Ang atong mga inahan ang isa sa pinaka-importanteng tawo sa atong kinabuhi. Sila pud ang kasaragaran magtudlo sa ato sa mga hiyas, prinsipyo, ug unsa ang husto ug unsa ang sayup. Pero kanunay, tungod kay gusto nila na makat-on ta unsaon pagkabalo asa ang tama nga dalan, sige sila pahinumdum kanato bahin sa mga butang na pila ka times na nato nadunggan.
Kini ang mga sample sa butang na to:
1. Ayaw mo pagsaba kay Dominggo karon.
Kahinumdom ba mo atong mga bata mo, na kung Dominggo gani, unya magdula mo, pahilumon mo sa inyong inahan. Unya muingon siya, “Ayaw mo saba kay Dominggo karon.” Ang buot sabot niya, ang Dominggo ang adlaw sa Ginoo, mao dapat solemn ang balay, labaw na kung gikan mo misa.
2. Pagkuha na lang mo kutilsyo!
Kani nga pamahayag, madunggan sa mga bata nga adunay mga igsoon. Ginaingon ni kanunay sa mga inahan kung mag-away ang ilang mga anak. Kung magsumbungay na ang mga bata—ug magdungan pa jud ug shagit ug hilak—dinha na mutaas ang tingog ni nanay, ug muingon, “Pagkuha na lang mo kutsilyo!” Mahilom baya ang mga bata kay hadlok man sa kutsilyo.
3. Unsa imong gamit pagpangita, imong baba?
Kung mangita gani ka ug gamit sa balay, siguraduha sa nga gipangita na jud nimo ug tuman. Kay kung mahitabo nga pangitaon nimo na si imong nanay, ug makit-an niya, muingon jud na dayon ug, “Unsa imong gamit pagpangita, imong baba?” Kay ngano bitaw kasagaran makita-an nila dayon ang imong mga ginapangita?
4. Kang kinsa man nang salâ?
Lisud jud kaayo nang madagma ka o kanang masikatan ka tungod ra pud sa imong binuhatan unya magsumbong ka sa imong inahan. Usahay, labaw na kung kanang clumsy ra jud kaayo ka, gahilak ka muduol sa ila, unya ingnan ka ug, “Kang kinsa man nang sala?” Dinha nimo ma-realize na imo ra jud sala, ug mahilom na lang pud ka.
5. Muadto ta didto paghuman ninyo tulog.
Mao na ang ginaingon nila ug murag “bribe” katong bata pa ka para matulog ka. Pananglitan, ganahan ka muadto ug mall. Kung manghagad ka sa imong inahan nga mangadto mo ug mall, muingon sila, “Unya na paghuman ninyo tulog” Mao man gud ning mga panahuna nga mangatulog pud sila kay hapon na. Karong tiguwang na ka, makasabot na ka, pero katong bata pa, i-fake pa nimo ang pagtulog.
6. Hala, kuhaon ka sa kapre.
Mao pud ning isa sa mga panghadlok sa imong inahan para di na nimo himuon ang usa ka butang nga di siya mouyon. Usahay, mag-vary ang mukuha depende sa asa ka mahadlok. Puwede, “Hala, kuhaon ka sa kapre.” Puwede mag-change ang “kapre” to “ungo,” “sigbin,” ug “dili ingon ato.”
7. Gabii na.
Ang kanang statement nga “Gabii na,” labaw na kung naa ka sa probinsya, musugod na ug mga 6:30 p.m., o depende kung kanus-a ang sunset. Pagtakda gani sa adlaw, gabii na jud—kaayo—sa ilang pananaw. Mao kung naa mo lakaw sa imong mga amigo ug amiga, lakaw na lang before pa man magsunset, kay kung after, maglisud na ka ug gawas.
8. Masabtan ra nimo kung mahimo na kang inahan.
Universal ang statement na ni ug tama pud. Katong bata pa ka, kung badlungon ka sa imong inahan, maglagot ka kay strikto kaayo, labaw na nang di ka tugtan mulakaw kauban imong barkada. Muingon na siya dayon, “Masabtan ra nimo kung mahimo na kang inahan.” Ug sa dihang paghimo nimong inahan, nasabtan gyud nimo ang iyang mga gibata. Ang moral ani, paminaw sa imong inahan kay sa kamatuoran, kasagaran, kabalo sila unsa ang labing maayo para sa ilang anak.
Basahin: 15 ways to label you as parents who are too strict