Angelica Panganiban hindi napigilang maluha ng magkuwento tungkol sa kaniyang health condition. Ayon sa aktres, nalulungkot siya na hindi niya magawa ang responsibilidad niya bilang isang ina ng dahil sa sakit.
Mababasa dito ang sumusunod:
- Angelica Panganiban sa health condition na nararanasan.
- Aktres as a mom sa anak na si Amila.
- Realizations ni Angelica dahil sa sakit.
Angelica Panganiban sa health condition na nararanasan
Hindi napigilang maging emosyonal ng aktres na si Angelica Panganiban ng magkuwento tungkol sa kaniyang health condition. Si Angelica sinabing nagulat siya at natakot nung una ng malaman ang bone disease na nararanasan. Siya ay na-diagnosed na may sakit na avascular necrosis. Ito ay ang pagkamatay ng buto sa kaniyang bewang na dahilan ng sakit na nararanasan niya ng higit isang taon na.
Sa programang “Magandang Buhay” ay ikinuwento ni Angelica ang naging reaksyon niya ng malaman niya ang tungkol sa sakit. Ang aktres at ina na ngayon sa anak niyang si Amila ay hindi napigilang maluha habang nagkukuwento.
“Kumbaga namatay ang hip bone ko. Nawalan na siya ng blood flow, hindi niya kayang gumaling on its own. Kailangan ng tulong, like ng operation, hip replacement, mga ganyan.”
“So nung naririnig ko ito, wait lang magte-37 pa lang ako. Tapos ngayon pa lang natutupad ang mga pangarap ko sa buhay. Sabi ko pero bakit naman medyo unfair?’ Gusto ko pang i-enjoy ang mga ibinibigay sa akin.”
Ito ang naluluhang kuwento ni Angelica.
Larawan mula sa Instagram account ni Angelica Panganiban
Aktres as a mom sa anak na si Amila
Ang surgery ang nangungunang paraan para tuluyang gumaling si Angelica. Pero sa ngayon ay hindi ito ang option na naiisip niya. Bagamat ayon sa doktor maari siyang ma-disable kung hindi agad na malulunasan ang sakit niya. Ito ang mas lalong nagpalungkot kay Angelica na very hands-on mom sa anak na si Amila.
“Paano niya ko mai-enjoy maging nanay kung limited yung puwede kong gawin.”
Ito ang sabi pa ni Angelica.
Kuwento niya pa, sa tulong ng mga eksperto ay naghanap sila ng mas conservative na approach kung saan hindi na kailangan ng surgery. Siya ngayon ay sumasailalim sa stem cell treatment. At lahat ng payo ng doktor ay sinusunod niya partikular na ang complete bed rest sa unang dalawang araw ng magsimula ang treatment niya. Bagamat pag-alala ni Angelica ay naging mahirap daw sa kaniya noong una dahil sa hindi niya maalagaan ang anak na si Amila.
“May mga gabi na magigising yung bata tapos yung yaya yung hahanapin. E sobra akong hands-on kaya nung nangyari yun, medyo masakit pala siya.”
Ito ang naluluha pang kuwento ni Angelica.
Larawan mula sa Instagram account ni Angelica Panganiban
Realizations ni Angelica
Pero sa kabila ng hirap, lungkot at sakit na naranasan ng dahil sa kaniyang health condition, si Angelica may na-realize patungkol sa fiancé niyang si Gregg Homan. Mas naramdaman niya daw sa ngayon ang pagmamahal ni Gregg na araw-araw bumabyahe ng tatlong oras ng Subic to Manila at pabalik para lang maalagaan siya. Si Angelica ngayon ay nasa Maynila para sa kaniyang treatment at ang trabaho naman ni Gregg ay sa Subic.
“Syempre sumasaya ko at damang-dama ko talaga na mahal ako nito. Ngayon lang talaga ako inalagaan ng ganito.”
Ito ang sabi pa ni Angelica.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
