Mommies and daddies! Naghahanap ba kayo ng makabuluhang family bonding ngayong Pebrero? Huwag palampasin ang CCP Pasinaya 2025 o ang Pasinaya Festival, isang pambansang selebrasyon ng sining at kultura na maaaring ma-enjoy ng buong pamilya!
Para sa lahat ang Pasinaya Festival
Gaganapin ang naturang programa sa Pebrero 1 at 2 sa Cultural Center of the Philippines (CCP) Complex at iba pang partner venues sa loob at labas ng bansa.
Larawan mula sa Facebook page ng Cultural Center of the Philippines
Ngayong taon, may temang “Para Sa Lahat” ang Pasinaya Festival, kaya’t tiyak na mayroong aktibidad na babagay sa inyong mag-anak. Mula sa mga live performances, workshops, exhibits, at iba’t ibang interactive na karanasan, maaaring ma-expose ang inyong mga anak sa mayamang sining at kultura ng Pilipinas.
Pasinaya Palitan: Pagbubukas ng mundo ng sining sa kabataan
Isa sa mga tampok na bahagi ng Pasinaya ay ang Pasinaya Palitan, kung saan maaaring matuto ang mga batang mahilig sa sining tungkol sa iba’t ibang oportunidad sa industriya. Sa pamamagitan ng networking at pitching sessions, mas makikilala ang galing ng mga Pilipinong artista sa lokal at pandaigdigang entablado.
Sa CCP Tanghalang Ignacio Gimenez, Iloilo City, at Tagum City, magaganap naman ang Navigating the Touring Circuit, isang workshop na maaaring maging inspirasyon sa mga batang may hilig sa teatro at pagsasadula.
Larawan mula sa Facebook page ng Cultural Center of the Philippines
Pasinaya Worldwide: Sining na umaabot sa buong mundo
Ngayong taon, mas pinalawak pa ang saklaw ng Pasinaya! Magkakaroon ng mga kasabay na selebrasyon sa Jordan, Libya, at China—patunay na kinikilala sa iba’t ibang bansa ang sining at kulturang Pilipino.
Sa Jordan at Libya, magsasagawa ng pagdiriwang ang mga embahada ng Pilipinas sa Pebrero 14 bilang bahagi ng Arts Month, habang sa China naman, makikilahok ang ilang unibersidad sa isang virtual meeting kasama ang mga performing groups bilang paghahanda sa isang malaking festival sa Nobyembre 2025.
Larawan mula sa Facebook page ng Cultural Center of the Philippines
May Bayad Ba Ang Pasinaya Festival?
Tulad ng dati, ang Pasinaya Festival ay may Pay-What-You-Can, See-All-You-Can scheme, kaya’t siguradong abot-kaya ang paglahok ng bawat pamilya. Ito ay isang magandang pagkakataon upang ipakilala sa inyong mga anak ang halaga ng sining at kultura habang nag-e-enjoy kasama ang buong pamilya.
Spend your weekends na sa piling ng sining, musika, at kultura na siguradong ikatutuwa ng inyong pamilya! Para sa updates, bisitahin ang opisyal na website ng CCP sa www.culturalcenter.gov.ph o sundan ang kanilang social media accounts sa Facebook, Instagram, at TikTok.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
Shopping
Community
Rewards
