Kahapon lamang ay pormal nang isinabatas ang Expanded Maternity Leave Law sa ating bansa. Ngunit pagdating sa mga detalye at mga expanded maternity leave facts, ay hindi pa rin ito alam ng karamihan ng mga magulang.
Kaya’t gumawa kami ng isang simpleng guide na sinasagot ang mga karaniwang katanungan tungkol sa batas na ito. Siguradong malaki ang maitutulong nito sa mga magulang upang maging mas malinaw ang sakop ng batas, at kung anu-ano ang mga
Expanded maternity leave facts na dapat malaman ng mga magulang
Bakit ginawa ang batas na ito?
Alam niyo ba na noong 2007 pa lamang ay gumawa na ng draft ang grupong GABRIELA para sa batas na ito. Ngunit matagal bago ito nagawang batas dahil masusing pinag-aralan ang magiging impact nito hindi lang sa mga magulang, ngunit para na rin sa mga negosyo.
Bago magawa ang batas, ay nasa 60 days lamang ang maternity leave ng mga ina. Ito ay lubhang napaka-igsing panahon upang mag-alaga ng anak para sa mga working moms. Bukod dito, kung ikukumpara sa ibang bansa, labis na kulelat ang Pilipinas pagdating sa haba ng maternity leave.
Kaya ginawa ang batas na ito upang makatulong sa mga ina, at mga pamilya. Malaking bagay na ang pagpapalawig ng maternity leave, dahil mas matututukan ng mga ina ang anak nila. Kung kinakailangan, makakahanap rin sila ng tagapag-alaga sa kanilang sanggol dahil sa mas mahabang maternity leave.
Sino ang mga makikinabang?
Ang mga pangunahing makikinabang sa batas na ito ay ang mga working moms. Sakop nito ang lahat ng mga ina na nasa gobyerno man, o kaya ay nasa private sector. Kahit mga solo parents ay sakop rin ng batas na ito, kaya’t marami ang natuwa na napirmahan ito ng ating pangulo.
Mapa-natural man o cesarean delivery, ay parehas na covered sa ilalim ng expanded maternity leave. Kaya’t walang dapat ipag-alala ang mga ina pagdating dito.
Anu-ano ang mga probisyon ng batas na ito?
Sa ilalim ng Expanded Maternity Leave Law, papalawigin ang kasaluguyang maternity leave mula 60 days hanggang 105 days na paid leave. Bukod dito, puwedeng magkaroon ng karagdagang 15 days na leave ang mga single parents. Kung nais rin ng mga ina, puwede silang magdagdag pa ng 30 days sa kanilang leave, ngunit hindi na ito paid leave.
Maaari ring ilipat ng mga ina ang 7 araw sa kanilang leave para sa paternity leave ng ama ng bata. Ayon sa batas, hindi kinakailangang kasal ang mga magulang upang makuha ang benepisyong ito.
Upang makuha ang benepisyong ito, kinakailangan na kapapanganak lamang ng ina, at bago pa siya manganak ay nagbigay ng due date sa kaniyang employer. Para sa mga nasa private sector, kinakailangan rin na nakapagbayad sila ng at least 3 buwang kontribusyon sa SSS 12 buwan bago manganak.
Kinakailangan din na magbayad ang iyong employer sa loob ng 30 days matapos ka mag-file ng leave. Ito naman ay babayaran ng SSS sa iyong employer. Kaya’t mahalaga sa mga nasa private sector ang tuloy-tuloy na pagbabayad ng SSS contributions.
Sa ilalim rin ng batas na ito, hindi puwedeng basta-bastang masisante ang inang nanganak. Protektado sila ng batas, at karapatan ng mga ina ang lubus-lubusin ang buong duration ng kanilang maternity leave kung kinakailangan.
Magkakaroon rin ng penalty ang mga employers na ayaw bigyan ng sapat na maternity leave ang kanilang mga empleyado.
Kaya’t kung nais ng mga nanay na sagarin ang 105 days na leave, at magdagdag pa ng 30 days na unpaid leave, puwede nila itong gawin. Hindi nila kailangan mag-alala na baka sila ay masisante o kaya hindi na makabalik sa kanilang mga trabaho matapos manganak.
Kailan ito magiging epektibo?
Ang isa pang karaniwang tanong ng mga magulang ay kung kailan magiging epektibo ang bagong batas na ito. Magkakaroon ito ng epekto 15 araw matapos mailathala sa Official Gazette, na journal ng gobyerno. Bukod dito, maisasabatas na rin ito kapag nailathala sa 2 diyaro na mayroong national publication.
Kapag epektibo na ang Expanded Maternity Leave Law, ay magkakaroon kami ng update dito sa theAsianparent Philippines.
Sources: Philstar, ABS-CBN News
Basahin: Extended maternity leave, puwede nang makuha ng mga working moms