Epekto ng panonood ng porn sa isang relasyon ayon sa mga pag-aaral

Epekto ng panonood ng porn sa isang relasyon naka-depende umano sa magka-relasyon o mag-asawa.

Maraming pag-aaral na ang isinagawa upang maipaliwanag ang epekto ng panonood ng porn sa isang relasyon. Iba-iba man ang lumabas na resulta sa mga ginawang pag-aaral, isa lang ang sigurado ng mga eksperto. Walang masama sa panonood na porn. At ang epekto nito sa isang relasyon ay naka-depende sa mag-partner na nagpapatakbo ng relasyon.

Negatibong epekto ng panonood ng porn sa isang relasyon

Nag-bubuo ito ng unrealistic o fantasy portrait sa sexual relationship ng mag-partner

Ayon sa isang pag-aaral na pinangunahan ng Canadian psychologist na si Marie-Pier Vaillancourt-Morel, isa sa epekto ng panonood ng porn sa isang relasyon ay ang nagbubuo ito ng unrealistic o fantasy portrait pagdating sa pakikipagtalik. Ito ay dahil iniisip ng isa sa magka-relasyon na nanonood nito na ang kaniyang nakikita ay ideal o dapat niyang tularan. Sa iba ay may negatibong epekto ito, lalo na sa mga mag-partner na kung saan ang isa sa kanila ay hindi payag o komportable na tularan ang napapanood sa porn.

Dagdag pa ng pag-aaral, nagiging less attractive rin para sa taong nanonood ng porn ang kaniyang ka-partner. Ito ay dahil naikukumpara niya ito sa mga porn stars na kaniyang napapanood na nagiging dahilan upang makaramdam ng insecurity ang kaniyang karelasyon. Ang insecurity at discomfort na ito ay nagiging simula ng hindi nila pagkakaintindihan at maaring mauwi sa hiwalayan kung mapabayaan.

Tumataas ang tiyansa ng magloko o maghanap ng iba ang isa sa magkarelasyon

Dahil sa nakikita ng isa sa magka-relasyon na ideal ang napapanood niya sa porn at hindi ito kayang ibigay ng kaniyang asawa o partner ay hahanapin niya ito sa iba. Dito nagsisimula ang panloloko o pagkakaroon ng 3^rd party isa isang relasyon.

Mabuting epekto ng panonood ng porn sa isang relasyon

Nagiging source of information ito ng magkarelasyon patungkol sa sex o pakikipagtalik

Taliwas naman rito ang natuklasan ng isang pag-aaral na inilathala sa Archives of Sexual Behavior. Ayon sa nasabing pag-aaral, ang panonood ng porn ay good source of information ng magka-relasyon pagdating sa sex o pakikipagtalik. Dahilan upang mas maging exciting pa ang kanilang pagsasama.

Nagiging alternative outlet ito sa oras na hindi available o wala sa mood makipagtalik ang isa sa magka-partner

Mas nagiging matatag pa umano ang isang relasyon dahil sa panonood ng porn. Dahil sa ito ay nagiging alternative outlet ng isa sa magka-relasyon sa oras na hindi available o wala sa mood na makipagtalik ang kaniyang partner. Mas mabuti ito kaysa humanap siya ng iba na makakapag-satisfy ng saglit sa kaniya.

Mas nagiging open ang magka-partner sa usaping sex.

Ayon pa rin sa pag-aaral ay mas nagiging open rin ang magka-partner tungkol sa usaping sex dahil sa panonood ng porn. Kaya naman mas lumalalim ang kanilang pagkakaintindihan at mas tumitibay pa ang kanilang pagsasama.

Pahayag ng mga eksperto

Ayon kay David Ludden, isang professor of psychology sa Georgia Gwinnett College, ang epekto ng panonood ng porn sa isang relasyon ay nakadepende sa attitude ng mag-partner tungkol rito. Kung ito ay nagdudulot ng negative feelings sa magkarelasyon, mataas ang tiyansa na negatibo rin ang epekto nito sa kanilang pagsasama. Ngunit kung ang magka-partner ay may healthy attitudes tungkol rito ay mataas naman ang tiyansa na mas patibayin pa nito ang kanilang relasyon.

“If you already believe porn to be evil, you’ll likely suffer guilt and remorse over your own use. As well as feelings of anger and betrayal over finding your partner using it. But if you have open and healthy attitudes about your own and your partner’s sexuality, then you’re likely to use porn in ways that enhance your relationship with your significant other.”

Ito ang pahayag ni Ludden.

Maging open at makipag-usap sa iyong partner tungkol rito

Para naman sa psychologist at sex therapist na si Janet Brito, hindi masama o mabuti ang porn. Ngunit kung ito ay nakakaapekto na sa relasyon ay dapat mag-usap na ng masinsinan ang mag-partner tungkol rito.

“Porn is neither good nor bad. However, if it’s causing emotional distress for you or your relationship, interfering with your daily functioning, then it is a good idea to examine your relationship to porn and what function it serves for you.”

Ito ang pahayag ni Brito. Ayon sa kaniya, ang pagkakaroon lang ng maayos na komunikasyon ang paraan upang maiwasan ng magka-partner na magkaroon ng problema sa panonood ng porn. Kailangan lang nilang maging tapat at open sa isa’t isa. Sa ganitong paraan ay masasabi nila ang kanilang nais tungkol sa pakikipagtalik at kanilang pagsasama. At maa-address ang mga issue o problema na kinakaharap ng relasyon nila.

Source:

MBG Relationships, Psychology Today

BASAHIN:

Ito ang dahilan kung bakit ayaw nating manood ng porn si mister