“From Ma’am to full-time mom “
Minsan namimiss ko din magsuot corporate attire, mag-interview ng napakadami during job fairs, magsalita ng halos isang araw kaka-orient sa mga applicant, tambak na paper works araw-araw, sumagot ng mga tawag kahit nasa bahay na.
Oo, nakakamiss talaga minsan gusto ko bumalik. Pero mayroon talagang nagho-hold back sa akin. Ito ‘yung mga masayang ngiti ng anak ko kapag kasama niya ako.
Ngayon kahit hindi man ako nakaayos araw araw sa mata ng anak ko maganda pa rin ako. Hindi ko na kailangan mag-interview kasi araw araw may madaldal na ako kinakausap. Kahit kami lang talaga ang nagkakaintindihan.
Hindi man tambak na paper works, tambak na household chores naman. Ngayon magsasawa ako sa minuminuto na tumatawag sakin ng “Mama! Mama!”
Dear anak,
Madami ang nagbago ng dumating ka anak pero okay lang minsan ka lang maging bata. Ang trabaho naririyan lang ‘yan makakapaghintay. Pero ‘yung makita ko ang paglaki mo at nasa tabi mo ako ay hindi ko na mababalikan. Kaya andito lang ako hangang kailangan mo pa ako. Sorry kung minsan nami-miss ko pero ikaw pa rin ang pipiliin ko.
Minsan mahirap talaga magdesisyon kung ano ang dapat piliin kung magbabalik trabaho tayo o mag-aalaga na lang tayo ng anak.
Larawan mula sa People photo created by jcomp – www.freepik.com
May advantage din naman ang pagiging stay at home mom. Kagaya ng naandyan ka palagi kapag kailangan ka ng anak mo. Pero mayroon din naman oras na feeling mo na trap ka na at wala ka na oras para sa sarili mo. Dadagdag pa iyong kuwekuwetsunin ang pagpapalaki mo sa iyong anak.
Okay lang ‘yan normal lang lahat ‘yan nararanasan natin lahat. Minsan nakaka-burn ou,t minsan mapapaisip ka na lang paulit-ulit na lang ang ginagawa natin.
READ MORE:
REAL STORIES: tim”I did not lose myself in Motherhood, I found myself”
1. Take a break and have some rest.
Ang trabaho sa bahay walang katapusan, ‘yung gagawin mo ngayon gagawin mo rin bukas. Okay lang kung hindi mo matapos lahat.
Kailangan mo rin magpahinga at magkaroon ng sapat na tulog dahil nakakaapekto rin ito sa mood mo.
2. Always have your ME time.
Kahit isang oras sa isang araw bigyan mo ang sarili mo ng ME time. Uminom ng mainit na kape, manood ng paborito mo na kdramas/movies, long shower, magbasa or kung ano man ang hilig mo.
Larawan mula sa People photo created by senivpetro – www.freepik.com
3. Support group/Friends.
Keep in touch pa rin sa mga friends mo or sa mga mommy support group kailangan mo sila. Kailangan mo ng kausap ‘yung makakaintindi sa sitwasyon mo at sa iyo rin.
4. Explore.
Huwag mong iisipin na full-time mom ka na lang nasa bahay ka na lang. Kung ‘yan ang palagi mong iisipin maii-stress ka lang at ‘yun lang talaga ang mangyayari.
Hanapin mo ang hilig mo mag-bake ka, mag-online selling ka, mag-vlog ka, magsulat ka. Hanapin mo hangang sa makita mo ‘yung gusto mo at dumating ‘yung point na sasabihin mo na ay magaling pala ako rito. Malay mo nag-e-enjoy ka na kumikita ka pa.
5. Always think that you are one of a kind.
Lahat ng nanay magkakaiba at hindi lahat ng nakikita natin sa social media ay basihan ng pagiging mabuting ina. Hindi lahat pare-pareho magkakaiba tayo ng kakayanan.
6. Pray. Always ask for his guidance.
Dati lahat ng ‘yan naranasan ko pero ngayon masaya ako at madami na ang nagbago sa buhay ko. Sapagkat sa pagmamahal ko sa anak ko naging isang mommy blogger ako.
Larawan mula sa iStock
Nagsimula ito ng sumulat ako ng isang maiksing tula at drawing na ginawa ko. Dahil rito, nagkaroon ako ng opportunities na magkaroon ng mga paid partnership sa mga produkto. Kumikita rin ako kahit nasa bahay lang ako sa tulong ng TAP VIP Parents at kasabay nito ay nagkaroon na ako ng sarili kong business.
Share your stories with us! Be a contributor at theAsianparent Philippines, i-click here