Angelica Panganiban feeling emotional sa nalalapit na panganganak ng kaniyang baby.
Mababasa dito ang mga sumusunod:
- Pakiramdam ni Angelica Panganiban sa nalalapit na panganganak sa kaniyang baby
- Love story ni Angelica Panganiban at Gregg Homan
Pakiramdam ni Angelica Panganiban sa nalalapit na panganganak sa kaniyang baby
Kitang-kita sa mukha ng aktres na si Angelica Panganiban ang saya sa pagbubuntis. Sa kaniyang mga Instagram post at vlogs ay makikitang nai-enjoy niya talaga ang bagong yugto na ito ng kaniyang buhay.
Sa pinakabago niyang IG stories ay ibinahagi ni Angelica Panganiban ang nararamdaman niya sa nalalapit na panganganak. Habang magkatabi sila ng boyfriend niyang si Gregg Homan sa sasakyan sinabi ng aktres na last two long drives na lang at makikita na rin nila ang kanilang baby.
Kasabay nito ang pagbabalik-Maynila nila para doon hintayin ang pagdating ng kanilang anak.
“Last two long drives love.. then Manila base na tayo waiting for our bean.. pagbalik natin ng Subic, may bitbit na tayong baby.”
Ito ang sabi ni Angelica sa kaniyang IG stories.
Dagdag pa niya, feeling emotional siya sa bilis ng pangyayari. Pero handang-handa na salubungin ang kaniyang baby.
“Nakaka-emo 'yong bilis ng mga pangyayari. But at the same time, game na game na 'ko matapos to.”
Ito ang sabi pa ni Angelica.
Nito nga lang ding nakaraang linggo ay nagsagawa ng baby shower si Angelica at Gregg. Si Angelica hindi lang basta masaya para sa anak pero para rin sa kaniyang sarili.
“Nangyari din sa buhay ko ang magkaroon ng sariling baby shower. Napakasarap sa pakiramdam ang makasama ang mga pamilya, kaibigan at kapamilya na tunay na masaya at nakasuporta sa pinakamahalaga at pinakapinangarap kong papel sa buhay ko. Napakadami namang nagmamahal samin.”
Ito ang caption ng post ni Angelica tungkol sa ginanap nilang baby shower.
Sa pinakabago nilang vlog ay ibinida nina Angelica at Gregg ang kanilang baby shower. Sila mismo ang nag-organize nito na pag-amin ni Angelica ay naging challenge ito sa kanila ni Gregg.
“Noong una sanay lang kami na maki-party. Hindi kami sanay na kami na ang magho-host ng party. At baby shower pa 'yong unang party na ihohost namin. So 'yon bagong bago to sa amin. So thank you sa pag-intindi.”
Ito ang mensahe ni Angelica sa kanilang mga bisita.
Love story nina Angelica at Gregg
Sa parehong event ay present naman ang naging tulay sa pagmamahalan ni Angelica at Gregg. Ito ay ang aktres na si Cherry Pie Picache na nagkuwento rin tungkol sa kung paano nagsimula ang love story ng dalawa.
Kuwento ni Cherry Pie, tumagal ng isang taon ang pagrereto niya kay Gregg at Angelica na magkakilala. Sina Angelica at Gregg kasi, kapwa ayaw daw sa formal date kaya hindi ito mangyari. Pero si Gregg pagbabahagi ni Cherry Pie ay matagal na daw crush si Angelica.
“To make the long story short one year tapos itong si Angge napaka-arte. Kasi pareho sila ayaw nila ng formal date so ang tagal. God works in mysterious ways."
"So nagkaroon kami ng lock-in sa Subic so sabi ko, ito na kailangan magkakilala na talaga kayo. Kahit magkape nalang kayo. Basta magkakilala kayo bahala na kayo kung ayaw niyo o gusto niyo.”
Ito ang natatawang kuwento ni Cherry Pie. Matapos nga ng magkakilala sila ay doon na nagsimula ang kanilang pagmamahalan. Si Cherry Pie very happy para kay Angelica at Gregg.
“I think parang its meant to be, written in the stars na magkakilala kayo. I am so happy for Angge kasi she deserves all the love that she is experiencing now. Deserve tapos magiging mommy na siya. Tapos kay Gregg din, because Gregg is such a good man.”
Ito ang sabi pa ni Cherry Pie.
Matatandaang Marso nitong taon ng ibahagi ni Angelica ang magandang balita na siya ay nagbubuntis. Ang aktres labis ang kasiyahan na siya ay magiging isa ng ina at thankful na nangyari ang pangarap niya ito kasama ang tamang tao sa katauhan ng boyfriend niyang si Gregg.
“Napakatagal kong hinintay ito. At wala naman akong pinaganarap kung hindi maging isang ina. So ngayong dumating na siya, ito na ang role na gusto kong gampanan. 'Yon naman muna siguro ang gagawin ko.”
“Napaka-suwerte ko na dumating siya sa tamang tao, sa tamang timing, tamang mga tao ang mga nasa paligid ko para intindihin at suportahan ako sa maganda at bagong journey at bagong chapter ng buhay ko.”
Ito ang masayang sabi pa ng aktres at expectant mom na si Angelica Panganiban noong malaman siyang ay nagdadalang-tao.