Chito Miranda pinagtanggol ang misis na si Neri Naig sa mga isyung kinahaharap nito ngayon. Band vocalist kinumpirma rin ang pagkakaaresto ng misis.
Mababasa dito ang sumusunod:
- Chito Miranda pinagtanggol ang misis na si Neri Naig.
- Kasong kinahaharap ni Neri.
Chito Miranda pinagtanggol ang misis na si Neri Naig
Sa Instagram ay naglabas ng saloobin ang Parokya Ni Edgar band vocalist na si Chito Miranda ukol sa isyung kinahaharap ng misis niyang si Neri Naig. Si Chito kinumpirma ang nababalitang pagkakaaresto ni Neri. Pero pagtatanggol ni Chito sa misis niya, ito ay walang kasalanan.
“Never nanloko si Neri, at never sya nanlamang sa kapwa.
Never siyang kumuha or nanghingi ng pera kahit kanino man.”
Ito ang bungad ni Chito sa kaniyang Instagram post.
Pahayag pa ni Chito ang misis niya ay biktima rin. Siya umano ay endorser lang ng isang negosyo at walang kinalaman sa anomalyang ginawa nito. Paglilinaw pa niya, hindi nagtatago ang misis niya.
Larawan mula sa Instagram account ni Chito Miranda
“Tulad ngayon, endorser lang sya tapos ginamit yung face nya to get investors. Kinasuhan sya ng mga nabiktima.
Tapos last week, bigla na lang syang inaresto for the same case kahit hindi pa sya binigyan ng notice na may bagong criminal complaint pala laban sa kanya, and di nya na-defend yung sarili nya.
Wala syang nareceive na letter from the prosecutor, walang subpoena, walang kahit anong notice.
Yung mga dati, nareceive namin nya, at nag comply sya, (alam naman ng lahat na madali kami mahanap sa Alfonso).”
Ito ang sabi pa ni Chito sa kaniyang IG post.
Larawan mula sa Instagram account ni Chito Miranda
Dagdag pa ni Chito, si Neri inaresto at nakakulong ngayon. Siya ay hindi rin puwedeng magpyansa. Kaya ang dasal niya, sana ay maayos na ito at malinis na ang pangalan ng asawa niya.
“Praying na ma-sort out na ang lahat ng ito…kawawa naman yung asawa ko????????❤️”
Ito ang sabi pa ni Chito sa kaniyang Instagram post.
Kasong kinahaharap ni Neri
View this post on Instagram
Ayon sa report, si Neri ay inaresto umano noong November 23, 2024 sa Pasay City. Ito ay dahil sa paglabag sa Section 28 ng Republic Act No. 8799, o mas kilala sa tawag na Securities Regulation Code. Siya rin ay kinasuhan ng hiwalay na kasong estafa at syndicated estafa.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
