Kylie Padilla masaya sa naging breastfeeding experience sa dalawa niyang anak. Sabi pa ng aktres, hindi siya magdadalawang-isip na magpa-breastfeed muli kung ipapahintulot ng panahon na siya ay magka-baby ulit.
Mababasa dito ang mga sumusunod:
- Kylie Padilla binalikan ang kaniyang breastfeeding experience sa dalawang anak.
- Reaksyon ng mga netizens.
- Birthday ng panganay nina Kylie at Aljur Abrenica na si Alas.
Kylie Padilla binalikan ang kaniyang breastfeeding experience sa dalawang anak
Limang taon na ang panganay ni Kylie Padilla na si Alas. Habang ang pangalawa niya namang anak na si Axl ay dalawang taong gulang na. Si Kylie proud na ang dalawang anak ay kapwa niya napa-breastfeed. Sa isa sa mga Instagram post niya ngayong breastfeeding month ay binalikan ni Kylie ang experience niya sa pagpapasuso.
Kuwento ng aktres, isa sa mga dahilan kung bakit na-delay ang pagbabalik trabaho niya noon ay para masiguro ng ma-breastfed niya ng maayos ang mga anak.
“Happy breastfeeding month! I remember part of why I delayed going back to work right away was because I wanted to breastfeed my kids directly.”
Ito ang bungad niya sa kaniyang Instagram post.
Dagdag pa ng aktres, ayaw niya na pinu-pump ang gatas niya. Mas gusto niya na diretso itong inumin ng anak mula sa kaniya. Dahil sa ganitong paraan ay mas nararamdaman niya daw ang koneksyon sa kanila at naipapaabot niya ang pagmamahal niya sa mga ito.
“Personally I hated pumping. For me, the intimacy and connection I built with my kids through breastfeeding was so hard to give up kahit sobrang hirap to be available anytime and all the time.”
“I had no control over my body but the eye contact, the skin to skin and the slowly watching my kids fall asleep and feeling their heartbeat slow is the closest physical feeling of love I’ve ever experienced.”
Ngayon, sa pagbabalik tanaw ng aktres ay napakasaya niya na nagawa niya ito sa dalawang anak. Ito daw ang favorite part niya ng pagiging ina na hindi siya magdadalawang isip gawin ulit sa susunod kung magkaanak ulit siya.
“Now when I look back on it I’m happy I did it. Both boys I was able to breastfeed for over a year. It’s still one of my favourite parts of motherhood. Would do it all over again in a heartbeat. #happybreastfeedingmonth”
Ito ang sabi pa ni Kylie.
Larawan mula sa Instagram account ni Kylie Padilla
Reaksyon ng mga netizens
Maraming mommy netizens naman ang naka-relate sa post na ito ni Kylie. Ito ang mga reaksyon nila.
“Yes, proud breastfeeding mother here! Lahat sila breastfeeding that was the best expreriemce of mother hood. #happybreastfeedingmonth”
“Love the caption. Ganyan din ang iniisip ko when I started my breastfeeding journey.”
“I’m in my golden year on Earth and I still I can remember my breast feeding days. Young mom before but now a young widow. I can attest that my breastfeeding did a good job to my kids performance in school, they were both achievers until their tertiary education.”
Ito ang ilan sa reaksyon ng mga netizens sa post na ito ni Kylie tungkol sa breastfeeding.
Mensahe ni Kylie Padilla at Aljur Abrenica sa birthday ng anak nila na si Alas
Larawan mula sa Instagram account ni Kylie Padilla
Samantala nitong August 4 ay nagdiwang ng 5th birthday niya ang panganay na anak ni Kylie na si Alas. Ang aktres nag-share ng larawan ng anak na nagbo-blow ng cake kalakip ang short but sweet na mensahe niya para dito.
“Happy birthday to my panganay. We love you.”
Sa parehong araw ay bumati rin ang dating mister ni Kylie na si Aljur Abrenica sa kaarawan ng anak. Ang aktor may madamdaming mensahe para sa anak na sinabi niyang maraming naituturo sa kaniya bilang isang ama.
“Happy Birthday Anak. Hindi man tayo magkasama Pero Alam ko naging makahulugan at masaya ang araw mo. Hindi mo alam ang dami mong napapaligaya na tao. Nagpapasalamat ako dahil ang dami Kong natututunan sayo bilang isang ama. Papa will always be here for you. Proud ako at Ako na muna swimming coach mo sa ngayon ah.”
Ito ang birthday message ni Aljur sa anak na si Alas.
Matatandaang Pebrero ng nakaraang taon ng mabalitang hiwalay na sila Aljur Abrenica at Kylie Padilla. Ito ay kinumpirma ng aktor na si Robin Padilla sa isang panayam sa kaniya ni Ogie Diaz. Sinundan rin ito ng pahayag ni Kylie na kung saan inamin niya ngang hiwalay na sila ni Aljur.
Pero mariin niyang sabi, sila ay may healthy relationship ngayon ni Aljur. Sila ay may maayos na co-parenting relationship para sa kanilang mga anak.