Mikael Daez at Megan Young, ibinahagi sa mga netizen kung bakit pinili nilang maging pribado ang kanilang relasyon hanggang sa sila ay ikasal.
Mababasa sa artikulong ito:
- Mikael Daez at Megan Young love story
- Bakit itinago ni Mikael at Megan ang kanilang engagement?
- Mikael Daez sa pagiging Miss World ni Megan Young
Mikael Daez at Megan Young love story
Sa tagal ng naging relasyon ng aktor na si Mikael Daez at beauty queen na si Megan Young, tila nito lamang sila naging open upang ibahagi ang ilang mga bagay tungkol sa kanilang relasyon.
Sa dami ng taong lumipas, parati lamang nilang pinipili ang pagkakaroon ng pribadong relasyon. Subalit, paano nga ba nagsimula ang napakagandang love story ng celebrity couple na ito?
“Oh! Medyo cute ‘yon ah?” ‘yan ang kauna-unahang impression ng loving husband ni Megan Young sa kaniya.
Ang hindi maitatanggi at kaaya-ayang ganda ni Megan ang unang bagay na pumukaw sa atensyon ni Mikael. Samantala, noong panahon na ‘yon, “madaldal” daw si Mikael.
Sa unang beses na sila ay nagkakilala, hindi agad binigyan ng atensyon ni Megan si Mikael sapagkat mayroon pa siyang ibang relasyon noon.
Hanggang dumating na lamang sa puno na pareho na silang single.
“Kailangan ka naming ilabas, mag-meet ka ng mga boys.” pamimilit ng mga makukulit na kaibigan ni Megan sa kaniya.
Sa ginawa nilang paglabas-labas kasama ang magkaibigan, muling nagtagpo ang kanilang landas. Nagkaroon na sila ng pagkakataon magkakilala at mag-usap.
Larawan mula sa Instagram accountn ni Megan Young
Ayon pa kay Megan,
“For me, definitely the first few times that we hung out, I felt connected to him.”
Tila parating never ending ang kanilang usapan at walang dull moment kapag sila ay magkasama. Naging komportable sila sa isa’t isa, hanggang sinagot na ni Megan ang panliligaw ni Mikael.
“I really like Mikael,” sambit ng beauty queen.
Inamin ni Megan bago pa man niya sagutin ang aktor ay gustong gusto na niya ito. Kaya naman nang tanungin siya nito, bahagya siyang nagulit ngunit hindi na nagdalawang isip pa.
Bakit itinago ni Mikael at Megan ang kanilang engagement?
Taong 2017 nang opisyal na aminin ni Mikael Daez at Megan Young ang tungkol sa kanilang relasyon. Ayon sa dalawa, naging “open secret” ang namamagitan sa kanila pagdating sa press people, katrabaho, at iba pang mga kasamahan sa industriya ng showbiz.
Hindi ang hindi alam ng lahat ng tao, tanging silang dalawa lamang ang nakakaalam na mula pa lamang noong taong 2014 ay engage na sila. Matagal na ang plano nilang pagpapakasal bago nila aminin sa publiko ang kanilang relasyon.
Larawan mula sa Instagram accountn ni Megan Young
Pagbabahagi pa ni Megan Young,
“Actually, napag-usapan namin talaga na hindi sabihin sa family, specifically our moms.”
Dagdag pa ni Mikael,
“Pag nalaman ng mom ko, pag nalaman ng mommy niya.. Malalaman na ng buong mundo.”
Bukod pa rito, hindi pa rin daw nila alam kung anong klaseng kasal ba ang gusto nila nung panahon na ‘yon. Hindi pa klaro at mga bagay-bagay at wala pang malinaw na plano ukol sa kanilang kasal.
Ayon sa dalawa, mas makakaiwas sila sa stress at maraming tanong mula sa iba’t ibang tao kung pansamantalamg isisikreto muna ito. Hanggang sa naganap ang kanilang kasal at hindi nagkaroon ng announcement tungkol sa kanilang engagement.
Matapos ang kasal, minabuti ng dalawa na doon i-announce ang kanilang ginawang pag-iisang dibdib. Ayon kay Megan,
“All in one na siya! Para wala nang cheche bureche.”
Mikael Daez sa pagiging Miss World ni Megan Young
“If you’re gonna go for it, go for it 1 million percent.”
Iyan ang mga salitang sinabi ni Mikael sa kaniyang nobya noon na si Megan Young ng sinabi nito ang kaniyang pagnanais sumali sa Miss World beauty pageant. Ayon kay Megan, si Mikael ang nagsilbing number 1 supporter, cheerleader, at source ng confidence ng beauty queen.
Naging madalang ang pagkikita nilang dalawa. Nag-focus si Megan sa pageant at si Mikael naman sa kaniyang career sa showbiz. Subalit ipinagmamalaki ng dalawa na hindi ito naging hadlang sa kanilang relasyon.
Larawan mula sa Instagram accountn ni Megan Young
Pagbabahagi ni Megan,
“It was okay kasi it gave us a change to work on what we wanted to. So it gave you [Mikael] a chance to work on you acting, your career.. and it gave me a chance to focus on Miss Wold and the things that I wanted to do.”
Nag-work ang ganoong set-up sa kanilang dalawa. Ayon sa kanila, dahil dito, mas nag-grow sila bilang indibidwal. Magkahiwalay man, ngunit hindi nawala ang kanilang suporta para sa isa’t isa.
Samantala, masayang ibinahagi ni Mikael Daez na hindi nagbago sa nararamdaman nito sa kaniyang kasintahan matapos makuha ang titulo bilang Miss World 2013.
Ayon kay Mikael Daez,
“I’m not in love with Miss World, I’m in love with Bonez [Megan Young].”
Dagdag pa niya,
“With or without Miss World, she’s still Bonez to me. It was very clear to me and I knew that it was very clear to her that I was in love with Bonez [Megan Young] and she was in love with Fofo [Mikael Daez].”
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
Pandemya ng COVID-19
Press Releases
Rewards
VIP Parents
