2-year-old boy naimpeksyon ng flesh-eating bacteria, kailangang putulin ang isang paa

Nadali ng flesh eating bacteria ang isang bata sa China. Pagkauwi galing sa palengke at bigla na lamang itong nilagnat at namaga ang paa.

Isang hindi inaasahang pangyayari ang naranasan ng isang 2-year-old na bata. Isinama lang ng kaniyang lola sa palengke at nang umuwi ay nagkaroon na ng lagnat at namaga ang kanang paa. Ayon sa doktor, naimpeksyon ito ng flesh eating bacteria!

Nilagnat, namaga ang paa at nangitim ang mga kuko ng bata!

Ikinabigla ng kaniyang lola at mga magulang ang nangyari kay Chen, isang 2-year-old boy sa Zhuhai, Guangdong Province, sa China.

Sumama raw sa kaniyang lola sa palengke ang bata para mamili ng pagkain. Habang namamalengke ay nakakita ang bata ng isda at sinabi sa lola na bumili nito. Agad namang binili ng matanda ang sariwang isda.

Image by freepik

Sa kanilang pag-uwi, ipinabitbit niya sa kaniyang apo ang bag na pinaglagyan ng isda.

Nang makauwi sa bahay ay bigla na lang daw nilagnat ang batang si Chen. At unti-unting namaga ang kanang paa nito. Nangitim din ang mga kuko nito sa paa.

Agad namang dinala ng kaniyang ama ang bata sa ospital nang makita ang hindi magandang kondisyon na sinapit nito.

Image by jcomp on Freepik

Flesh eating bacteria sanhi kung bakit kailangang putulin ang paa ng bata

Kinailangang i-admit sa Intensive Care Unit (ICU) ang bata. At ayon sa diagnosis ng doktor na tumingin dito ay naimpeksyon daw ito ng flesh eating bacteria na vibrio vulnificus.

Posible umanong aksidenteng nahawakan ng bata ang patay na isda habang buhat nito ang bag na naglalaman ng isda. Ito ang posibleng dahilan kung bakit na-impeksyon ito ng flesh eating bacteria.

Image by rawpixel.com on Freepik

Ayon pa sa doktor, hindi maganda ang kondisyon ng bata at maaaring kailanganing putulin ang kanang paa nito para mailigtas ang buhay ng bata.

Labis ang dalamhati ng ama ng bata na napag-alaman na single dad pala. Sinisisi nito ang kaniyang sarili dahil hindi niya umano naalagaan nang maayos ang anak. Samantala, ang lola ni Chen ay patuloy ang panalangin na maging ligtas ssana ang kaniyang apo sa hindi inaasahang pangyayaring ito.

theAsianParent Thailand

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Jobelle Macayan

Maging Contributor

Filipinoimpeksyonflesh-eating bacteriaflesh eating diseaseimpeksyon sa paalagnat sa batasakit ng batapamamaga ng paa ng bata

Inirekumendang kwento