Napaka-cute ng mga larawang ibinahagi ni Mccoy De Leon sa kaniyang Instagram. Sa nasabing pictures, makikita ang saya nila ng kaniyang anak na si Felize at partner na si Elisse Joson.
Mababasa sa artikulong ito:
- Baby Felize nina Mccoy De Leon at Elisse Joson 3-years old na!
- Lahat gagawin para sa anak
Baby Felize nina Mccoy De Leon at Elisse Joson 3-years old na!
“Parang kailan lang,” ito na lang ang nasabi ng mga netizen nang ibahagi ni Mccoy De Leon ang kaniyang latest Instagram post.
Sa kaniyang social media, ibinahagi ng aktor ang mga larawan nila ng kaniyang anak na si Felize at partner na si Elisse Joson. Kitang-kita ang saya ng kanilang pamilya.
Ang mga larawan na ibinahagi ni Mccoy ay bilang pag marka sa ika-3 taon ng kanilang baby Felize.
“May 3 yrs old na kami :)) Happy Birthday sa anak ko na laging full energy.?” caption ni Mccoy sa kaniyang IG post.
Nagpahayag din ng pasasalamat ang aktor sa Panginoon sa pagkakaroon ng simpleng pamilya.
“Thank you Lord sa aking simpleng pamilya.??”
Lahat gagawin para sa anak
Dalawang araw bago ang birthday ni Felize, mayroon ding Instagram post si Mccoy. Sa naturang post, ibinahagi niya ang maikling conversation nila ng kaniyang anak.
“Felize: Daddy! Its already my birthday!
Me: Wala pa anak. Oh what do you want for your birthday?
Felize: Hmmm party... and I want DISNEYLAND!
Me: ☺️”
Ito ang caption ni Mccoy sa IG post. Dagdag pa rito, sinabi rin ng aktor na lahat ay gagawin nila ni Elisse Joson para sa kanilang anak.
“Kahit ano anak hanggang sa makakaya ni daddy at mommy.?”
Kalakip ng nasabing social media post ang picture kung saan ay magkaharap sila ng kaniyang anak.
Biro naman ng mga netizen, parang nananalamin daw si Mccoy.
“Anong feeling noong para kang nanalamin? So cute!!!”
“She is a spicy image of you Maccoy! She is getting big ang beautiful!”
Instagram: @mccoydeleon