Ellen Adarna to basher: "Dalaga or not, people need a break."

Walang takot na sinagot ni Ellen Adarna ang komento sa kaniyang litrato ng isang basher. Ayon sa celebrity mom, lahat ay may karapatang magpahinga.

Bakita nga ba niya ito nasabi?

Ellen Adarna to basher: “Dalaga or not, people need a break.”

Kasalukuyang nasa Cebu ang celebrity mom na si Ellen Adarna. Halos tatlong taon na itong naka-break sa showbiz ngunit makikitang active na active ito kaniyang social media accounts katulad ng Instagram.

Ibinahagi nito ang mga litrato kung saan siya ay nagsu-swimming, nagyo-yoga at iba pa. Safe naman ito dahil ang pinuntahan nilang Temple of Lea sa Cebu ay pagmamay-ari ng kanilang pamilya.

Ngunit isang netizen ang nag-iwan ng komento sa kaniyang mga litrato na “Dalaga ghorl? Ka lagan ba.” Ito’y may translation na “Dalaga ghorl? Ang gala.”

Hindi nagustuhan ng aktres at matapang niyang ipinagtanggol ang kaniyang sarili. Ayon sa kaniya, kailangan ng break o pahinga ng mga tao dalaga man ito o hindi.

“Bakit ghorl na parang boy, or boy na parang ‘ghorl’ (di ko alam paano ka i-address kasi nalilito ako kung babae ka ba or lalaki). First, this is my life. And 2nd, dalaga or not, people need a break. ‘Wag mo masyado ipahalata ang pagka-ignorante mo ghorl na mukhang boy… hindi maganda.”

Matagal na rin na hindi nakikita sa telebisyon ang aktres. Ayon sa interview nito dati, wala pa siyang planong bumalik ulit sa showbiz dahil gusto niyang makasama sa unang mga taon ang kaniyang panganay na anak sa sikat na aktor na si John Lloyd Cruz. “I’m a very hands-on mom.” ito ang paglalarawan niya sa kaniyang sarili.

Pagod na si mommy: Ano ang dapat gawin?

May pagkakataon talaga na minsan ay pakiramdam natin ay power mommy tayo. Nandyan ang pag multi-task sa iba’t ibang gawain katulad ng pagluluto, paglilinis, parenting, paglalaba, pamamalengke at iba pa. Ang mga gawain na atang ito ay nasa istorya na ng bawat nanay.

Ngunit habang tumatagal, hindi natin namamalayan na hindi na tayo excited paggising sa umaga. Nakakalimutan at wala nang energy sa paggawa ng mga gawaing bahay kahit na ito ay simple lang. Ang pagtulog ay mas nakaka-engganyo na kaysa sa paggising kinabukasan. Parang may mali ‘di ba?

Paano ma-overcome ang mommy burnout?

Isa senyales na burnout na si mommy ay nakakaramdam na agad sila pagkapagod bago pa lamang magsimula ang araw nila. Hirap silang umalis sa kanilang higaan at ang 24 hours para sa kanila ay sobrang haba na. Kung ikaw ay napapagod na mentally o physically, kailangan mong pagtuunan na ito ng pansin.

1. Relax, relax, relax!

Ang relaxation ay isang term para ma-overcome ang stress. ‘Just relax’ ang laging naririnig natin sa mga kaibigan natin para mawala ang tensyon na nararamdaman natin. Bukod dito, kailangan nating maging seryoso sa katagang ito para naman maranasan natin ang totoong meaning ng ‘relaxation’. Marami ang relaxation remedies, therapies, o serbisyong ino-offer para marelax ang isang tao.

2. Palakasin ang daily routine

Maaaring sabihin mong ito ay imposible. Pero kailangan mong maniwala na ito ay posible at mging open sa iba pang possibilities katulad nang pagkakaroon ng balanseng life. Mayroong maraming resources na makakatulong sa ‘yo para makapagsimulang mag-organize ng healthy routine.

3. Ilayo ang sarili sa devices

Puwede mo ring isipin na ito ay imposible. Pero ang paglayo sa sarili sa mga device at makakapagdulot sa ‘yo ng maginhawang buhay. Makakatulong ito para magkaroon ng connection sa iyong pamilya, sa iyong araw pati na rin sa mga tasks.

4. Delegate

Minsan, ang mga nanay ay nagkakaroon ng madaliang desisyon kung saan ginagawa nila ito ng sarili lamang nila. Hindi nila alam na nasasawalang bahala nila ang ability ng kanilang asawa, anak o suport person sa bahay.

Kaya naman kailangan mong bumuo ng komunikasyon, teamwork at confidence sa pagsi-share ng mga task sa loob ng bahay. Mapapadali rin nito ang buhay ni mommy.

Source:

ABS-CBN

BASAHIN:

5 rason kung bakit parating pagod ang mga nanay

Napapagod ka na ba maging ina? Ito ang dapat mong malaman

LOOK: Andi Eigenmann, ibinahagi ang secret sa kaniyang pagiging fit habang buntis