Sa isang Instagram post ay ipinasilip ni Maja Salvador ang ilang larawan ng kanilang bakasyon sa Amangiri ng asawang si Rambo Nuñez.
Mababasa sa artikulong ito:
- Maja Salvador pinasilip bakasyon nila ni Rambo Nuñez sa Amangiri
- Rambo at Maja excited na sa pagsilang ng kanilang baby
Maja Salvador hot momma sa bakasyon nila sa Amangiri
Hinangaan ng mga netizen ang naggagandahang larawan ni Maja Salvador. Kamakailan lang ay nag-post ang aktres ng mga picture nila ng kaniyang mister na si Rambo Nuñez.
Makikita sa pictures si Maja na naka pulang swimsuit. Preggy man at labas ang baby bump ay talaga nga namang seksing-sexy ang aktres. Blooming ang soon-to-be-mommy sa kanilang bakasyon sa Amangiri.
Larawan mula sa Instagram ni Maja
“Ang bongga”
“Hot mommah!!!”
“The most gorgeous preggy,”
Ilan lamang ang mga ‘yan sa comments ng showbiz friends at fans sa mga picture ni Maja.
Masisilip din sa isa pang larawan na magkayakap sila ng kaniyang asawa habang tinatanaw ang magandang tanawin ng Amangiri. Ang Amangiri ay isang five-star resort hotel sa Utah, USA. Ito ang nagsilbing babymoon destination nina Maja Salvador at Rambo Nuñez.
Larawan mula sa Instagram ni Maja
Excited na sa pagsilang ng kanilang baby
Sa kahiwalay na Instagram post ay ibinahagi naman ni Maja ang picture ng ultrasound ng kaniyang baby. Kitang-kita na ang hugis ng baby sa nasabing ultrasound.
Caption ni Maja sa kaniyang IG post, “Few more months and we’ll get to see our baby girl already! Can’t wait! #momtobe”
Larawan mula sa Instagram ni Maja
Makikita rin naman sa comment section ang ilan pang celebrity mom tulad ni Iza Calzado na excited na rin para sa kaibigan.
“Yaaaasssss Mamaaaaa!!!” saad ni Iza Calzado.
“Awww can’t wait to see our baby,” saad naman ni Rhea Tan.
Bukod sa picture ng ultrasound ay kalakip din ng IG post ang video ni Maja na talaga namang hot momma na sumasayaw pa! Kitang-kita na masaya ang aktres habang nagsasayaw nang nakalabas ang kaniyang baby bump.