Maraming bagay na inaalala ang mga nagbubuntis. Nagiging maingat sila sa kanilang kinakain, sa mga gawain upang masiguradong ligtas ang kanilang sanggol. Ngunit paano kung isang araw, mapansin ng ina na dinudugo siya? Normal lang ba ang maging buntis pero may regla? At kailan ba dapat itong ipakonsulta sa mga doktor?
Posible bang maging buntis pero may regla?
Maraming posibleng dahilan kung bakit nagkakaroon ng ‘regla’ ang mga buntis. Ngunit mahalagang malaman ng mga ina na hindi puwedeng maging buntis pero may regla ang isang babae. Ito ay dahil kapag buntis ang isang babae, tumitigil ang kaniyang menstrual cycle.
Ito ay dahil ang menstrual cycle ay nangyayari kapag naglalabas ng unfertilized na egg cell ang babae. Kapag buntis ang isang ina, tumitigil ang prosesong ito, kaya’t nawawala ang kanilang buwanang dalaw.
Ngunit posibleng magkaroon ng spotting o kaunting pagdurugo ang mga ina kapag sila ay nagdadalang-tao. Sa unang trimester ng pagbubuntis, nasa 30% ng mga ina ay nakakaranas ng spotting, o kaunting pagdurugo. Bagama’t normal ito, mahalaga pa rin na magpunta ang mga ina sa kanilang OB-GYN upang masiguradong wala silang problema sa pagbubuntis.
Ang kadalasang sanhi nito ay ang implantation bleeding o pagdurugo dahil kumapit na ang nabuong baby sa uterus ng ina.
Kailan dapat mag-alala ang mga ina?
Posible rin naman na maging epekto ito ng mas malubhang kondisyon. Kapag maraming dugo na lumalabas, kadalasan itong sintomas na nalagalag na ang sanggol. Ito ay pinakamapanganib sa unang trimester, dahil sa unang trimester madalas nalalaglagan ang mga ina.
Minsan naman, nagkakaroon ng pagdurugo, ngunit hindi nalaglag ang bata. Ito ay nangyayari kapag mababa ang lokasyon ng placenta sa cervix ng ina. Ang ganitong kondisyon ay tinatawag na placenta previa, at kinakailangang maging maingat ang mga inang mayroong ganitong kondisyon. Madalas ay nirerekomenda ng mga doktor na magpahinga lamang ang mga inang may placenta previa, at umiwas sa pakikipagtalik habang nagbubuntis.
Posible rin na sintomas ito ng premature na panganganak o kaya placental abruption kung saan bumibitaw ang placenta sa uterus. Kapag nangyari ito, madalas ay makakaramdam ng matinding sakit ang mga ina at matinding pagduruigo. Sa kabutihang palad ay bihirang-bihira ang ganitong mga kondisyon.
Ang kailangan lamang tandaan ng mga ina ay huwag nilang balewalain ang mga kakaibang sintomas habang sila ay nagbubuntis. Kung nagdududa ka sa nararamdaman mo, mabuting magpakonsulta na agad sa doktor upang masiguradong walang magiging problema ang iyong pagbubuntis.
Source: Women’s Health
Basahin: 6 dahilan kung bakit nade-delay ang menstruation
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Press Releases
Community
Rewards
