Marami na ngayon ang may ways to earn kahit sila ay bata pa lamang. Kaya naman dagdag responsibilidad sa mga parents na maturuan sila sa tamang paghawak ng pera. Isa ka ba sa mga magulang na gusto turuan ang anak ng financial literacy habang bata pa?
Mga mababasa sa artikulong ito:
- Paano turuan humawak ng pera ang anak? 5 tips para sa mga parents
- Tips upang mamanage nang maayos ang budget ng pamilya
Tips para maturuan ng financial literacy ang mga bata
Larawan kuha mula sa Pexels
Pabago-bago ang economy as the days go by. Malamang sa malamang, sa mga susunod na panahon ay maaapektuhan na nang lubos ang kids sa pagbabago na ito. Maiintindihan na nila ang discussion sa pamilya about finances. Mamomroblema na rin sila sa tuwing may problema sa bahay sa pera. Habang bata pa, magandang maging practice ng parents ang pagtuturo ng financial literacy sa kanilang anak. Magiging helpful kasi sa kanila ito later on in life.
Para matulungan ang parents dito, narito ang aming tips para sa inyo:
Larawan kuha mula sa Pexels
1. Humanap ng mga organizations na nagtuturo about financial literacy
Sa panahon ngayon ng modern world, gadgets na hawak ng mga bata at lagi na rin silang naka-log in sa social media. Maaaring i-follow sa kanilang accounts ang mga influencers maging organization na established na ang financial status. May mga pagkakataon kasing nagbibigay sila ng advice at tips on how to achieve these things.
Sa ganitong paraan, habang naeentertain sila sa social media ay natututo na rin. Beware lang din sa mga influencers na madalas fake at nangii-scam ng content para sa viewers. Piliin iyong trusted at well-known na ang name when it comes to financial aspects.
2. I-encourage silang mag-focus sa mga needs at hindi puro sa wants
Pagdating ng panahon, maiisipan din ng anak mo na bumili ng accessories at iba pang luho na ikinatutuwa niya. Ayos lang din naman ito kung minsan dahil nabibigyan sila ng chance maging masaya. Sa kabilang banda, kinakailangan din i-encourage ng parents na dapat mas mag-focus sa essentials tulad ng food at iba pang needs ng tao kung gagastos. Kung hindi kasi pipigilan ay maaaring maging practice na nila ito kalaunan.
Ipaalala sa kanilang ang sobra-sobrang gastos sa luxury items ay malaking sayang sa pera. Mas maganda i-invest na lang ito sa mga mas helpful pang bagay.
3. Ipaliwanag ang mga news about economy sa kanila
Educate and discuss news to them. Kung sila ay natatakot at naguguluhan, mas magandang time ito para makausap sila at ipaliwanag ang nangayayari lalo kung ito ay usapin ng economy. Ang topics about inflation, recession, interest rates, at iba pang news about finance ay dapat nae-explain sa bata.
Ipaliwanag ito base sa capacity nilang maka-absorb ng information. Unti-unti at step by step ay mauunawaan nila ito.
4. Isama sila sa financial planning
Maganda rin na i-expose sila sa mga financial planning nang magkasama. Magjoin kayo both sa group of people sa community na nagpapaliwanag tungkol sa pera. Hayaan siyang maglearn hindi lang mula sa inyong parents kundi maging sa organizers at speakers na nagpapaliwanag about literacy ng finance.
Pwede rin itong simulan sa bahay pa lamang. Ipakita sa kanila kung paano niyo binibudget ang pera sa tahanan. Ituro kung paano kayo nag-aalocate ng funds sa lahat ng bills at essential na gastusin ng bahay.
5. Suportahan sila kung gusto nilang magtrabaho na kaagad
May mga pagkakataong maiisip ng anak mong magtrabaho na kaagad upang kumita ng sariling pera. Let them be. Ang magandang gawin mo dito ay suportahan sila. Sa ganitong paraan kasi ay magsisimula na silang makapag-ipon ng sarili nilang pera at makabuo ng mga financial decisions independently.
Bukod sa financial knowledge, maaari rin nilang matutunan kung paano na gumagana ang environment sa workplace. Ngunit dapat siguruhin na angkop sa batas kung sila ay magtatrabaho agad.
Tips upang ma-manage nang maayos ang budget ng pamilya
Larawan kuha mula sa Pexels
Hindi mo maituturo sa anak mo ang financial literacy kung hindi naman namamanage ang budget ng pamilya. Para naman matulungan dito narito ang ilang tips na maaaring gawin:
- Gumawa ng financial calendar kung saan naroon lahat ng bayarin.
- Maglaan lamang ng 30% sa budget for lifestyle spending.
- Mag-set ng financial goals ng pamilya including savings.
- Unahin sa pagbabaudget ang necessities tulad ng food, bills, water, clothes, bahay at iba upang kailangan ng pamilya upang mabuhay.
- Iwasang umutang upang hindi mabaon sa interest rate.
- Mag-save ng pera for retirement.
- I-practice ang self-control.
- Educate yourself and attend financial seminars.
- I-monitor kung saan nga ba napupunta ang pera niyo.
- Magtabi para sa emergency fund.
- Health is wealth, kaya dapat pangalagaan ang katawan.