Celebrity couple na si Dennis Trillo at Jennylyn Mercado, masayang ibinahagi sa mundo na magkakaroon na sila ng baby girl.
Mababasa sa artikulong ito:
- Gender reveal party sa magiging baby ni Jennylyn Mercado at Dennis Trillo
Sa isang vlog na ini-upload ng mag-asawa ikiwento nila kung gaano sila kasabik na magkaroon ng baby girl, at laking pasasalamat nila ng malaman na baby girl ang ipinagbubuntis ni Jen.
Gender reveal party sa magiging baby ni Jennylyn Mercado at Dennis Trillo
Naganap ang gender reveal sa mismong araw ng kasal ni Jennylyn at Dennis, nitong nagdaang November 15, Lunes.
“Pinlano namin na isang celebration na lang yung wedding,” wika ni Dennis “Para nadoon na rin lahat ng mga mahal natin sa buhay,” pagsang-ayon naman ni Jennylyn.
Ayon sa dalawang magkasintahan, matagal na nilang pangarap at ipinagdarasal na magkaroon ng anak na babae, dahil ang pareho nilang anak ay lalaki.
Anak ni Jennylyn si Alex Jazz sa dati nitong boyfriend na si Patrick Garcia. Anak naman ni Dennis si Calix, sa dati nitong girlfriend na si Carlene Aguilar.
Pahayag ng aktor,
“Noon pa lang gusto talaga namin ni Jen na magkaroon ng baby girl, kasi siyempre iyong mga anak namin puro lalaki.
Gusto naman namin ng ibang mapaglalaruan, ibang mabibihisan. Lalong-lalo na si Jen, talagang tuwang tuwa siya sa baby.”
Jennylyn Mercado Baby Gender reveal party. | Larawan mula sa Instagram account ni Jennylyn Mercado
Maraming pagkakataon din umano na, sa tuwing may dalang baby ang kapuwa nila artista ay hinihiram nila ito.
Dagdag pa ni Dennis, noong mga panahon na nasa Dallas sila, at sumasailalim sa mga proseso para sa surrogacy ay hiniling na nila na sana baby girl ang kalabasan ng embryo.
Kwento pa ni Dennis,
“So talagang tuwang-tuwa kami sa mga baby girl. Kahit noong nandon pa lang kami sa Dallas, kahit noong ginagawa pa lang namin ‘yong mga surrogacy plans namin, ah nirequest namin na sana baby girl ‘yong lumabas.”
Pero hindi sumang-ayon sa kanila ang kapalaran at male ang naging gender ng embryo, kaya naman noong panahong iyon ay naisip nila na baka boy talaga ang para sa kanila at masaya rin naman sila sa naging resulta.
“Wala ng iba, wala na akong ibang mapo-produce, so iyon na lang talaga. Parang wala na kaming choice, boy talaga.” wika ni Jennylyn.
Masayang sabi ni Dennis,
“Thankful din naman kami kahit na boy iyong naging gender doon sa perfect embryo.”
At dahil nga matagal na itong pangarap ni Dennis at Jennylyn ay lagi nilang minamanifest na baby girl ang ipinagbubuntis ni Jen.
Screencapture mula sa YouTube Channel ni Jennylyn Mercado
“Actually minamanifest na natin na ‘girl to’ alam mo ‘yon kahit hindi pa natin alam. Gusto namin girl, so ‘baby girl’ tinatawag namin siyang ganyan. Ako naman mahilig akong tumingin ng mga pink. ‘Bumili na ba ako ng pink? Kasi girl naman iyan eh.’ Tapos siya confident siya ‘Hindi girl, talaga ‘yan oo alam ko ‘yan girl ‘yan’.” wika ng aktres.
Kahit hindi pa nila alam ang gender ng baby ay matagal umanong confident si Dennis na babae ang magiging anak nila. Pahayag naman ni Dennis,
“Ako sobrang confident. Kasi feeling ko talaga ibibigay sa atin iyong matagal na nating gusto. And feeling ko ito iyong panahon na iyon. Na mangyayari na iyon.”
Jennylyn Mercado Baby Gender reveal party. | Larawan mula sa Instagram account ni Jennylyn Mercado
Isa pa sa mga umaasa at nasasabik na magkakaroon sila ng baby girl ay ang mommy ni Dennis. Naluha pa ang kaniyang mommy ng malaman na buntis si Jennylyn at hiniling na sana baby girl ito.
Nakaugalian na rin ng kaniyang ina na bumisita sa simbahan ng Sta. Clara upang mag-alay ng itlog kasabay ang hiling na sana baby girl ang maging anak ng magkasintahan.
Kwento ni Jen,
“Madalas na siyang pumupunta sa Sta. Clara nag-ooffer ng eggs para talagang siguraduhing girl. Talagang pinagdarasal niya ng husto na girl ‘yan.”
Marami rin ang nagsasabi sa aktress na babae ang ipinagbubuntis nito, dahil sa blooming ito at magandang buntis. Ito ay ayon sa pamahiin ng mga Pinoy, na kapag maganda habang nagbubuntis ay babae ang magiging anak.
View this post on Instagram
Isa pa sa mga mas nagpatibay ng kanilang paniniwala na baby girl ang kanilang anak ay nang mapanaginipan umano ng anak ni Dennis nang tatlong beses na baby girl ang magiging anak nila.
Naging masaya ang gender reveal ng mag-asawa, at talaga namang nag-enjoy ang mga guest dahil may participation sila.
Ang mag guest ay binigyan ng mga dessert na nakalagay sa isang maliit na pot at may kasamang shovel. Makikita ang gender ng baby sa pinaka ilalim ng pot matapos hukayin.
Napuno ng masasayang sigawan ang venue nang malaman ng lahat na girl ang ipinagbubuntis ng aktres.
Screencapture mula sa YouTube Channel ni Jennylyn Mercado
Masayang sabi ni Jen,
“Sa wakas magkakababae na tayo!”
Sa huli ay taos pusong pinasalamatan ng mag-asawa ang kanilang mga kapamilya at malalapit na kaibigan na kanilang nakasama sa kanilang espesyal na araw.