Dominique Cojuangco hiyang sa pagiging buntis, blooming sa kaniyang latest maternity shoot.
Mababasa dito ang sumusunod:
Dominique Cojuangco blooming sa kaniyang maternity shoot
Larawan mula sa Instagram
Glowing mom-to-be, ganito kung paano isalarawan ng mga netizens si Dominique Cojuangco sa kaniyang latest maternity photoshoot. Si Dominique makikitang hiyang na hiyang sa kaniyang pagdadalang-tao at talagang angat ang kagandahan sa ngayon.
Ilang araw nalang at ipapanganak na ni Dominique ang baby nila ng mister na si Michael Hearn. At biglang paghahanda sa pagdating nito ay isinagawa ang maternity photoshoot ni Dominique na kung saan makikita ang malaki na niyang tiyan.
Sa kaniyang photoshoot blooming si Dominique sa suot niyang see-through tulle dress na may malaking ribbon na gawa ng designer na si Vania Romoff. Agaw pansin rin ang suot niyang Bvlgari Serpenti necklace na nagkakahalaga ng 8 million pesos.
Makikita rin na very excited sa kaniyang pagbubuntis ang mister niyang si Michael Hearn. Kasama niya rin ito sa nasabing photoshoot pati na siya syempre ang kanilang fur babies.
Larawan mula sa Instagram
Buhay mag-asawa nina Dominique Cojuangco at mister na si Michael Hearn
View this post on Instagram
Marso ng nakaraang taon ng maikasal sina Dominique Cojuangco at mister nitong si Michael Hearn. Ang kanilang kasal dinaluhan ng mga socialites at mga artista kabilang na sina Sofia Andres at Ria Atayde. Syempre present rin sa kasal ni Dominique ang inang si Gretchen Barretto na makikitang naiyak sa kasal ng kaniyang anak. Ito ay makikita sa wedding video na ibinahagi ni Dominique nitong nakaraang buwan biglang pagdiriwang sa wedding anniversary nilang mag-asawa.
Walong buwan matapos maikasal ay ibinahagi ni Dominique na siya ay nagdadalang-tao sa unang anak nila ng mister niyang si Michael. Limitado ang mga impormasyong ibinabahagi ni Dominique tungkol sa kaniyang pagdadalang-tao pati na sa kaniyang pamilya. Pero base sa isa sa kaniyang latest Instagram post ay present lagi para sa kaniya ang inang si Gretchen Barretto.
Larawan mula sa Instagram account ni Dominique Cojuangco
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
