Judy Ann Santos sa paggamit ng gadgets ng mga anak niya: “Ang mga anak namin they don't have any cellphones, wala silang social media.”

Judy Ann Santos ito ang dahilan kung bakit hindi muna pinapayagan sa ngayon na may cellphone at social media accounts ang mga anak na sina Yohan, Lucho at Luna.

Mababasa sa artikulong ito ang mga sumusunod:

• Kung bakit hindi pa pinapayagan ng aktres na si Judy Ann Santos na magkaroon ng cellphone at social media accounts ang mga anak niya.
• Paano pinapaliwanag ni Judy Ann Santos sa mga anak ang rule niya sa pag-cecellphone at social media.

Kung bakit hindi pa pinapayagan ng aktres na si Judy Ann Santos na magkaroon ng cellphone at social media accounts ang mga anak niya

Image from Judy Ann Santos Agoncillo's Facebook account

Sa YouTube channel ni Meryll Soriano ay inilabas niya nitong linggo ang part 2 ng chikahan nila ng aktres na si Judy Ann Santos. Ang isa sa topic ng kanilang naging pag-uusap ay tungkol sa kung paano hina-handle ni Judy Ann ang paggamit ng cellphone at social media ng mga anak niya.

Ayon kay Judy Ann nagagawa daw nila ito ng mister na si Ryan sa pamamagitan ng hindi pagbibigay ng cellphones sa mga anak. At hindi pagpayag na magkaroon sila ng social media accounts.

“Ang mga anak namin they don't have any cellphones, wala silang social media.”

“Yohan is 17 wala siyang cellphone. Syempre kung walang cellphone 'yong panganay wala ring cellphone 'yong dalawang maliit. Unfair naman yun.”

Ito ang sabi ni Judy Ann sa naging pag-uusap nila ni Meryll.

Kuwento pa ni Judy Ann, hindi naman daw kailangan ng mga anak niya ng cellphone. Dahil kung aalis naman ang mga ito tulad ng kung papasok sa school ay may kasama silang yaya na maaring kumontak sa kanila ni Ryan sa oras na may concern ang mga anak nila.

Maliban dito isa pang dahilan kung bakit hindi binibigyan nina Judy Ann at Ryan ng cellphone ang mga anak para matuto silang maging responsible. Hindi lang sa pagsisikap na magkaroon ng sariling gamit na pinaghirapan nila kung hindi para pahalagahan rin ang mga bagay na kung anong mayroon sila.

"Para magkaroon ba ng responsibility. Kung gusto nila magkaroon ng cellphone they need to buy it on their own. Para talagang maalagaan nila. You have to earn it.”

Ito ang sabi pa ni Judy Ann.

Paano pinapaliwanag ni Judy Ann sa mga anak ang rule niya sa paggamit ng cellphone at social media

Image from Judy Ann Santos Agoncillo's Facebook account

Pag-amin niya mahirap na basta ituro ito sa mga bata. Pero sa tulong ng tamang pagpapaliwanag ay naiintindihan din naman nila ito.

Dagdag pa niya, cellphone lang naman ang hindi nila binibigay sa mga anak. Pero ang mga ito ay may laptop at iPad naman na nagagamit nila sa school. Lalo na sa ngayon sa mga online classes nila.

Pero pagdating sa paggamit ng social media, kung ikukumpara kay Lucho at Yohan, si Luna raw ang mahilig sa mga ito. Kaya naman ito talaga ang madalas niyang kinakausap at pinapaliwanagan at ito ang sinasabi niya sa anak.

“Sa Facebook, Instagram o any social media platforms mayroon kang tinatawag dun na parents’ consent, we will follow this guideline.”

Hindi naman daw strictly na pinagbabawalan ni Judy Ann ang mga anak sa paggamit ng social media. Kuwento niya, puwede parin naman daw mag-browse ang mga ito sa mga social media accounts niya o ng mister na si Ryan. Bagamat hindi lang puwedeng gumawa ng sariling account nila.

Puwede rin naman daw manood ng TikTok videos ang anak niyang si Luna basta namomonitor niya. Puwede rin naman daw itong mag-record ng videos basta for personal viewing lang muna.

Ang anak niyang si Lucho ay mahilig ring maglaro ng online games. Pero dapat ay kilala niya ang mga nakakalaro nito. Dahil kung hindi ay buburahin niya ito sa list of players na kalaro ng anak. Ito ay para masiguro lang ang safety nito sa online world.

Hindi lang naman basta safety ng mga anak ang dahilan ni Judy Ann, kung bakit niya ito ginagawa. Isa pa daw sa inaalala niya ay ang pagiging handa ng mga anak sa pakikipa-communicate online. Lalo na sa paghahandle ng mga bashing na maari nilang ma-encounter o mabasa.

“Not to shield, especially Yohan kasi siya 'yong dalaga na. We equipped her with the responsibility of being able to communicate properly. At some point when she wants to already have a social media like Instagram or Facebook, she needs to be responsible for that. She needs to know to handle 'yong bashing maging responsible siya sa kung anong ilalabas niya.”

Ito ang sabi pa ni Judy Ann.

BASAHIN:

Judy Ann Santos sa mga bashers: “Kapag pamilya kasi ang tinira, kapag pamilya ang kinanti nakakalabas ng sungay talaga.”

Judy Ann Santos-Agoncillo shares her secrets in keeping Luna healthy and happy!

Chesca at Doug Kramer sa paggamit ng social media ng mga anak: “We are very much involved as parents”

Payo ni Judy Ann sa mga magulang panatilihin ang komunikasyon sa inyong mga anak

Dahil paliwanag pa ni Judy Ann, alam niya kung paano maaring makaapekto sa feelings ng mga anak ang mga bashings na maari nilang mabasa. Kaya naman hangga’t maari ay pinoprotektahan niya ang mga ito.

Pero maliban sa paghihigpit sa kanila ay dapat rin daw panatilihin ng magulang ang komunikasyon sa mga kanilang mga anak. Ito ay para aware ka sa nararamdaman nila at magabayan sila sa kung anumang struggle ang kanilang pinagdadaanan.

“At some point being a mother ang instinct mo lang is to protect. But hindi mo naman din talaga siya maproprotektahan sa pangkalahatan.”

“Importante rin na kinekeep 'yong communication. 'Yong nanay ka parin pero at some point kailangan mo parin siyang isantabi at kailangang isuot 'yong hat mo as a best friend.”