Kamakailan lamang ibinahagi ni Carla Abellana ang ilan sa mga dahilan kung bakit ba sila naghiwalay ni dating asawa na si Tom Rodriguez sa panayam ni Boy Abunda sa kaniyang talk show na “Fast Talk with Boy Abunda”.
Mababasa sa artikulong ito:
- Carla Abellana sa rason kung bakit sila naghiwalay ni Tom Rodriguez
- Mga natutunan ni Carla Abellana sa pagpapakasal at hiwalayan na naranasan
- Hiwalayan Tom Rodriguez at Carla Abellana
Carla Abellana sa rason kung bakit sila naghiwalay ni Tom Rodriguez
Ayon kay Carla, marami umanong dahilan kung bakit ba humantong sa hiwalayan ang relasyon at pagsasama nila ng aktor na si Tom Rodriguez. Diretiyahang tinanong ni Tito Boy kung bakit ba sila naghiwalay ni Tom, sagot ni Carla,
“Napakadaming dahilan, kung ililista po natin medyo marami po ‘yan…but basically, bottomline is umabot na sa breaking point, sobra na.”
“There was still disrespect, all the lying, there was no change. Hindi po ‘yon first time na nangyari sa amin pero ito po is taken to a different level talagang mas extreme na po, mas malala.“
“You get to the point na parang it’s too much already po.”
Ibinahagi rin ni Carla Abellana kay Tito Boy na may protection order siya mula sa dating asawa na si Tom Rodriguez, ibinahagi niya tuloy pa rin ang protection order nito kahit matapos ang kanilang kaso sa pagpapawalang bisa ng kanilang kasal.
Larawan mula sa Instagram account ni Carla Abellana
Mga natutunan ni Carla Abellana sa pagpapakasal at hiwalayan na naranasan
Pagbabahagi ni Carla, alam niya bilang isang Katoliko na napakahalaga ng pagpapakasal. Kaugnay nito, na dapat ipaglaban ang inyong pagsasama at mahalaga rin ang pagpapatawad sa mga taong kinasal lalo na at Katoliko.
Pero ayon kay Carla, mahalaga at kailangan din na magtira para sa sarili, kwento niya,
“You have to know your worth, dapat alam niyo po ‘yong value niyo. Walang problema kung magpatawad at magbigay ng napakaraming chance but there’s have to be change. So ang hirap po na you are determined to fix something, a relationship but walang receprocation. You cannot fix something or someone ayaw pong ayusin.”
Ayon pa kay Carla nang matanong ni Tito Boy kung naniniwala pa ba siya sa pagmahahal at marriage, sagot ni Carla ay naniniwala pa umano siya sa pag-ibig dahil hindi lamang naman romantic love lang ang pag-ibig. Sapagkat ang pag-ibig rin ay nakukuha at naibibigay natin sa ating mga kaibigan at pamilya.
Larawan mula sa Instagram account ni Carla Abellana
“Naiba po ang aking pananaw o paningin pagdating sa marriage. So I really, honestly don’t see myself getting married again.”
Ito umano ang mga natutuhan ni Carla sa mga pinagdaan niya sa pagsasama nila ni Tom Rodriguez. Dagdag pa niya, parang nabulabog at nag-iba raw talaga ang kaniyang paningin sa marriage dahil sa mga naranasan niya.
Subalit umaasa pa umano siya na makakatagpo at makakaranas siya ng true love sa hinaharap. Pag-aamin pa ni Carla, napatawad na umano niya si Tom sa mga nangyari sa kanila.
Hiwalayan Tom Rodriguez at Carla Abellana
Matatandaang naunang umingay ang hiwalayan nina Tom Rordriguez at Carla Abellana noong nakaraang taon, 2022, January. Tatlong buwan lamang matapos ang kanilang pag-iisang dibdib noong October 2021.
Uminit ang usaping ang dahilan daw ng hiwalayan ng dalawa ay ang pagko-commit ng infidelity ni Tom kay Carla. Kinuwento ng ama ni Carla na si Tom daw mismo ang nagsabi sa kaniya sa nangyaring insidente. Ayon dito, natukso at napasok daw sa isang one-night stand ang aktor.
Dito raw nagsimula ang lahat. Hindi raw nais tanggapin ni Carla ang pagkakamaling ito. Kaya naman inihanda kaagad ni Carla lahat ng papeles na kailangan para mapawalang bisa ang kanilang kasal. Nagsampa na ng annulment ang aktres sa korte para maging pormal ang kanilang hiwalayan ng dating asawang si Tom.
