Effective ba talaga ang pag-inom ng Probiotic drinks?

Siguradong palagi mong naririnig ang benepisyo ng pag-inom ng Probiotic drinks. Bukod sa pagiging refreshing na flavored drink, mapapayos pa nito ang takbo ng ating sikmura. Kaya naman siguradong nasubukan mo na rin kung talagang effective nga ang pag-inom ng mga Probiotic drinks. 

Ngunit, isa ka rin ba sa mga uminom nito at napasabi ng, “Parang wala namang nangyari, effective ba talaga ito?” Pwes, hindi ka nag-iisa. Sa dinami-dami ng mga nagtanong, narito ang magpapalinaw ng isip mo sa kung ano nga ba talaga ang dapat na mangyari kapag kumain o uminom ka ng mga bagay na mayaman sa Probiotics. 

Ano ba ang ginagawa ng Probiotics?

Sa katawan natin, mayroong “bad bacteria”, at mayroong “good bacteria”. Alam na natin na kapag masyadong maraming bad bacteria ang ating katawan, mas prone tayo sa komplikasyon at sakit. 

Dito ngayon papasok ang good bacteria o ang probiotics. Ang mga ito ay tumutulong na i-balance ang bilang ng good at bad bacteria para tayo ay makaiwas sa mga sakit. At dahil malaki ang epekto ng kalusugan ng ating tiyan sa ating pangkabuoang immune system, importante ang pagkakaroon ng healthy diet. 

Pero kung walang Prebiotic Fiber, wala ring silbi ang Probiotics!

Para iyong lubusang maunawaan, isipin mo na ang Probiotics ay parang mga sundalo sa ating tiyan na nagpapanatiling maayos ang ating digestive system. Dahil halu-halo na ang kinakain natin sa araw-araw, pinapanatili ng mga Probiotics ang malinis at maayos na kapaligiran sa ating tiyan

Ngunit kung walang Prebiotic Fibers, para silang mga sundalong hindi nakakain. Ang Prebiotic Fiber ay isang plant-based food na kinakain ng Probiotics para sila ay mas magtagal sa kabila ng harsh environment ng mga tiyan natin. 

Sa madaling salita, hindi magtatagal ang mga sundalong ito – o ang Probiotics, kung wala silang kagamitan – o Prebiotics. Hindi rin nila lubusang makakatulong sa pag absorb ng nutrients na kinakailangan ng iyong katawan dahil wala silang equipment para gawin ito.

Kaya sa susunod na bibili ka ng Probiotic drink siguraduhing hanapin ang Symbiotic combination ng Pre + Pro. Tandaan na ang Pre + Pro ay magkaagapay laban sa mga “bad bacteria” para mapanatiling healthy ang iyong digestive system.

Anong magandang source ng Prebiotics?

Para matulungan ang iniinom mong Probiotic drink, dapat mo ito sabayan ng mga pagkain o inuming mayaman sa Prebiotics. Ang ilan rito ay maaaring ipansahog sa ulam o kaya naman ay kainin o inumin nang mag-isa.

• Bawang

Bukod sa ibang health benefits nito kagaya ng pagiging antioxidant at pampababa ng risk sa pagkakaroon ng sakit sa puso, nakakatulong rin siya sa ating digestive system. Tumutulong ito sa pagpapadami ng Bifidobacteria — isang uri ng Probiotic sa ating tiyan.

• Sibuyas

Ang pagsama ng sibuyas sa ating pagkain ay nakakatulong rin sa digestive system. Ito ay mayaman sa inulin na nagpapalakas sa ating gut health at FOS na isang uri ng Prebiotic. 

• Dahon ng sibuyas

Kagaya ng sibuyas, mayaman din ito sa inulin fiber. Pero bukod sa kanyang benepisyo pagdating sa ating digestive system, mayaman rin ito sa Vitamin K. Nagdadagdag pa ito ng masarap na lasa sa ulam ng buong pamilya! 

• Saging

Alam na nating maganda ito para sa puso. Ngunit bukod dito, may Prebiotic function rin ito na nakakabawas ng pagiging bloated at tumutulong sa paglago ng good bacteria sa tiyan.

• Oats

Bukod sa fiber, maari rin makatulong ang pagkain ng oats sa mga Probiotics na nasa tiyan natin. Kaya naman ugaliing kumain ng oatmeal tuwing umaga upang mas palakasin ang healthy bacteria sa ating tiyan.

• Mansanas

Kagaya ng Oats at saging, mayaman din ito sa fiber na tumutulong sa ating digestive tract. Ang mansanas ay naglalaman rin ng Pectin na nagsisilbing Prebiotic upang tulungan ang mga probiotics na labanan ang pagdami ng bad bacteria sa tiyan. 

• Probiotic drinks

Tandaan, hindi lahat ng Probiotic drinks ay may Prebiotic Fibers. Kaya kadalasan, kailangan mo parin itong sabayan ng inumin o pagkaing mayaman sa Prebiotics. Buti nalang, ang Dutch Mill Delight ay may DUO ACTIVE combination ng Probiotics at Prebiotic Fibers. Kaya naman kahit ito lang ang inumin mo, talaga namang kuha mo na ang sustansyang kinakailangan para sa healthy digestion araw-araw