Isang heartwarming Instagram post ang ibinahagi ng celebrity mom na si Jolina Magdangal. Makikita sa post ng aktres ang series of photos ng family day nila ng kaniyang mga anak.
Mababasa sa artikulong ito:
- Jolina Magdangal sa pagiging isang ina: “Never stop doing little things with your kids”
- Hands-on sa pag-aalaga ng anak habang nagpapagaling ang mister
Jolina Magdangal sa pagiging ina: “Never stop doing little things with your kids”
Larawan mula sa Instagram ni Jolina
Masayang mga larawan ng kaniyang mga anak ang laman ng Instagram post ni Jolina Magdangal. Makikita na nakangiti ang dalawa niyang anak na tila enjoy na enjoy sa kanilang family bonding.
Saad ni Jolina Magdangal sa kaniyang caption, huwag dapat na tumigil na gumawa ng maliliit na bagay kasama ang mga bata. Dahil ang mga maliliit na bagay na ito ay siyang pumupuno sa pinakamalaking bahagi ng puso ng mga anak.
“Never stop doing little things with your kids. Sometimes those little things occupy the biggest part of their hearts.”
Larawan mula sa Instagram ni Jolina
Ang empowering pa ng karugtong ng caption na ito, kung saan ay niyakap ni mommy Jolens ang kaniyang pagiging isang ina.
“Ngayon ay Chooseday… i choose to empower myself as a Mama, bestie, teacher, singer, dancer, cartoon character, home service wellness to my kids,” aniya.
Hands-on sa pag-aalaga ng anak habang nagpapagaling ang mister
Larawan mula sa Instagram ni Jolina
Samantala, kalakip din ng Instagram post ang isang larawan kung saan ay makikita ang pamilya ni Jolina kasama ang asawang si Mark Escueta. Nakahiga sa kama ang mister ng aktres at mayroon itong cast sa binti.
Tinapos ni Jolina Magdangal ang caption ng kaniyang IG post sa pagbabahagi kung gaano na nila namimiss ang kanilang papa na makasama sa playground.
Sa ngayon ay nagpapagaling si Mark Escueta mula sa leg injuries dulot ng bike accident.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
