Masayang balita ang ibinahagi ng aktor na si Andrew Schimmer sa social media, nagdadalang-tao na kasi ang kaniyang girlfriend na si Dimps.
Mababasa sa artikulong ito:
- Andrew Schimmer and girlfriend Dimps, pregnant sa kanilang first child!
- Aktor sa kaniyang partner: “You restored me…slowly put me back together”
Andrew Schimmer and girlfriend Dimps, pregnant sa kanilang first baby!
Talagang nagdiwang ang “Descendants of the Sun” actor na si Andrew Schimmer nang malaman ang magandang balita para sa kanila ng kaniyang girlfriend na si Dimps.
Sa isang public Facebook post, ipinaskil ni Andrew ang larawan ng pregnancy test. Kung saan ay makikita ang dalawang malinaw na linya na nagpapahayag na positibo ang resulta.
Larawan mula sa Facebook ni Andrew Schimmer
Mahihimigan din sa caption ni Andrew Schimmer ang excitement na nararamdaman sa balitang ito.
Aniya, “My God, totoo na ’to.”
Hindi rin nakalimutan ng aktor na magpasalamat sa Diyos dahil sa “grabeng blessing” na natanggap nilang mag-partner. At hindi na rin itinago ng aktor ang kahilingan na lalaki ang maging first baby nila.
Dagdag pa niya sa caption ng Facebook post, “We’re all superrrr happy! Woohoo! Bebe boy lezzgaw!”
Larawan mula sa Facebook ni Andrew Schimmer
Aktor sa kaniyang partner: You restored me
Matatandaang matagal na naratay sa hospital bed ang unang asawa ni Andrew Schimmer na si Jorhomy “Jho” Rovero. Ilang buwan itong naghirap nang dahil sa severe asthma attack na nagdulot ng cardiac arrest at kakulangan sa oxygen sa utak.
Labis din ang naging hirap ni Andrew sa pag-aalaga sa kaniyang misis at pagsuporta sa mga anak nang mga panahong iyon. Tuluyang pumanaw si Jho noong December 2022.
Samantala, December 2023 naman nang ibalita ni Andrew sa publiko na nakahanap siya ng bagong pag-ibig sa non-showbiz girlfriend na si Dimps.
Larawan mula sa Facebook ni Andrew Schimmer
Aniya, ito umano ang tumulong sa kaniya upang siya ay makabangon sa pagkalugmok dahil sa nangyari sa kaniyang asawa.
“You restored me… Slowly put me back together,” aniya sa isang Facebook post tungkol kay Dimps.
“You took away all the pain…and gave me something, that made me love the world again,” dagdag pa nito.
May dalawang anak sina Andrew at Jho na sina Andrea Mari at Neymar. Kaya naman, ang anak na ipinagbubuntis ng partner niyang si Dimps ang magiging ikatlong anak ng aktor.