Gregg Homan at Angelica Panganiban beach wedding sa Siargao dinaluhan ng kanilang pamilya at malalapit na kaibigan.
Mababasa dito ang sumusunod:
- Gregg Homan and Angelica Panganiban beach wedding in Siargao.
- Pagsasama ni Gregg Homan at Angelica Panganiban.
Gregg Homan and Angelica Panganiban beach wedding in Siargao
Larawan mula sa Instagram
Ikinasal sa pangalawang pagkakataon sina Gregg Homan at Angelica Panganiban. Ang kanilang second wedding ay ginanap sa Siargao. Isang beach wedding na kung saan dinaluhan ng pamilya at malalapit na kaibigan ng dalawa.
Matatandaang noong December 31, 2023 ay unang ikinasal sina Angelica at Gregg sa Los Angeles, California. Noon ang present lang sa kasal nilang dalawa ay ilang malalapit na kaibigan ni Angelica na sina Bea Padilla, Kim Chiu at Andoy Ranay. Pero sa beach wedding nila ay makikitang present na ang kanilang pamilya. Ganoon rin ang ilan pang malalapit na kaibigan ni Angelica sa showbizness. Kabilang na nga dyan ang mag-asawang sina Judy Ann Santos at Ryan Agoncillo. Ganoon rin si Glaiza de Castro, Anne Curtis, John Pratts, Kian Cipriano at Ketchup Eusebio.
Si Angelica nagmala-anghel sa suot niyang simpleng wedding gown. Makikita rin ang hindi mapigilan niyang saya habang naglalakad sa isle papunta sa mag-ama niyang sina Gregg at Baby Bean na naghihintay sa kaniya sa altar. Ang anak niyang si Bean ay tumayo ring flower girl ng kanilang kasal.
Larawan mula sa Instagram
Samantala, bumuhos naman ang pagbati sa bagong kasal. Kabilang na rito ang nagmula sa mga kaibigan nila sa entertainment industry na sadyang napakasaya para kay Angelica.
“To my Pets! Sobrang saya naming lahat para sa inyo ni @gregg_homan ❤️ Sobrang saya din ng mga puso namin na makita ang mga ngiti nyo! Mabuhay ang bagong kasal!”
Ito ang mensahe ni John Pratts kay Gregg at Angelica. Siya ang tumayong ring bearer sa kasal nila.
Love story ni Gregg Homan at Angelica Panganiban
Present rin sa kasal ni Angelica at Gregg ang aktres na si Cherry Pie Picache. Ito umano ang naging daan para magkakilala ang dalawa. Ang dapat ay date lang ay nasundan ng mas madalas nilang paglabas at tuluyang pagka-inlove sa isa’t-isa. Marami umanong pagkakaparehas si Gregg at Angelica. Ang aktres nalamang si Gregg na ang ‘the one’ sa kaniya ng minsang mapagusapan nila ang pagkakaroon ng pamilya.
“We both really wanted to have kids. Feel ko, dun ko naramdamang worth it lahat kasi wala akong naramdamang takot noong pinag-uusapan namin about building a family together. Parehas namin siyang gusto.”
Ito ang pagbabahagi ni Angelica sa isang panayam.
At noon ngang March 2022 inanunsyo ni Angelica na siya ay nagdadalang-tao sa anak nila ni Gregg. Ito ay ipinanganak niya noong September 2022 na pinangalan nilang Amila Sabine. Sa sumunod na buwan, October 2022 ay ibinahagi ng dalawa ang kanilang naging engagement.
Sa kaniyang YouTube vlog ay ibinahagi Angelica ang naging wedding proposal sa kaniya ni Gregg. Ito ang bahagi ng naging mensahe niya sa aktres ng hingin niya ang kamay nito para sa kasal.
“Maraming paraan sa buhay para sumaya sa buhay na ito, pero ikaw lang yung kailangan ko.”
Ito ang sabi ni Gregg kay Angelica.
Congratulations Gregg at Angelica!
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
Shopping
Rewards
