Marian Rivera proud na proud sa anak na si Zia Dantes habang ini-entertain nito ang mga bisita sa kaniyang baby shower sa pamamagitan ng isang song number.
Tuwang-tuwa ang mga guest sa cute singing voice ni Zia at sa kaniyang rendition ng Disney song na “How Far I’ll Go” mula sa animated movie na Moana.
Sa tabi ni Zia ay nakaupo ang kaniyang ina na si Marian Rivera na kitang-kita ang pride habang pinapanood ang anak.
Ganoon din ang stage dad na si Dingdong Dantes na nakatayo kasama ang mga audience na napapasayaw naman habang kumakanta ang anak na si Zia.
Pagtapos nga ng song number ni Zia ay nagbigay ito ng message para sa kaniyang soon-to-be baby brother.
Ayon kay Zia ay nagpro-promise siya na iingatan at mamahalin niya ang kaniyang kapatid.
Marian River #OhBabyDantes baby shower guests
Samantala, maliban sa mga family at close friends nina Marian Rivera at Dingdong Dantes, nagpakita rin ng support at excitement ang ilang celebrities sa pag-welcome ng 2nd baby sa buhay ng Dantes Family.
Roxanne Barcelo
Hindi nga nawala sa event ang bestfriend ni Marian at celebrity na si Roxanne Barcelo.
Image screenshot from Instagram
Ai-ai delas Alas
Nandoon rin ang matalik na kaibigan at Sunday Pinasaya co-star ni Marian na si comedy queen Ai-ai delas Alas.
Jennylyn Mercado at Sheena Halili
Nagapakita rin ng kanilang love para kay Marian Rivera at sa baby nito ang kapuso actresses na si Jennylyn Mercado at Sheena Halili.
Bettina Carlos
Si Bettina Carlos naman ang tumayong event host sa baby shower na hindi pinalampas na magpa-picture sa kaniyang inaanak na si Zia na sinabi niyang mas gumaganda sa tuwing makikita niya.
Ashley Ortega
Present din si Ashley Ortega na nakasama ni Marian sa Kapuso series na Super Ma’am.
Angelu de Leon
Nagpunta rin si Angelu de Leon sa baby shower ni Marian na nagprepray na sana ay magkaroon ito ng healthy and safe delivery.
Joylyn Gonzales, Teena Barretto, Boobay at Ana Feleo
Hindi din naman nawala para sumuporta at magpakita ng kanilang pagmamahal ang mga closest friends ni Marian na sina Joylyn Gonzales, events planner Teena Barretto, comedian-host Boobay, at aktres na si Ana Feleo.
Bambbi Fuentes
Dumalo din ang make-up artist na si Bambbi Fuentes na kaibigan rin ni Marian Rivera.
Ang #OhBabyDantes baby shower ni Marian Rivera para sa kaniyang ikalawang anak ay ginanap nitong February 24 sa The Marquis Event Place, Bonifacio Global City.
Image from Dantes Squad Instagram account
Ito ay may temang “Over the Moon” na nagpapaliwanag kung gaano sila ka-excited sa pagdating ng kanilang baby no.2.
Marian Rivera surprise baby shower from Dingdong Dantes
Ngunit bago pa man ito ay nag-organize rin ng isa pang surpise baby shower si Dingdong para kay Marian sa tulong ng mga kapatid niya.
Ginanap ito noong February 16, sa Solaire Resort and Casino sa Parañaque City na dinaluhan lang ng pamilya at pinakamalalapit na kaibigan ng celebrity couple.
Sa isang Instagram post ay pinasalamatan nga ni Marian Rivera ang kaniyang mga in-laws na naging punong abala para maisakatuparan ang surprise baby shower ng kaniyang asawa. Napaka-fortunate at blessed niya nga daw dahil kahit busy ang mga ito ay gumawa sila ng paraan para i-welcome at gawing memorable ang special milestone na ito sa buhay ni Marian Rivera.
Samantala, para kay Marian at Dingdong ay kakaiba ang excitement na nararamdaman nila sa pagdating ng kanilang bagong baby dahil sa excitement din na pinapakita ni Zia na makita na ang kapatid niya.
Ayon nga sa aktres ay magpapahinga muna siya sa showbiz kapag naipanganak na ang kaniyang baby boy para mas matutukan ang pag-aalaga rito at sa panganay niyang anak na si Zia.
Sources: GMA News, PEP.ph, GMA News
Main photos: Cocoon Studio
Basahin: Marian, ibinahagi kung sino ang mas kamukha ng kanilang baby boy ni Dingdong