Dimples Romana nanganak at sinalubong na ang baby niyang si Elio! Ramdam na agad ng baby ni Dimples ang pagmamahal mula sa kaibigan ng tanyag na aktres.
Mababasa rito ang mga sumusunod:
- Dimples Romana nanganak na at super happy sa pagsilang ni Baby Elio
- Pag-announce ni Dimples Romana sa kaniyang pregnancy
- Baby gender reveal
Dimples Romana nanganak na at super happy sa pagsilang ni Baby Elio
Sa wakas ay nanganak na si Dimples Romana para sa kaniyang third child na si Elio.
Sa Instagram post ng beteranang aktres ay makikitang katabi na niya si Elio matapos niyang magsilang.
"I spy with my little eye. Hi, Elio. SURPRISE."
"I guess it's going to be a good goood weekend for [the family]."
Makikita sa larawan na todo ngiti si Dimples habang katabi niyang nakahiga ang kanilang baby ng kaniyang mister na si Boyet Ahmee.
Napuno naman ng pagbati ang comment section ni Dimples Romana dahil sa pagsilang ni Baby Elio.
Kasama sa mga nagpaabot ng congratulatory message kay Elio ay sina Sue Ramirez, Andrea Brillantes, Charlie Dizon at Iza Calzado.
Sue Ramirez: Our little baby Elio!!! Congratulations Ate
Iza Calzado: Congratulations to the family!!!!
Andrea Brillantes: Congratulations my Mommy Dragon!!!! See you soon Baby Elio.
Charlie Dizon: ELIOOOOOO Congrats ate and Papa.
Pag-announce ni Dimples Romana sa kaniyang pregnancy
Matatandaan na sa panayam ni DJ Chacha kay Dimples Romana noong March ay sinorpresa niya ang kaniyang mga fans. Doon kasi niya inanunsyo na siya ay buntis sa kaniyang third child. . Buong giliw din na ipinakita ni Dimples ang kaniyang baby bump sa madla.
“Ladies and gentlemen, I am expecting baby number 3! Say hello to my baby bump! Hello!”
Kuwento pa ng aktres, pakiramdam niya na kaya mas mabilis silang nagkaroon ng baby ay dahil maganda ang kalagayan ng kaniyang katawan. Pag-amin pa niya, nagulat sila ng malaman ang balitang buntis siya dahil hindi naman daw nila ito sinubukan talaga.
Noong araw rin na ito, bago pa man sumalang ang aktres sa press conference ng isang vitamins, nagbigay na rin ito ng hint sa kaniyang instagram account ukol sa kaniyang magiging biggest revelation. Narito ang kapsyon ng naging post ng aktres sa kaniyang social media:
“Just the FOUR of us. BIG ANNOUNCEMENT from our FAhmeely today! Blessing reveal.”
Saad ng aktres, na ayon pa sa kaniya ang araw na March 18, 2022 ay siyang big day para sa kanila.
“Ngayon pa lang NAIIYAK na ako. Because when I think of God’s unfailingly love and grace, I THINK OF these three. We can’t wait to share with you the NEWS.”
Sa kaparehong araw rin makikita sa kaniyang Instagram account ang sunod-sunod na litrato ng kaniyang baby bump at ilan pang kuha kasama ang kaniyang pamilya. Makikita rin sa isang post ang pagtawag niya sa kaniyang bunso bilang Baby E. Napag-alaman kalaunan na Elio ang ipapangalan niya sa kaniyang anak.
Ang Elio ay nangangahulugan na "My God is the Lord" sa French language. Ito rin ay hango kay Helios, ang God of Sun sa Greek mythology.
BASAHIN:
Dimples Romana celebrates 19th wedding anniversary with Boyet Ahmee
Joem Bascon sa pagpapakasal kay Meryll Soriano: "In time... kapag okay na ang lahat."
Chito Miranda idol si Gary V. sa pagiging tatay: "He has so much love to give."
Baby gender reveal
Matatandaan din na ipinakita ng aktres sa kaniyang YouTube channel ang gender reveal para sa kaniyang baby. Dinaluhan ito ng ilang kilalang personalidad sa showbiz gaya nina Angel Locsin, Sue Ramirez, Karina Bautista at Jerald Napoles. Sa unang bahagi ng vlog ay nagpasalamat ang aktres sa mga pumunta sa pagtitipon,
“Ang tatapang niyo, basta bukas 'pag may sumama 'yong pakiramdam, text lang kayo ha!”
Sa pagdiriwang ay nagkaroon din ng mga palaro at papremyo na siya rin namang sinalihan ng mga dumalo. Isa na rito si Jerald Napoles na siyang nanalo sa palaro kung saan ang may pinakamabilis na makaubos sa laman ng breast feeding bottle ang siyang mananalo. Biro pa ng aktor ay nag-practice pa siya para sa laro na siya namang dahilan upang matawa si Dimples Romana.
Samantala, sa may kalagitnaan naman ng vlog, ipinakita ang mag-anak sa entablado. Sa pamamagitan ng pagtusok sa isang lobo na gagawin ng asawa ni Dimples Romana na si Boyet, malalaman ang magiging kasarian ng kanilang anak. Sa pagputok ng lobo ay siya namang paglabas ng mga asul na confetti na nangangahulugang lalaki ang kanilang magiging anak.
Matapos malaman ang kasarian ng baby, agad na nagtalunan, nagsigawan at nagyakapan ang mga nagsipagdalo. Patunay na masaya at nakikidiwang sa kasiyahan ng mag-anak. Napuno ng sayawan at maging ng kantahan ang pagtitipon.