Cellulitis: Sanhi, sintomas, at lunas

Cellulitis: Sanhi, sintomas, at lunas

Alamin kung anong klaseng sakit ang cellulitis, saan nga ba ito nakukuha o paano nakukuha ito, at kung paano ito maaaring magamot.

Ano ang cellulitis sa tagalog?

Ang cellulitis at cellulite ay hindi iisa. Ang cellulitis ay impeksiyon na dahil sa bacteria. Naapektuhan nito ang malalim na bahagi ng balat, ilalim ng balat, taba, at soft tissue sa ilalim ng balat. Nangyayari ang infection dahil maaaring makapasok ang bacteria sa mga sugat, gasgas o kagat. Dahil dito, mas madaling makakuha ng ganitong kondisyon ang may mga sakit na eczema o psoriasis.

Ang karamdaman na ito ay maaaring makuha nang biglaan. At kung hindi maagapan o bigyang pansin ang kondisyong ito, maaari itong kumalat pa palalim sa katawan at ikamatay. Ang maagang paggamot dito ng antibiotics ay kadalasan epektibo.

cellulitis-sanhi-sintomas-at-lunas

Ano ang cellulitis sa tagalog at mga sintomas nito?

Mga sanhi

Ang mga bacteria mula sa streptococci at staphylococci na grupo ay kadalasang matatagpuan sa ibabaw na bahagi ng balat nang walang dinudulot na panganib. Kapag ito ay nakapasok sa balat, maaaring magdulot ng impeksiyon.

Ang mga kadalasang nagiging daanan ng bacteria papasok ng balat ay:

  • Ulcer
  • Paso
  • Kagat
  • Gasgas
  • Sugat
  • Kundisyon sa balat tulad ng eczema, alipunga o psoriasis

Sa kabila nito, mayroon pa rin mga nagkakaroon ng cellulitis nang walang sugat sa balat.

Panganib ng cellulitis

Narito rin ang mga taong delikado at delikadong magkaroon ng cellulitis:

  • Pamamaga ng binti o hita (endema)
  • Paghina ng immune system
  • Diabetes
  • Problema sa sirkulasyon ng dugo
  • May iba pang kundisyon sa balat tulad ng bulutong
  • Lymphedema
  • Dati nang nagka-cellulitis
  • Nagtuturok ng drugs sa balat
cellulitis-sanhi-sintomas-at-lunas

Ano ang cellulitis sa tagalog at mga sintomas nito? | Image from Freepik

Mga sintomas

Kadalasang naaapektuhan ng kondisyong ito ang hita at binti ng tao. Ngunit, maaari parin nitong maapektuhan ang kahit anong bahagi ng katawan. Ang apektadong bahagi ay:

  • Mainit
  • Masakit
  • Namamaga
  • Namumula
  • Ang iba ay nakakaranas  ng pagkakaroon ng mga paltos, mga dimples o batik. Maari rin magkaranas ng lagnat, panlalamig, pagkahilo at panginginig.
  • Ang mga lymph glands din ay maaaring mamaga. Kapag ang hita o binti ang apektado, mamaga ang lymph glands sa may bandang ari.

Paano ito nagagamot?

Kung nararanasan ang mga sintomas ng cellulitis, mas mabuting magpakonsulta agad sa iyong doctor para maagapan ito at mapigilan ang tuluyang paglala o pagkalat ng impeksyon. Panatilihin rin ang kalinisan sa katawan para maiwasan ito.

Ang mga karaniwang paraang ng paglunas sa cellulitis ay sa pamamagitan ng mga sumusunod:

cellulitis-sanhi-sintomas-at-lunas

Ano ang cellulitis sa tagalog at mga sintomas nito? | Image from Freepik

Medikasyon

Iba’t ibang antibiotics ang maaaring i-reseta ng duktor depende sa hinihinalang bacteria na sanhi. Halos laging epektibong lunas ang pag-inom ng antibiotics. Sa iba ay lalala muna ang nararamdaman ngunit bumubuti rin makalipas ang ilang araw. Ngunit, sa mga nakakaranas na ng lagnat at pagsusuka, dapat nang magpunta sa ospital.

Pagpapa-ospital

Sa mga kaso na malala na ang cellulitis, kinakailangan gamutin sa ospital. Ito ay ang mga pasyente na nakakaranas ng lagnat, pagsusuka,at  hindi pagtugon ng katawan sa gamot matapos uminom ng antibiotics. Kasama rin sa mga ito ang nakakaranas ng pabalik-balik na cellulitis.

Nakakahawa ba ang cellulitis?

Ayon sa pag-aaral, ang cellulitis ay hindi naman nakakahawa sa tao. Pero maaari lang na mahawaan ka nito kapag ang sugat mo ay nahawakan ng infected na tao.

Maaaring magkaroon ng cellulitis ang mga taong may skin condition katuladng eczema o athlete’s foot. Ito ay dahil makakapasok sa  bukas na sugat mo ang bacteria nito. Mataas rin ang risk ng mga mahina ang immune system sa pagkakaroon ng cellulitis.

 

 

Source:

Medical News Today

Basahin:

Alipunga: Sanhi, sintomas, at gamot para sa impeksyon sa paa

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Article Stories
app info
get app banner