Archie Burnand ipinagtanggol ng inang si Georgina Wilson sa mapanghusgang komento ng isang netizen.
Si Archie Burnand ay ang panganay na anak ni Georgina Wilson at ng kaniyang asawang British businessman at hotelier na si Arthur Burnand. Siya ngayon ay dalawang taong gulang.
Kung titingnan ay nakuha ni Archie ang kaniyang looks sa kaniyang foreigner na ama. Pero sa isang video na inupload ng kaniyang ina Pebrero ngayong taon ay makikita kung gaano ka-Pinoy si Archie. Ito ay dahil sa pagkahilig niya sa chicken adobo.
View this post on Instagram
Dahil sa kaniyang cute chicken adobo video ay mas minahal si Archie ng mga netizen. At sinundan ang bawat update ng kaniyang inang si Georgina sa mga milestones ng buhay niya.
Sa pinakabagong post ni Goergina ng isang larawan ni Archie na may hawak na libro ay isang netizen ang nagbigay ng komento na may patungkol sa gender nito.
“I hope this little dude of [yours] will be normal straight in the future… [Because] for me, [he’s] got gay [features]/[gestures]. Hope NOT @ilovegeorgina,”
Ito ang naging mensahe ng netizen kay Georgina Wilson tungkol sa anak na si Archie Burnand.
Hindi naman ito pinaglagpas ng model mom at agad na sinagot ang mapang-husgang komento ng netizen na ito.
“Sorry to put you on blast @franz77761, but I will love my son no matter what he chooses to be in the future and there is NOTHING WRONG with being gay.”
Ito ang deretsahang pagsagot ni Georgina na humingi pa ng patawad sa pagkaka-mentioned ng pangalan ng nasabing netizen.
Archie Burnand, the Adobo Boy
Tulad ng kaniyang ina, si Archie ay magaling din mag-project at mag-pose sa camera. Makikita ito sa mga larawan niya na imino-model ang eyewear line ng kaniyang ina.
Tuwang-tuwa ang mga netizen na sumusubaybay sa mga updates ni Archie. Lalo sa tuwing ito ay nagsasalita ng Tagalog words na napaka-cute tingnan sa isang batang blue eyes with shiny blonde hair.
Mas lalo ngang natuwa ang mga followers ng kanilang good-looking family ng maipanganak na ang kaniyang baby brother na si Alfie. Si Alfie ay ipinanganak ni Georgina nito lamang Hulyo. At sa kaniyang mga larawan sa Instagram ay kitang-kitang kung gaano ito kamahal ng kaniyang older brother na si Archie.
Umaasa ang mga netizens na sana tulad ni Archie ay mahalin din ni Alfie ang Filipino food at maging Adobo Boy #2.
Samantala, matatandaan sa isang post sa Instagram ay pinakita ni Georgina Wilson at kaniyang pinsan na si Isabelle Daza ang pagsuporta nila sa pantay na karapatan para sa mga gays.
Kaya naman hindi na nakakagulat kung maging supportive din si Georgina sa kahit ano mang maging sexual orientation ng anak na si Archie Burnard sa kaniyang paglaki.
Source: GMA Entertainment, Inquirer Entertainment
Basahin: LOOK: Unang pasilip ni Georgina Wilson kay Baby Alfie
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
