Karamihan ng mga misis ay nahihiyang i-open ang topic na ito sa kanilang mga mister—pero hindi nangangahulugang wala silang opinyon tungkol dito. Ang mga tanong na, “Importante ba talaga ang malaking penis sa lalaki?” ay pangkaraniwan ng napagdidiskusyunan ng mga kababaihan. Kaya naman madaming mga nagsisilabasan na mga gamot, ehersisyo, at kung anu-anong produkto na nagpapalaki ng ari.
Sa isang survey ng 800 na lalaki, napag-alaman na ang average na haba ng penis ay 5.5 inches. Samantalang ayon naman sa Kinsey Report, 6.2 inches naman daw ang average na haba sa mga rumisponde sa pag-aaral nila.
Kaya naman ang napagkasunduang average na size ng penis ay nasa pagitan ng 5.1 hanggang 6 inches.
May dalawang karaniwang sagot pagdating sa tanong na kung mahalaga nga ba ang haba:
1. Wala sa haba, nasa gawa
May mga naniniwala na wala sa haba ng penis ang pagkakaroon ng masayang experience sa sex kundi nasa kung paano ito gamitin—pressure, speed, at iba pa niyang talento sa kama ang labanan. Isama na rito ang kung paano niya gamitin ang ibang parte ng kaniyang katawan para makapag-bigay ng pleasure sa partner niya.
Kadalasan daw kasi na kapag malaki ang ari ng isang lalaki, hindi na siya adventurous sa kama. Iniisip na lang niya na dahil mayro’n siyang malaking penis, e, sapat na iyon para ma-satisfy ang babae.
Ang mga naniniwala sa unang pananaw na ito ay mas nagbibigay ng halaga sa kalidad ng pagtatalik. As long as naibibigay kay misis ang gusto niyang pleasure at orgasm na inaasam niya, happy na si misis.
2. Long si Dodong
Siyempre mayro’n din namang mga Inday na gusto ng malaking Dodong. Ang mga may pananaw na ganito ay iniisip na kapag may mas malaking penis, mas pleasurable at makakapag-bigay ng vaginal orgasm.
Sa isang survey ng mga kababaihan, mahigit sa 80% ang nagsabi na gusto nila mas nasa-satisfy sila sa mahabang penis. Hiling nila na sana ang laki ng ari ay nasa 5.75 hanggang 6.25 inches.
Ngunit kung papipiliin ang mga ito kung mas gusto nila ng mahaba o matabang ari, mas marami ang gusto ng matabang penis.
Kalinisan ng ka-penis-an
Ngunit kung may pagkakasunduan man ang dalawang kampo ng pananaw, ito ay ang kalinisan. Para sa mga babae, ito ang pinaka-importante. Sunod nito ang haba, kinis, at itsura ng penis.
Sino nga ba naman ang mag-e-enjoy sa ari na kasing laki nga ng kamao pero sagad din sa baho!
Ayon sa mga survey, hati man ang sagot tungkol sa circumcision, nagkaka-isa pa rin ang mga babae na dapat malinis ang penis, tuli man o hindi.
Bilang pagtatapos sa diskusyon, mahaba man o maikli, mataba man o hindi, tuli man o supot, isa lang naman talaga ang hinahangad ng karamihan—na sa isang vagina lang pumapasok ang penis ni mister!
Isinalin mula sa wikang Ingles galing sa artikulong
https://sg.theasianparent.com/how-women-view-penis-size
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
