Jessy Mendiola at Luis Manzano nagsagawa ng baby shower para sa nalalapit na pagdating ni Baby Peanut.
Mababasa dito ang mga sumusunod:
- Jessy Mendiola floral pink baby shower.
- Maternity shoot ni Jessy Mendiola.
- Sikreto ni Jessy kung bakit siya ay blooming na buntis.
Jessy Mendiola floral pink baby shower
Pitong buwan ng buntis ang aktres na si Jessy Mendiola. Kaya naman bilang pagsalubong sa nalalapit niyang panganganak ay isang floral pink baby shower ang isinagawa nila ng mister na si Luis Manzano para sa kanilang “Baby Peanut”.
Ang nasabing baby shower isinagawa sa Palazzo Verde, Las Pinas nitong October 19 na kung saan napalibutan ang lugar ng kulay pink na mga bulaklak.
Si Jessy at Luis ay pareho ring nakasuot ng pink na talagang kumompleto sa vibes ng kanilang baby shower. Agaw pansin rin ang freshness at ganda ni Jessy Mendiola sa kaniyang pink dress. Pinatunayan niya nga ang paniniwala na kapag baby girl ang ipinagbubuntis ay nagiging mas blooming ang isang babae.
Sa naturang baby shower na dinaluhan ng malalapit na kaibigan at pamilya nila Luis at Jessy ay nagpasalamat sila sa mga ito. Dahil hindi pa man naipapanganak si Baby Peanut ay ramdam na nila ang nag-uumapaw na pagmamahal ng mga tao sa kanilang paligid para sa anak.
View this post on Instagram
Maternity shoot ni Jessy Mendiola
Samantala, nito lang rin nakaraang mga araw ay ibinahagi ni Jessy ang ilang larawan sa kaniyang naging maternity shoot. Sa kaniyang vlog ay nagbahagi rin siya ng mga kuha ng behind-the-scenes ng naturang shoot. Makikitang tulad ng kaniyang baby shower ay blooming with flowers rin ang maternity shoot na isinagawa ni Jessy. Sa isa nga niyang Instagram post na tampok ang larawan sa kaniyang maternity shoot ay ibinahagi ni Jessy ang current status ng puso niya ngayon. Partikular na sa nalalapit na panganganak niya sa kaniyang baby at pagiging isang ganap na ina.
“You never understand life until it grows inside of you.”
Ito ang caption ni Jessy sa kaniyang IG post na hango sa isang quote at tungkol sa maternity shoot na kung saan ibinida niya ang kaniyang malaki ng baby bump.
Tulad ng kaniyang naging baby shower ay pinuno rin ng makukulay na bulaklak ang naging maternity shoot ni Jessy.
Larawan mula sa Instagram account ni Jessy Mendiola
Bakit laging floral themed ang napipili ni Jessy para sa anak?
Una ng ibinahagi sa ginawang baby gender reveal party nina Luis at Jessy na babae ang kanilang magiging anak. Isa nga sa naging pinakamasaya sa balita ay ang ina ni Luis at Star For All Seasons na si Vilma Santos na excited ng magkaroon ng baby girl sa kanilang pamilya.
“Super happy namin. I’m sure si Momskie sobrang saya niya kasi girl talaga yung gusto niya.”
Ito ang sabi ni Jessy Mendiola ng malaman na ang gender ng kanilang baby. Dagdag pa niya, hindi mahalaga ang gender basta healthy si baby.
Si Luis may pabirong banat agad sa magiging anak.
“Ang bahay namin, hindi ko lalagyan ng pinto, puro pader lang para walang makadalaw, walang makapasok. Maaarawan siya nang 62 years old!”
Ito ang pabirong sabi ni Luis para maprotektahan umano ang anak sa mga manliligaw.
Sa ginagawa naman nilang room para sa anak ay ibinahagi ni Jessy na isusunod nila sa isang bulaklak ang pangalan nito. Kaya naman ang disensyo ng magiging kwarto nito ay puno ng kulay pink na gamit at iba pang accessories na kukumpleto sa kanilang pink floral theme.
“We are planning a baby room for Peanut. Gusto ko mabango lang tingnan, floral. ‘Yong name ni Peanut malalaman ninyo ‘yan in a few months. ‘Yong name niya binabagay namin sa room niya.”
Ito ang pahayag ni Jessy noon tungkol sa nursery room ng anak na ang nag-didisensyo ay ang kapatid niyang interior designer na si Megan Tawile.
Sikreto ni Jessy kung bakit siya blooming buntis
Larawan mula sa Facebook account ni Jessy Mendiola
Kuwento pa ni Jessy, may isa siyang sikreto kung bakit blooming at fresh siya ngayong siya ay buntis. Ito ay ang hindi pagiging stress na nagagawa niya sa tulong ng mister niyang si Luis. Ito nga ang mensahe niya para sa mga preggy moms na tulad niya.
“Just support each other. Syempre nandiyan yung worries, nandyan ‘yong anxieties, nandyan ‘yong fear, nandyan ‘yong kasiyahan, pag-aalala yung doubt, it’s very important that you support each other. Be open to each other.”
Ito ang payo ng soon-to-be mom na si Jessy sa mga buntis na tulad niya at sa kanilang mga asawa.
Kamakailan lang ay lumipad rin pa-Singapore sina Jessy at Luis upang magbakasyon. Ito ay para ma-relax at saglit na magkaroon ng time para sa kanilang sarili. Lalo pa’t inaasahan nila na sa oras na dumating na ang kanilang Baby Peanut sa mga susunod na buwan ay magiging busy na sila.