Malapit na makapiling ng aktres na si Kris Bernal ang kanyang first baby.
Kris Bernal manganganak na sa August
Kris Bernal, mixed emotions ang nararamdaman ngayong malapit na ang due date sa panganganak.
“Me realizing there’s only 2 months left until this baby has to come out,” caption ni Kris sa kanyang Instagram. Makikita rin ang video na mukha itong kinakabahan.
Gustong gusto na ng aktres makita ang kanyang baby girl. Naiinip na nga ito sa kanyang 3rd trimester.
Ito ay bagong journey ng aktres sa kanyang buhay. Umamin rin ang aktres na hindi pa siya mentally prepared na maging mom.
“Am I ready? I feel like I haven’t mentally prepared my brain for birth and motherhood! I have just so many ‘unknowns," dagdag niya pa sa kanyang caption.
Marami man daw siyang hindi alam, sure naman siyang unti-unti rin niya matutunan ang motherhood.
Ayon pa sakanya, hindi naman pinanganak ang mga babae na alam ang mga ito. Kaya naman one step at a time ang gagawin ni Kris.
Binandera ni Kris ang ilang pagbabago sa kanyang katawan sa kanyang pregnancy journey.
Pinakita ng aktres ang kanyang stretch marks at ang pangingitim ng kanyang katawan.
“Buhay buntis: Dark armpits, dark batok, dark singit + stretch marks starting to show up,” nakalagay sa kanyang caption.
Dagdag pa niya, okay lang ito pag-usapan dahil isa ito sa mga katotohanan na pinagdaanan ng mga pregnant moms. Ibinahagi rin niya na minsan ay nakakaramdam siya ng insecurities.
Lalo na minsan feeling niya ay hindi na siya maganda o attractive. Feeling rin niya ay palagi siyang bloated at hindi na tulad ng dati ang kanyang katawan.
Pero sinabi rin ng aktres na ito ay normal at ito ang reality. Hindi dahil sinasabi niya ang lows ng kanyang pregnancy ay ungrateful na siya.
Kung matatandaan, noong March inanounce ni Kris at ng kanyang non-showbiz asawa, Perry Choi ang kanilang bagong journey.