Proud na ibinahagi ng former professional basketball player na si Marc Pingris ang balitang pregnant sa kanilang 3rd baby ang kaniyang misis na si Danica Sotto.
Mga mababasa sa artikulong ito:
- Danica Sotto buntis sa kanilang 3rd baby ni Marc Pingris
- Danica and Marc’s love story
Danica Sotto buntis sa kanilang 3rd baby ni Marc Pingris
Marami ang nag-celebrate ng Father’s Day nitong Sunday, kabilang na diyan syempre ang mga showbiz daddies. May mga nakatanggap ng cakes, flowers, long messages at kung ano-ano pang gift.
Para sa basketball player na si Marc Pingris, kakaiba at very special ang regalong kanyang natanggap sa mismong Araw ng mga Tatay.
Magkahalong gulat at saya ang naramdaman ng netizens at followers niya nang i-reveal niya sa kanyang Instagram account ang isang balita. Kasabay ng kanyang pagbati sa sarili ng “Happy Father’s Day” ay sinundan niya ito ng pasasalamat sa Panginoon dahil daw sa isang biyaya. Ni-reveal niya kasi sa post na ito na magkakaroon na sila ng 3rd baby ng asawang aktres na si Danica Sotto Pingris.
Sa post makikita ang larawan na hawak-hawak niya ang ultrasound ng kanyang misis habang background niya ito sa likod ng picture.
“Happy father’s day to me!!! Thank you Lord for another blessing! Sa lahat ng mga daddy, Happy Father’s Day po sa inyo!”
Larawan kuha mula sa Instagram account ni Marc Pingris
Sinabayan naman ang saya nilang ito ng mga pagbati mula sa kapwa malalapit nilang kaibigan at maging mga friends din sa showbiz.
Doug Kramer: Grabe!! Super congrats you guys!! Excited for you!
Andrei Felix: Congratulations brader @jeanmarc15 and madame @danicaspingris
Lizz Uy: Ohhhh wow!!!!! Congrats you guys!!!
Makikita naman sa Instagram account ni Danica Sotto na binahagi niya ang post na ito ng mister at may caption pa na, “Ty to one of my prayer warriors.” Mapapanood din sa ibang stories niya ang mga taong nagdasal at kapwa nag-aabang sa pangatlong baby nila ni Marc Pingris.
Larawan kuha mula sa Instagram account ni Marc Pingris
Samantalang sa post niya, nag-share siya ng video kung saan nakatakip ang mga kamay nilang apat sa pamilya habang unti-unting nire-reveal ang ultrasound pic niya. Ayon sa caption ni Danica, ito raw maituturing niyang answered prayer para sa kanilang pamilya at perfect lang daw ang time na binigay ito sa kanila ng panginoon,
“Thank you Lord for our answered prayer. #godsperfecttime #baby3 #glorytogod”
BASAHIN:
Danica Sotto reveals love language of her husband, Marc Pingris: “He loves being hugged, kissed.”
Chesca at Doug Kramer sa paggamit ng social media ng mga anak: “We are very much involved as parents”
Angelica Panganiban reveals gender of her first baby: “I have my mini me!”
Danica and Marc’s love story
Larawan kuha mula sa Instagram account ni Marc Pingris
Sa lagpas dekadang pagsasama ng aktres na si Danica Sotto at ang tinaguriang ‘Pinoy Sakuragi’ na si Marc Pingris, marami tuloy ang nagtatanong kung paano nga ba nagsimula ang love story ng dalawa.
Ayon sa mag-asawa una raw nagtagpo ang kanilang landas sa isang gym. Pagkukwento ni Danica Sotto, lumapit daw ang isang trainer sa kanya at sinabihan siyang may ipapakilalang lalaki after niya mag-workout kaya huwag daw mula ito aalis. Tinuro ng trainor si Marc Pingris at napasabi na lang daw si Danica ng, “Cute ah!”
Wala raw intensyon ang trainer para maging magkarelasyon sila nais lang daw nitong magkakilanlan ang dalawa. Dagdag pa ni Danica, akala niya raw hindi marunong magsalita ng Tagalog si Marc Pingris noon. Kasama pa nga raw siya noon sa nagii-stereotype na babaero ang mga basketball player.
Pagkukwento naman ni Marc Pingris, buong akala niya raw noon ay suplada ang asawa dahil parati siyang inii-snob nito.
“Di kasi namamansin noong una eh, dumadaan lang… But nung nakilala ko naman talaga mabait naman.”
Pagbabahagi pa ng ibang mga kaibigan ni Marc at Danica, dati pa raw nila napapansin ang basketball player at nagagwapuhan nga sila raw noon dito. Napansin na nga raw pa nila nung una pa lang na madalas na ito umagaw ng sulyap sa aktres.
Nagsimula raw na maging malapit ang dalawa nang tinawagan ni Marc si Danica nang isang beses ay hindi nakapunta sa gym ang aktres dahil sa nagkasakit ito. Kalaunan ay dumadalaw na rin ang basketball player sa mga taping ng aktres. Sa pagdalaw-dalaw raw nito parating may dala itong flowers at fried chicken para sa misis.
Pagbabalik-tanaw pa ni Danica sa lahat daw ng manliligaw niya ay si Marc Pingris lang ang humarap sa kaniyang tatay na si Vic Sotto. Una raw na nakuha na ni Marc ang kiliti ng pamilya nang sumama na ito sa mga outing ng pamilya Sotto.
Dalawang taon lang daw matapos ang kanilang pagkakaibigan ay naging magkarelasyon na sila. Matapos ito, ilang buwan lamang ay nag-propose na agad si Marc at nagtuloy-tuloy na ang kanilang relasyon na bagaman marami rin daw pagsubok ay maligaya silang pareho.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
Rewards
VIP Parents
