Isang masayang kuwentuhan ang pinagsaluhan nina Angelica Panganiban at Camille Prats sa vlog ng huli. Ibinahagi nga rito ni Angelica Panganiban kung ano ang nabago sa buhay niya dahil sa boyfriend na si Gregg Homan.
Mababasa sa artikulong ito:
- Angelica Panganiban feeling secured sa boyfriend na si Gregg
- Angge ready na bang maging mommy?
Angelica Panganiban feeling secured sa boyfriend na si Gregg
Sa unang episode ng Cam Cook With Me vlog ni Camille Prats, ang kaibigang si Angelica Panganiban ang una niyang guest. Sa nasabing vlog ay nagluto ang dalawa habang nagkukwentuhan.
Matapos balikan ang mga masasaya at masasakit na alaala nila sa showbiz at love life, naitanong nga ni Camille Prats kay Angelica Panganiban kung kumusta ito sa boyfriend na si Gregg Homan.
Kuwento ni Angelica Panganiban, naging payapa raw ang kaniyang buhay sa boyfriend na si Gregg.
Aniya, “Tumahimik ‘yong buhay ko. Nagkaroon ng peace. Nagkaroon ako ng sense of security, finally.”
Noong una raw ay napapaisip at nangangamba rin si Angelica Panganiban sa peace of mind na dulot ng relasyon nila ng boyfriend na si Gregg.
Larawan mula sa Instagram account ni Angelica Panganiban
“Bakit ang kalma, gusto ko lahat? Bakit nakaayon lahat sa gusto ko o sa mga pinagdasal ko?”
Masaya rin daw si Angelica Panganiban na walang bahid ng ka-showbizan ang kaniyang partner. Dagdag pa nga ng aktres, isa marahil sa factor kung bakit maayos din ang relasyon nila ay dahil hindi marunong umarte ang kaniyang boyfriend. Biro niya pa, kahit turuan niya raw itong umarte ay wala talaga.
Isa rin daw sa nagdudulot ng peace of mind kay Angelica Panganiban ay ang pagdedesisyong manatili sa Subic kasama ang boyfriend na si Gregg.
Sa Manila raw kasi dahil malapit sa mga kakilala at kaibigan ay halos lagi niyang ginagawang available ang kaniyang sarili para sa iba. Kaya naman ay nahihirapan siyang makahanap ng pahinga para sa sarili.
“’Yong peace of mind. Hindi ko mabibili ‘yon kahit saan,” pahayag ng aktres.
Larawan mula sa Instagram account ni Angelica Panganiban
Dagdag pa nito, masarap din daw sa pakiramdam kapag may dumadalaw sa kaniya sa Subic. Sa ganoong paraan daw ay nararamdam niyang mahalaga siya dahil dinayo pa siya ng mga ito kahit kailangang bumyahe ng halos dalawang oras para mapuntahan siya.
Angelica Panganiban ready na bang maging mommy?
Ngayon nga ay pregnant si Angelica Panganiban at ang boyfriend na si Gregg. Naitanong ni Camille Prats kay Angelica Panganiban kung ready na ba ito sa pagdating ng kanilang baby.
Sagot ng aktres, hindi niya rin daw sigurado kung ready na ba siya o hindi pa.
Paliwanag niya, one-year nilang sinubukan ni Gregg na bumuo ng baby.
“Nong nangyari na siya, akala mo prepared ka. Ganon pala ‘yon. Totoo pala talaga ‘yong sinasabi ng lahat na akala mo prepared ka? Hindi.”
Kuwento pa ni Angelica Panganiban, ilang beses din daw siyang dinugo bago nila natuklasan na pregnant nga siya.
Matindi rin daw ang naranasan niyang mood swings na tila mababaliw daw siya.
“Talagang nakakabaliw siya. May mga nights or days na umiiyak na lang ako. Minsan masaya ‘yong iyak. Minsan talagang – ginagawa ko naman lahat, bakit ang hirap?” aniya.
Ang solusyon niya lang daw tuwing umaatake ang anxiety at mood swings ay ine-embrace niya ang kaniyang emosyon. Habang ipinapaalala sa sarili na lilipas din ang ano mang negatibong nararamdaman.
Sa lahat ng nararanasang changes dahil sa pagiging pregnant ay nanatili naman daw ang boyfriend na si Gregg sa tabi ni Angelica Panganiban. Supportive daw ito sa lahat ng kailangan niya.
Sa ngayon ay nakahanda naman na raw ang mga maaaring ihanda. Nagme-meditation din daw si Angelica Panganiban. Halos every morning man daw siyang naiiyak dahil dito ay malaki ang naitutulong nito sa kaniyang pregnancy. Natutulungan siya nitong kumalma at mawala ang duda sa sarili kung kakayanin niya ba ang pagiging isang mommy.
“The more I worry alam ko na mas magiging loving parent ako dahil nag-aalala ako. Dahil gusto kong mag-thrive na maging mabuting ina,” saad ni Angge.
Larawan mula sa Instagram account ni Angelica Panganiban
Dahil sa mga naikwento ni Angelica Panganiban ay naibahagi rin ni Camille Prats na ibang experience nga umano ang pagiging isang ina.
Kahit daw sanay naman silang mga artista sa puyatan ay naging struggle pa rin ni Camille Prats ang pagpupuyat noong bago pa lamang siya sa motherhood journey.
“Iba ang motherhood kasi buong araw ka ring pagod e. So, ‘yong puyat iindahin mo talaga,” saad nito.
Pero mahirap man daw ay masaya pa rin ang maging isang ina.
“Ito talaga ‘yong time na like ‘yong self mo parang hindi mom una talaga siya mababawi kasi parang lahat ng needs niya kailangang nandon ka. Pero masaya,” saad ni Camille Prats.
+Source
YouTube
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
Pandemya ng COVID-19
Press Releases
TAP Picks
Shopping
Rewards
