Ano nga ba ang mabisang gamot sa paso ng bata?
Napaso ang isang baby sa kumukulong tubig
Noong January 14, iniwan ni Low at ng kanyang asawa ang dalawa nilang anak (8 years old at 16 months). Kasama ng dalawang bata ang kanilang katulong sa bahay. Mga 5:30 ng hapon nang nakatanggap ng balita si Low na napaso ng mainit na tubig ang kanyang 16 months old na anak.
Image: Facebook Amy Low Mei Liang
Akala ng isang nanay sa Singapore na napabayaan lang ng maid ang kanyang anak dahil sa natamo nitong 2nd degree burn. Pero mas malala pa pala ang nangyari rito.
Sa Facebook post ni Amy Low na naging viral, ikinuwento niya kung paano pasadyang nilagay ng kanilang katulong ang kamay ng kanyang anak sa kumukulong tubig. Binalaan din niya ang mga magulang na bantayang maigi ang mga kinukuha nilang mga katulong sa bahay. Isinugod sa ospital nina Low at ng kanyang asawa ang kanilang baby. Doon na nila nalaman na nagkaroon ng 2nd degree burn ang anak nila. Ikinwento naman ni Low na simula nang magtrabaho sa kanila ang katulong nila, ang pagbabantay nang maigi sa kanyang anak ang tanging trabaho nito. Bilin din nilang ‘wag itong dadalhin sa kusina. Lagi silang kumakain sa labas kaya wala nang dahilan para magluto ang katulong nila.
Pero sinabi pa rin ng katulong nila na hindi niya napigilan ang baby kaya naaksidente ito.
Kinabukasan, matapos ang nangyari ay nagulat na lamang sila ng makitang naka-impake na ang nasabing kasambahay at sinasabing babalik na lang ito sa kanyang agency.
“I kept assuring her that we never blamed her, as it was just an accident, she could still stay on work for us. But she was very insistent, hence i called the agency up.” sabi ni Low
Pumayag naman ang agency sa naging desisyon na pabalikin ang katulong at ibalik ni Low ang perang inilabas para dito.
Ngunit pakiramdam ni Low na may tila kakaiba sa nangyari. Kaya naman tinignan niya ang CCTV sa kanilang kusina at dito na siya nagimbal nang makita niya ang kanilang katulong na paulit-ulit na isinasawsaw ang kamay ng kanyang anak sa kumukulong tubig.
Kinompronta niya ang katulong. Dito niya nalaman na inutusan daw siya ng mga kaibigan at ng agency mismo para lang makauwi ito.
Screencap ng CCTV footage ng pasuin ng mainit na tubig ang baby Image: Facebook (Amy Low Mei Liang)
Karagdagang impormasyon
Ang 30-taong gulang na katulong galing sa Myanmar ay agad ding naaresto sa Buangkok Link flat noong January 15.
Ngunit ang trauma na natamo hindi lang ng baby, kundi pati ng mga magulang ay hindi pa rin natatapos.
Nang malaman ng agency na ipinaaresto ni Low ang katulong, nagsimula na itong mang-harass at sabihang ‘bad employer’ sila Low. Natakot si Low na baka saktan pati ang pamilya nito. Sa ngayon, iniimbestigahan na ang katulong. Ngunit wala pang balita mula sa kanyang agency.
Ano nga ba ang mabisang gamot sa paso ng bata?
Mas naglalabas ng init ang mga bata kaysa sa mga matatanda. Kaya mas mainam malaman kung paano ang gagawin kung sakaling mapaso ang bata.
- Kung sakaling mapaso ang kamay, paa, mukha at maselang parte ng bata, pumunta na agad sa pinakamalapit na ospital.
- Ilayo ang bata sa lugar kung saan siya napaso.
- Lagyan ng cold compress ang parte kung saan napaso ang bata. Gawin ito hanggang sa humupa ang sakit nito.
- Kung may makitang paltos, hayaan lang ito at ‘wag hawakan.
- Lagyan ang sugat ng malinis at tuyo na gauze.
- Tanggalin ang makakasagabal na damit. Alisin din ang lahat ng uri ng palamuti sa katawan.
BASAHIN: Mom shares warning after toddler is burned by vacuum cleaner in just 5 seconds! , Jealous Singapore maid tried to poison 3-month-old baby by mixing detergent in milk powder , Mom warns against the dangers of safety mirrors after her baby’s car seat burned