Masama ba ang milk tea sa bata at matanda?
May kasabihan na ‘Masama ang sobra-sobra.’ Kahit na ito ay healthy katulad ng pag-exercise o pag consume ng healthy snacks. Kung walang tamang disiplina at sobra ang konsumo nito sa iyong katawan, maaaring may kaharapin kang consequence.
Isang example rito ang kaso ng isang babaeng mahilig uminom ng milk tea araw-araw. Ang kanyang pagkahilig sa inumin na ito ay nagdala sa kanya sa life-threatening consequences. Inabot rin siya ng buwan para lang magpagaling nang siya ay na-coma.
Teenager na-comatose matapos uminom ng milk tea dalawang beses sa isang araw
Itago na lang natin sa pangalang Tian Tian ang 18 years old na babaeng mahilig uminom ng milk tea. Sa makatuwid, nakakadalawang cup siya ng milk tea sa isang araw.
Masamang epekto ng milk tea | Image from Sia
Ang pasyenteng si Tian Tian ay may timbang na 115 kg. At ayon sa kanyang nanay, hindi rin ito mahilig mag ehersisyo. Dagdag rin ng kanyang ina, umoorder pa ito lagi ng dalawang cups ng milktea kasama na ang coke at iba pang matatamis na inumin na nagkakahalaga ng 100 yuan ($20). Ang pag inom niya nito ay pamalit sa pag inom ng tubig.
Tumagal ito ng halos isang buwan hanggang natagpuan na lamang siya na unconscious noong gabi ng May 2.
Isinugod agad si Tian Tian sa Emergency Intensive Care Unit (EICU) sa Shanghai’s Ruijin Hospital para gamutin. At napagalaman rin na ito ay sumailalim sa coma dahil sa high blood sugar levels.
Tumagal rin si Tian Tian ng halos isang buwan sa ospital habang ginagamot pa rin.
Ayon sa Xin Hua Net, nakita sa blood test report ni Tian Tian na ang blood sugar level nito ay 25 times kumpara sa isang normal at malusog na tao. Dahilan para mangamba rin ang mga hospital staff sa kanya.
Masama ba ang milk tea sa bata at matanda? | Image from Sia
Ayon sa report, isang linggo bago ang 5 day coma ni Tian Tian, ito ay nakaranas ng mga sintomas katulad ng pagkatuyo ng bibig, nausea at polyuria (pag-ihi ng madalas).
“Hanging by a thread”
Nakita rin sa test result na siya ay nasa critical condition habang nakakaranas ng madaming health complications. Katulad ng high blood sugar, shock at kidney damage.
Nilarawan ng isang medical staff ang buhay ng babae na ito ay “hanging by a thread”.
Ayon sa kanila, ginawa ng EICU’s team ang lahat sa ilalim ng supervision ng Director of the Emergency Department na si Lu Yi Ming para mapagaling at masurvive si Tian Tian. Marami ang kanilang pinagdaanang rescue measures para lang mapagaling ang babae.
Pagkatapos ng limang araw na coma, si Tian Tian ay nagkaroon rin agad ng malay. Tinanggal rin ang nakalagay ditong ventilator support. Habang ang blood glucose at iba pang blood test indicators ay bumalik na sa normal level. Nabawasan rin siya ng halos 30 kg sa nangyari.
Noong June 1 naman ay inilipat siya sa Nan Xiang hospital para sa iba pang gagawing treatment.
Masamang epekto ng milk tea | Image from Unsplash
Masama ba ang milk tea sa bata at matanda?
Ayon kay Tian Tian, pagkatapos ng kanyang life-threatening experience ay nangako siya sa EICU medical personnel na hindi na siya iinom kahit kailan ng milk tea.
Ayon sa ospital, hindi si Tian Tian ang unang pasyenteng isinugod sa EICU dahil sa mataas na blood sugar levels. Dagdag pa ni Director Lu, may tatlo ring pasyente na katulad sa kaso ni Tian Tian. Sila rin ay overweight at hindi nakontrol ang sugar intake.
Ang ilan sa kanila ay hindi alam na sila pala ay mayroon ng diabetes. Binalaan rin ang mga ito na maaaring sila ay namatay kung ang paggamot sa kanila ay nadelay o hindi agad naasikaso.
Nagbigay rin siya ng payo lalo na sa mga kabataan na overweight na ugaliin ang active lifestyle sa pamamagitan ng madalas na exercise at pagkain ng mga masustansyang pagkain. Iwasan rin ang sobra-sobrang pagkain ng mga may mataas na sugar.
Makakatulong rin ang pagdalo sa regular check-up para mabigyan ng alert kung sila ba ay may risk ng diabetes.
Translated with permission from theAsianparent Singapore
BASAHIN:
Maaari bang magkaroon ng pulmonya si baby kapag natutulog ng nakatapat ang electric fan?