Makati kidnapping nakuhanan ng video. Sa video makikita, babae sapilitang isinakay sa isang van.
Makati kidnapping
Viral ngayon sa social media ang video ng Makati kidnapping. Kitang-kita kung paano sapilitang tinangay ng isang gray na van ang isang babae na maririnig pang sumisigaw ng tulong sa video.
Ang pangingidnap ay nangyari alas-9 kagabi, December 9, sa pagitan ng Paseo de Roxas at Nieva Street sa Makati.
Ayon sa mga nakakita sa insidente, unang inakala nila na kakilala ng babae ang nakasakay sa van. Dahil sa ito naman ang kusang lumapit sa mga ito. Ngunit, nagulat nalang sila ng bigla nalang ito magsisigaw ng tulong habang dali-daling kumaripas papaalis ang van.
“Akala ko no’ng una, away mag-jowa, ‘yon pala iba”.
Ito ang pahayag ng isa sa mga nakasaksi ng pangyayari sa Makati kidnapping.
“Nakakatakot din po kasi baka may dala ‘yong kumidnap kaya wala nang nakialam.”
Ito ang dagdag pa niyang pahayag sa tanong kung bakit tila walang tumulong sa babae.
Viral: Babae, nakunan ng video na kinidnap at isinakay sa isang van sa Makati | Screenshot image from Twitter
“I just witnessed a kidnapping incident while walking in Makati (near Greenbelt 1) A girl was dragged by 2 guys inside a van. I still can’t move… GOD BLESS US ALL. PLEASE DON’T WALK ALONE. TAKE CARE.”
Ayon sa imbestigasyon ng mga pulis
Base naman sa imbestigasyon ng mga pulis, napag-alaman nilang ang babaeng nakidnap ay isang Chinese national. At mukhang kilala raw nito ang mga taong nangidnap sa kaniya dahil sa ito nga ay lumapit sa van bago siya tuluyang sapilitang isakay sa loob nito.
“Based din sa lahat ng investigations natin at saka interview natin, the victim na pinipilit ipasok sa van is Chinese, babaeng Chinese, ang assessment namin tinatago rin ang kanyang identity kasi naka-face mask din para hindi siya makilala.”
Ito ang pahayag ni Col. Rogelio Simon, head ng Makati City police.
Sa pinangyarihan ng krimen ay mga dokumento rin ang naiwan na magsisilbing lead ng mga pulis sa imbestigasyon.
Ayon parin kay Col. Simon, ilan sa mga na-recover nilang dokumento sa crime scene ay photocopy ng Chinese passport at deed of sale ng isang sasakyan.
Kanila naring na-trace ang sasakyan na makikita sa video ng Makati kidnapping. Ito daw ay isang gray na KIA Carnival na ayon sa kanila ay nakarehistro ang plate number sa isang L300 van na walang kahit anong record sa mga awtoridad.
HInala ng mga pulis ang pangingidnap ay maaring may koneksyon sa POGO o Philippine offshore gaming na mga Chinese ang mga namamahala.
“Ang tinitingnan namin usually na cases ay mga POGO (Philippine Offshore Gaming Operations) o online companies na Chinese na ‘yong kanilang employees mismo nakakagawa ng kasalanan.”
Ito ang dagdag pang pahayag ni Col. Simon.
Reaksyon ng publiko
Dahil dito ay mas lalong naalarma ang publiko sa serye ng mga kidnapping na nagaganap sa bansa. Bagamat, nito lamang nakaraang lingo ay madiing sinabi ng PNP na fake news ang kumakalat ng kidnapping news sa Facebook na iniuugnay pa umano sa pagbebenta ng lamang-loob.
Isang netizen ang sinabing napaka-traumatic at nakakatakot ang naganap na Makati kidnapping. Dahil isa lamang itong patunay na totoo ang kumakalat na kidnapping news na nangyayari sa ka-Maynilaan.
Viral: Babae, nakunan ng video na kinidnap at isinakay sa isang van sa Makati | Image screenshot from Facebook
Samantala, isang netizen naman ang nagsabing nakasaksi rin sila ng parehong insidente sa Burgos St., Poblacion, Makati noong nakaraang linggo.
Viral: Babae, nakunan ng video na kinidnap at isinakay sa isang van sa Makati | Image screenshot from Twitter
Kaya naman pinapaalalahanan ang lahat na mag-ingat at huwag maglalakad ng nag-iisa lalo na sa gabi.
Para sa mga magulang ay mahigpit na bantayan ang inyong mga anak. At huwag hahayaang mawala sila sa inyong paningin at laging paalalahan na huwag basta makikipag-usap o lalapit sa mga taong hindi naman nila kilala.
Sa panahon ngayon ay mabuti na tayo ay mas mag-ingat at maging alisto para sa ating kaligtasan.
Source:
BASAHIN: