Andi Eigenmann second child na si Lilo pansamantala niyang iiwan para bumalik sa pag-aartista. Aktres umaming nalulungkot at nakakaramdam ng separation anxiety.
Andi Eigenmann second child na si Lilo
Sa isang Instagram post ay ibinahagi ni Andi Eigenmann ang mahirap na sitwasyong kinahaharap ng mga nagtratrabahong ina.
Si Andi inaming masakit para sa kaniyang iwan si Lilo para bumalik sa limelight at magtrabaho.
“And now comes the hardest part. After almost 6 months, I am leaving Lilo for the very first time with papa on the island, because I will be busy filming a new movie. While I am stoked to be back in front of the camera, and to get another chance to bond with Ellie where it’s just her and me, it hurts to leave papa and my little one.”
Ito ang pahayag ni Andi sa kaniyang pinaka-latest na Instagram post.
View this post on Instagram
Andi feels separation anxiety
Dagdag pa niya, bagamat, isang buwan lang siyang malalayo sa kaniyang 6 months old na si Lilo, para sa kaniya ay napakatagal na nito.
“It will only be for a month, but that’s way too long for me to be away from my children. I know it will feel like forever. Specially because there’s a chance I’d miss out on some milestones.”
Pero laking pasalamat ni Andi na nariyan ang kaniyang boyfriend na si Philmar Alipayo upang alagaan ang kanilang anak na si Lilo. Pati na ang mga magulang nito at iba pang kamag-anak na siguradong hindi ito pababayaan. Kaya naman ipagpapatuloy ni Andi ang kaniyang karera na para rin naman umano sa kinabukasan ng kaniyang pamilya.
“But I’m so grateful to have papa @chepoxz to count on, and Lilo’s lolo, lola and tita ninang @angie_alipayo to help him out too. I am gonna miss my little one soooo much!!! But I will be doing this for all of us! And after this will be so rewarding that we will all be complete again on the island hopefully in our new home sweet home!????????”
Ito ang pagtatapos ni Andi sa kaniyang Instagram post.
Tips kung paano haharapin ang separation anxiety ng mga bagong panganak na Mommy
Ang separation anxiety na pinaghalong pag-aalala at kalungkutang nadarama ng isang ina kapag nawalay sa kaniyang bagong silang na anak ay normal lang na pakiramdam. Ngunit, kailangang matutunang harapin ito lalo na ng mga inang kailangang bumalik sa pagtratrabaho. Para unti-unting malagpasan ang separation anxiety na nararamdaman ay narito ang ilang tips na maaring gawin ng isang babaeng nakakaranas nito.
Humingi ng tulong o makipag-usap sa ibang ina na napagdaanan o pinagdadaanan ang pareho mong sitwasyon.
Kailangan mong harapin ang iyong nadarama at isiping ito ay normal lang. Dahil tulad mo ay nararanasan rin ito ng iba pang mga ina na kailangang bumalik sa trabaho. Kaya naman makakatulong na makipag-usap sa kanila. Ito ay upang malaman mo ang kanilang ginagawa para harapin ito. At para narin makapagpalitan kayo ng ideya sa kung paano ninyo ito malalampasan.
Bumuo ng routine kasama si baby bago ka tuluyang bumalik sa pagtratrabaho.
Bago ka pa man bumalik sa pagtratrabaho ay mabuting bumuo ka na ng routine ninyong magkasama. Tulad nalang ng oras niya ng pagtulog na kasama ka na maaring bago ka pumasok o pag-uwi mo ng bahay galing sa trabaho. Sa ganitong paraan ay may oras pa kayong mag-bonding at siya parin ay maalagaan mo.
Pagsisiguro na may mapagkakatiwalaan kang mag-aalaga sa iyong baby habang ikaw ay wala sa tabi niya.
Para hindi lubusang mag-alala sa pagkawalay sa iyong anak ay mabuting siguraduhin mong may mag-aalaga sa kaniya ng maayos habang ikaw ay wala. Ito ay maaring isang malapit na kamag-anak o mapagkakatiwalaang kasambahay na mabibigay ang pag-aalagang kailangan niya. Siguraduhin din madali mo siyang matatawagan upang kamustahin ang iyong baby.
Makakatulong din ang pagdadala ng litrato ng iyong anak sa iyong trabaho. O ang paglalagay nito sa isang bagay o lugar na lagi mo siyang makikita at hindi mamimiss.
Sa tulong ng mga tips na ito ay unti-unti mong malalampasan ang separation anxiety. At unti-unti kang makakabalik sa pagtratrabaho para sa kinabukasan ng iyong pamilya at ni baby.
Source: Family Education
Basahin: Going back to work after your baby: How to deal with separation anxiety
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
Shopping
Rewards
