Ang pamilya ni Divine Lee at asawang si Blake Go ay nadagdagan ng bagong miyembro. Ika-1 ng Oktubre taong 2019 nang ipinanganak ang baby girl na si Blanca Dietrich Lee Go.
Buwan ng Marso ngayong taon nang ibinalita ni Divine Lee na siya ay nagbubuntis sa ikalawang anak. Ngayon, ilang ulit din na binibiro ni Divine na kamukha siya ng kanyang kuya na si Basquiat Delfin Lee Go.
Si Blanca Dietrich ang pangalawang anak ni Divine Lee
Ibinahagi ni Divine kung paano nila napili ang unique na pangalan na ito para sa kanilang baby girl.
Makikita na pareho ng initials si Basquiat (Baz) at Blanca. Pinanatili nila Blake at Divine ang pattern na ito para kay Blanca.
Ayon kay Divine, ang Blanca ay sumisimbulo sa pagiging dalisay at kalmado. Ang Dietrich ay salitang German naman na nangangahulugan na pinuno ng mga tao. Napili nila ito nuong pride month. Subalit, sila ay tumagal bago napili ang Dietrich para sa bata. Sinadya na tradisyunal na pangalan ng lalaki ang pinili ng mga magulang dahil naniniwala si Divine na walang kasarian ang panggalan.
Naging inspirasyon din nila ang feminist na si Marlene Dietrich na kilala sa mga pelikula. Binigyang papuri ni Divine ang dating aktres sa mga nagawa nito. Bukod sa kilalang artista at mang-aawit si Marlene, malaki rin ang naitulong nito pagdating sa giyera. Siya rin ay isa sa mga unang kababaihan na nagsuot ng pantalon na isang naging malaking hakbang para sa mga kababaihan. Sa katotohanan, muntik na siyang ma-aresto dahil sa pagsuot ng pantalon sa publiko.
Ipinangalan ni Divine ang kanyang anak sa aktres para ipaalala dito na walang hangganan na makakahadlang sa bata.
Emergency CS
Biglaan ang naging panganganak ni Divine kay Blanca. Kahit pa nasa term na siya para manganak, hindi nila inaasahan na mapapa-aga ito. Kanila sanang tina-target na ipanganak ang bata sa ika-10 ng Oktubre para sa petsang 10-10.
Naging biglaan man, handa si Divine sa kanyang mga kakailanganin para sa panganganak. Sa kanyang ibinahaging Instagram story, pinakita niya ang kanyang mga bilin na kailangang dalhin sa kanyang asawa. Kasama dito ang pag-charge ng camera, pag-text sa photographer, pagtawag sa stemcord, at maging pagdala ng grazing box. Natuwa rin si Divine nang si Blake na ang nagtanong kung magdadala ba siya ng make-up.
Sa Facebook post ni Divine, siya ay nagpasalamat sa kanyang OB na si Dr. Tinette Mendoza para sa madali at kumportableng panganganak. Nagpasalamat din siya sa Anaesthesiologist na si Dr. Glenn Villarin. Laking pasalamat niya na hinawakan nito ang kanyang kamay nang siya ay natatakot.
Source: Divine Lee Facebook
Basahin: Divine Lee, nag-eexpect ng baby girl!