen kasama si Dennis Trillo para magkaroon ng family bonding.
Sa ngayon, pinapalaki ni Jen at Patrick na si Jazz sa kanilang co-parenting set-up kasama na rin ang kanilang respective partners
View this post on Instagram
Source:
GMA News, GMA Entertainment, The Philippine Star, PEP
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
