Elisse Joson at McCoy de Leon panghabang buhay na ang relasyon ayon kay McCoy.
Mababasa sa artikulong ito:
- Update kanila Elisse Joson at McCoy de Leon.
- Love story ni McCoy at Elisse.
McCoy de Leon on marrying Elisse Joson: “Dinedirekta ko siya na maging asawa ko balang araw.”
Isa sa mga nakakatuwa at nakakahangang magkarelasyon sa mundo ng showbizness ngayon ay ang dating PBB housemates na sina McCoy de Leon at Elisse Joson.
Ito ay dahil hindi sila nahihiyang ipakita sa mundo ang pagmamahal nila sa isa’t isa. At mararamdaman talagang totoo o genuine ang ipinapakita nila.
Mas nadagdagan pa nga ang love sa kanila ng kanilang mga Filipino fans nang ipakilala nila ang anak nilang si Felize. Matatandaang ito ay ginawa ni McCoy at Elisse noong Oktubre.
Ito ay sa pamamagitan ng programang Pinoy Big Brother na kung saan personal nilang inimbita si Big Brother na maging ninong ng cute nilang anak na si Felize.
Mula noon ay sunod-sunod na ang post ni Elisse at McCoy sa social media kasama ang anak nila. Mas naging hayag at sweet nga rin ang mga mensahe nila sa isa’t isa.
Tulad na lang sa isang mensahe ni McCoy para kay Elisse at anak niyang si Felize sa Instagram na kung saan tinukoy niya si Elisse bilang kaniyang asawa.
“At sa aking mag ina, Hindi man ako perpekto bilang ama o asawa pero gagawin kong perpekto ang pagmamahal ko para sa inyo.”
Ito ang linyang sinabi noon ni McCoy.
Matapos ang post niyang ito ay marami ang nagtanong, kasal na ba sina McCoy at Elisse? At isa rin ba ito sa pinili nilang itago muna sa publiko tulad ng naging pagbubuntis ni Elisse kay baby Felize.
Sa YouTube channel ng batikang host na si Boy Abunda kamakailan lang ay binigyang linaw ng dalawa ang usaping ito. Ayon kay McCoy sa ngayon ay hindi pa sila kasal ni Elisse pero lagi niya lang ina-assure dito na mangyayari ito soon. At si Elisse na ang pinili niyang makasama habang nabubuhay siya.
“Ngayon, gusto ko siyang i-assure, dinedirekta ko siya na maging asawa ko balang araw. Kasama ko na siya, siya na ‘yong partner ko habang-buhay. Soon naman yun.”
Ito ang nasabi ni McCoy tungkol sa pagpapakasal kay Elisse at sa pagiging maging ganap nitong asawa.
BASAHIN:
Elisse Joson: Imbis na “Mama,” ito ang naging first word ni Baby Felize
Elisse Joson, ibinahagi ang naging reaction ng kaniyang ina nang malaman na buntis siya
McCoy de Leon ng malamang buntis si Elisse: “Buong-buong sa isip ko na gusto kong makita, gusto kong buhayin.”
Dahilan ng paghihiwalay ni Elisse Joson at McCoy de Leon
Image from Elisse Joson’s Instagram account
Sa parehong interview ay ipinaliwanag rin nina McCoy at Elisse kung bakit pinili nilang itago noon ang pagbubuntis kay Felize. Ito ay dahil sa takot hindi para sa kanilang sarili. Kung hindi sa mga sasabihin ng mga tao na ayaw nilang makita at malaman ng anak balang-araw.
“Natakot hindi dahil para sa amin, natakot kami para sa anak namin dahil laging may masasabi ang tao.”
Ito ang sabi pa ni McCoy. Pero sa ngayon, ayon pa rin kay McCoy ang takot na ito ay wala na. Dahil mula ng ipinakilala nila si Felize sa publiko ay mas lalo nilang naramdaman ang pagmamahal sa kanila ng mga Pilipino.
“Ngayon masaya natutuwa, ‘yong takot namin ngayon wala na,” sabi pa ni McCoy.
Sa parehong interview ay ibinahagi rin ni McCoy at Elisse ang mga naging isyu sa relasyon nila noon na naging dahilan ng kanilang paghihiwalay.
Matatandaang 2019 ng mabalitang nag-break na sina McCoy at Elisse. Sila ay nagkabalikang-muli matapos ang isang taon na wala umanong pansinan at komunikasyon.
Paglilinaw nila ngayon, walang 3rd party sa kanilang naging paghihiwalay. Bagama’t may mga isyu sila noon sa kanilang mga sarili na naayos na nila ngayon.
“Kaming dalawa mismo hindi nagkakaintindihan, nakinig kami sa mga negative na sabi-sabi sa amin.”
Ito ang sabi Elisse. Dagdag niya pa, noon ay kinukuwestyon niya rin daw kung totoo ba ang mga ipinapakita ni McCoy noon sa kaniya.
“Naging isyu sa akin na totoo ba ‘yong pinapakita niya kasi nga we were together, we are a love team. ‘Yong pag-popost, how do I know if its genuine and if its sincere.”
Pero sa ngayon, ayon pa rin kay Elisse at McCoy ang lahat sa pagitan nila ay maayos na. Ito ay dahil sa pagdaan ng panahon ay mas naging mature sila at mas nakilala nila ang isa’t isa.
Image from Elisse Joson’s Instagram account
Source:
YouTube
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
